Nehemías 7:4 - Chuj San Sebastian Bible

⁴ A jun chon̈b' cha, caw wal niwquil, may slajb' yalxi, palta jaywn̈ej nant eb' 'anma cajn xo 'eq'ui, yujto jayen̈ej nant te n̈a tzb'oxi.

Chuj San Mateo Bible

⁴ A jun chon̈ab' tic te nivan, palta quenanto anima ayec' d'ay, yujto manto b'ochajxiq'ue spat eb'.

Nehemías 7:4 ပူးပေါင်းရင်းမြစ်များ

Nehemías 11:1

A eb' yajl 'a jun nacion̈ tic, 'ix can cajn eb' 'a Jerusalén; ax jaywn̈ xo eb' chon̈ab', xya'ch eb' suerte, sec wach' a junc n̈al 'a junjn lajn̈e n̈ail, tz'at cajn 'a Jerusalén, atn jun chon̈b' yic Dios yaji. Ax junx b'aln̈e n̈ail, tzcancn 'a jun tzo'n̈ xo chon̈b' 'a b'esan.

Nehemías 11:2

Xlajw cha, xyaln eb' chon̈b' wach' paxti 'a smasnil eb' x'el 'a sc'ojl tz'at cajn 'a Jerusalén.

Nehemías 7:3

'Ix walni to matz comn jacx spuertail Jerusalén, masnto 'a yic tzq'uixn̈j 'ejm yoc c'u, ax 'a yemc'ual caw wach' tz'aj smacxi, yic mantzac pax eb' tztan̈wni. An̈jtona wach' tz'aj yochcn yijl puerta cha, xwa'n pax 'och stan̈mal eb' 'aj Jerusalén, 'ay pax mach a 'a sla'nil yatut stan̈wej.

Nehemías 7:5

Xlajw cha, xya'n Dios in na', to tzwac' syam sb'a eb' niwc winac, eb' 'aych yajlil yet' eb' chon̈ab', yic tz'ib'x eb' 'a yol libro, a tzyal yin̈tl smam yichm eb'. 'Ix 'ilchj pax ch'an̈ libro 'aj tz'ib'b'il can sb'i smam yichm eb' 'a yaln̈taxi. Ata tz'ib'b'il can eb' tic:

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.