Nehemías 6:6 - Chuj San Sebastian Bible

⁶ 'a 'aj tzyal win 'ixtic: Caw wal tzb'ey speclal 'a scal 'anma', 'ixtnta pax yaln Gesem, chajtlto ach tic yet' eb' et israelal, to wan e nalb'an eyi'n 'el e b'a 'a yaln̈ schecnb'il win rey. Yuj cha, wan e b'on chan̈ e muro. A tzyal wal tz'aj yel speclal, tolab' ach 'oj och reyal.

Chuj San Mateo Bible

⁶ b'aj syal vin̈ icha tic: Sb'ey specal d'a scal anima, icha pax chi' yalan vin̈aj Gesem to van e naan eyic'anel e b'a d'a yol sc'ab' vin̈ sreyal Persia, yuj chi' van e b'oanxiq'ue muro chi'. Scab' specal, tob' a ach ol ach och reyal.

Nehemías 6:6 ပူးပေါင်းရင်းမြစ်များ

Esdras 4:12

Tzcac' ojcoc 'el mamin rey, to a eb' 'aj Judá paxncta 'a Babilonia, c'ochnc eb' 'a Jerusalén. Wan sb'on pax chan̈ eb' jun chon̈b' to tenmtac xoni, caw maysch'olnil. Ya'jnacx 'ejm eb' yipnub' yich, wan xo sb'on chan̈ eb' smuroal jun chon̈b' cha.

Esdras 4:15

Sayx cab' 'ilxoc 'a ch'an̈ libro yic snanb'il cot eb' a mam echam. Ata 'oj yala', ax ojcan 'eli to a jun chon̈b' cha, caw wal tenmtac. 'Ay smay 'a eb' rey, yet' 'a jun tzo'n̈ xo chon̈ab', yujto a 'a yic yaln̈taxi 'ix syamch ya'n stenmtaquil, yuj cha, 'ix lajw 'el jun chon̈b' tic.

Nehemías 2:19

Palta ax yic xyab'n Sanbalat yet' Tobías cha, yet' pax Gesem win árabe, caw 'ix b'uchjw eb' 'ayn̈ on̈, man̈x 'a quel'ch 'a eb' on̈, xyaln eb' 'ixtic: —¿Tas 'oj e b'o'? ¿Tom tze nib'j tzeyac' tu nab'enal 'a win rey? xchi eb'.

Nehemías 6:13

Tojb'ilx yuj eb', yic tzin xib'tni, sec tz'och in mul yaln eb', sec maysch'olnil in b'inaxi, yic tz'el in q'uixwel.

Nehemías 6:5

Xlajw cha, ax jun ya'mal servil win Sanbalat 'ix schec cot 'a yo'ejmal 'ayin, yic tzwul ya'nc jun ch'an̈ carta to jacan,

Nehemías 6:7

Tox ab' 'ix a'ch eb' schecb' Dios yic tzyaln 'el eb' 'a Jerusalén to 'aych xo 'och reyl 'a Judá. A jun tzo'n̈ e peclal cha, toxn 'oj yab' win rey Artajerjes. Yuj cha, cotan̈ to tzon̈ paxtin wal et'oc, xchi Sanbalat 'a scarta cha.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Jn 19:13

Xlajw yab'n win jun tzo'n̈ tic, 'ix ya'n 'ijxoc 'el Jesús 'a 'aj 'ayc' cha. Xlajw cha, 'ix 'em wocn win 'a 'aj tzb'oyaj eb' 'anma'. A jun lugar cha, Gabata sb'i 'a hebreo, atn sti eb' israel. Tzyal 'el'chi, 'aj latz'b'il 'ejm q'ue'en.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

2 Co 6:8

'Ay 'aj niwn quel'ch on̈, 'ay 'aj may jac quel'ch on̈. 'Ay 'aj tzon̈ alx wach'l on̈, 'ay 'aj ton̈j tzon̈ b'uchx on̈. 'Ay 'aj ton̈j tzcac' 'es snan eb' on̈, palta yel tas tzcal on̈.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.