Nehemías 6:17 - Chuj San Sebastian Bible

¹⁷ A 'a yic jun tiempoal cha, til wal carta 'ix stz'ib'j 'at eb' winc niwn yel'ch yopiso 'aj Judá 'a Tobías, xya'n Tobías chi spac jun tzo'n̈ carta cha.

Chuj San Mateo Bible

¹⁷ A d'a juntzan̈ c'ual chi' tzijtum carta ix stz'ib'ejb'at eb' vin̈ vinac nivac yopisio aj Judá d'a vin̈aj Tobías chi', ix spacn̈ejxi vin̈.

Nehemías 6:17 ပူးပေါင်းရင်းမြစ်များ

Nehemías 13:28

A junc eb' yunnal Joiadá, yixchicn Eliasib, sat ya'mal 'och sti eb' 'anma 'a Dios, n̈ilab'il yaj 'a Sanbalat, atn win horonita, a jun win n̈ilab'il cha, xin pechl 'a in tz'ey.

Nehemías 13:4

A yic mantzac uj jun cha, a Eliasib ya'mal 'och sti eb' 'anma 'a Dios, a 'aych yajlil yiln jun tzo'n̈ cuarto 'a yatut qui Diosalec. A Eliasib cha, to 'ay yaln yic 'a eb' yin̈tl Tobías;

Nehemías 3:5

Ax eb' 'aj Tecoa sb'on pax eb' yic cha, palta a eb' niwc winc 'a scal eb', ma'ix yal sc'ojl eb' xcolwj yet' eb' tzjucb'tzan jun munljel cha.

Nehemías 5:7

Xlajw cha, xin nan wal si'mb'il 'a yib'an̈. Xin tench wan eb' niwc winac, yet' eb' yajal, yuj sc'ann 'el eb' yune stumin. Yuj cha, xwawtn smasnil eb' 'anma 'a jun c'umjb'a yuj jun paxti cha.

Nehemías 6:16

A yic 'ix yab'n smasnil eb' 'ajc'ojl yajch 'ayn̈ on̈, yet' jun tzo'n̈ xo nacion̈ 'ay 'a qui la'nil, caw 'ix xiw eb'. 'Ix can eb' 'a yalan̈, yujto sb'an̈jnac sb'a eb', 'ix yojquej 'el eb' to yuj scolwal Dios 'ix b'o jun munljel cha.

Nehemías 6:18

Til wal eb' 'aj Judá caw wach' ya'n yet' win Tobías cha, yujto n̈ilab'il yajch win 'a Secanías yunnal Arah. Ax Johanán, yunnal Tobías cha, 'ix nupn yet' 'ix yisl Mesulam, yunnal Berequías.