Nehemías 5:7 - Chuj San Sebastian Bible

⁷ Xlajw cha, xin nan wal si'mb'il 'a yib'an̈. Xin tench wan eb' niwc winac, yet' eb' yajal, yuj sc'ann 'el eb' yune stumin. Yuj cha, xwawtn smasnil eb' 'anma 'a jun c'umjb'a yuj jun paxti cha.

Chuj San Mateo Bible

⁷ Ix lajvi chi', ix in naan val sic'lab'il, ix in cachan eb' nivac vinac yed' eb' yajal yaji, yic maxtzac sc'an yune' stumin eb' chi' d'a eb' quetchon̈ab' tic. Yuj chi' ix vavtan masanil eb' anima d'a jun molchajelal yuj jun lolonel chi'.

Nehemías 5:7 ပူးပေါင်းရင်းမြစ်များ

Salmos 109:11

A win tz'a'n q'uen tumn majnil, a cab' win tz'i'n can smasnil tas 'ay 'a eb', ax eb' chuc 'anma'il, a cab' eb' tz'i'n can 'ec' smasnil jac tas tz'el-l 'a smunljel eb'.

Salmos 15:1

Mamin Jehová, ¿mach eb' 'oj stac' yaj cajn 'a yol a cajnub'? ¿mach eb' 'oj stac' yaj 'a lum tzaln ecn̈ej yaji?

Salmos 15:5

Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.

Salmos 27:8

Ach 'ix al 'ayn 'ixtic: Nitz 'ochl a b'a 'a in tz'ey, xa chi. Yuj cha, xin nani to tzin nitz 'ochch in b'a 'a a tz'ey.

Salmos 4:4

'Ib'xan̈c chan̈ yuj xiwlal, man̈x cab' pax 'och e mul. A yic c'otnexx 'eq'ui, 'a yic sictac eyaji, tze b'eyc'ojlan e b'a.

Salmos 94:16

Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?

Ex 22:24

Caw 'oj cot wowl 'ayex, ax ex in miln cham yet' q'uen espada. 'Oj can eyistl 'a man̈x 'a yichmil, ax scan pax eyunnal 'a man̈x 'a smam.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Pr 27:5

Yel xo wach' tzex stench wan junc e wach'c'ojol, 'a yib'n̈ to tzex cob' sc'ultac chamc'ojloc.

Pr 28:4

A eb' may yel'ch ley 'a sat, caw wal tzalj eb' yet' eb' tzb'on maysch'olnil, ax eb' yiclum 'a ley cha, tz'och eb' 'ajc'ojlal 'a eb' tzb'on maysch'olnil cha.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Lv 25:36

Man̈ eyi'c jac tas, man̈ e c'an smajnub'l junc tas 'a 'a. A eyico' to tze ch'oxli, to niwn wel'ch 'a e sat, sec tzcan junc eyit chon̈b' chi eyet' 'a yol e chon̈ab'.

Mt 18:17

Palta toto an̈ja matz chaj yab' 'a eb', yel xo wach' tzeyal 'a iglesia. Toto an̈ja matz chaj yab' pax 'a eb', cann̈j cab' 'ixta'. 'Icha junc comn 'anma man̈ 'ojtnacoc Dios, mto junc tecm 'el tumin, 'ixta cab' tz'ajcn 'a e sat.

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

Gl 2:11

Palta a yic 'ayc' Pedro 'a Antioquía, caw in tejnac in b'a yet'oc, yujto palta yutjnac sb'a ta'.

1 Ti 5:20

Toto 'ay mach matz yactj can sb'on maysch'olnil, caw tza tench wan eb' 'a sat eb' creyente smasnil, sec 'oj xiw eb' smasnil yoch smul 'a Dios.

Tito 2:15

Caw tzal-l wal jun tzo'n̈ tic 'a scal eb' creyente ta'. Tzac' wal snab'enoc eb'. Caw tza tench wan eb' maysch'olnil sb'eyb'al, yujto atn opiso chi ta'. Caw wach' tzotj a b'a, sec may eb' tztac' yaln o'oj, to may opiso.