Nehemías 5:13 - Chuj San Sebastian Bible

¹³ An̈jtona', xin tzicb'tan̈n 'el in pichul, xwaln 'ixtic: 'Ixtnta 'oj yutc pax Dios ex stzicn 'elt 'a eyatut yet' 'a e munljel, atn jantcn̈ej smasnil mach ma'oj syiclc sb'on jun tzo'n̈ cha, 'ixtnta pax 'oj yutc yi'n 'ec' tastc 'ay 'ayex, xin chi 'a eb'. 'Ix ta'w eb' smasnil: B'o cab' 'ixta', xchi eb'. Xlajw cha, xyaln eb' wach' paxti 'a Jehová. 'Ix syiclj eb' sb'on 'icha xyutj yaln cha.

Chuj San Mateo Bible

¹³ Ix in tzicub'tan̈ej pax in pichul, ix valani: Ichocab' tic ol aj ex stzicanel Dios d'a e pat yed' d'a e luum, tato man̈ ol e c'anab'ajej b'aj tzeyac'can e ti' tic. Icha chi' ol aj yic'anec' tastac ay d'ayex, xin chi d'a eb'. Ix tac'vi eb' anima chi' smasanil: Ichocab' chi' tz'aji, xchi eb'. Ix yalan vach' lolonel eb' d'a Jehová. Ix sc'anab'ajan eb' b'aj ix yac' sti' chi'.

Nehemías 5:13 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 23:3

'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

1 Cr 16:36

Alx cab' wach' paxti 'aych 'a smasnil tiempo Mamin Jehová, qui Diosal ach an̈ israel on̈ tic, xe chi, xchi David. 'Ix yaln smasnil eb' chon̈ab': ¡B'o cab' 'ixta'! xchi eb'. Xyaln eb' wach' paxti 'a Jehová.

Nehemías 8:6

Xlajw cha, xyaln Esdras wach' paxti 'a Jehová, atn jun Dios tztac' yuj smasnil. 'Ix ta'w smasnil chon̈ab', xyi'n chan̈ eb' sc'ab' 'a cha'an̈, xyaln eb' 'ixtic: 'Ixta cab' tz'aji, xchi eb'. Yajn̈ej x'em n̈ojn eb', squiln 'ejm eb' snan̈l sat 'a sat lu'um yic tzyaln sb'a eb' 'a Jehová.

Salmos 119:106

'Ix wac' in ti', to yowlal 'oj in yiclc tas xwala', yuj cha, 'oj in b'eylb'oc jun tzo'n̈ a ley tic, yujto tojl eb'.

Salmos 50:14

A 'e xajmb'al tzin nib'ej, atn alj wach' paxti 'ayin. 'A'c 'el'choc e ti tzeyac' 'ayn an Dios in tic, to caw niwn wel'chi.

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Pr 28:4

A eb' may yel'ch ley 'a sat, caw wal tzalj eb' yet' eb' tzb'on maysch'olnil, ax eb' yiclum 'a ley cha, tz'och eb' 'ajc'ojlal 'a eb' tzb'on maysch'olnil cha.

Ec 5:5

Yel xo wach' may tas qui comn ta'wjec, 'a yib'n̈ to tzqui ta'wjec junc tas, ax tz'aji, matz ca'c 'el'choc tas tzcalc cha.

Nm 5:22

Atn wal jun yailal chi 'oj jawc 'a eb'an̈, yic 'oj o'nc 'ejm jun a a 'et'jnac yailal tic, 'oj schic win 'a 'ix. Ax sta'w 'ix 'ix chi 'ixtic: B'o cab' 'ixta', xchi 'ix.

Mt 10:14

Toto matz ex schaj eb', toto matz nib'j eb' tas 'oj eyala', tzex 'elx 'a yol yatut eb', yet' 'a yol schon̈b' eb' cha. Tze ma'cn 'el spoccal eyoc, yic tze ch'oxn can 'eli, to man̈x 'a eyaln eyic 'a eb'.

A Tas Sc'ulejnac Eb' Schecab' Jesús Hechos 13:51

Ax Pablo yet' Bernabé, 'ix sma'cn 'el eb' spoccal yoc, yic tzch'oxn can 'el eb', to man̈x 'a yaln eb' yic 'a eb' 'anma cha. Xlajw cha, x'at eb' 'a chon̈b' Iconio.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

1 Co 14:16

Q'uinloc 'ay junc ex ticnec, tzeyal wach' paxti 'a Dios 'a junc chuc ti'al. Toto 'ixta', an̈j yet' e pixn tzeyala. Ax eb' 'ayc' eyet'oc, matz nachj 'el yuj eb' tas chi tzeyala. Yuj cha, a yic tzeyaln yuj diosal 'a Dios, matz tac' jun tzleslwi eb' eyet'oc.

A Ch'an̈ B'ab'el Libro Samuel 15:28

Yuj cha, xyaln Samuel 'ixtc 'a winac: —'Icha wal 'ix otj a jatn 'el sti in potl tic, 'ixta 'oj yutc Jehová ach yi'n 'el reyl 'a qui chon̈ab'. Ax ya'n can pax opiso chi 'a yol sc'ab' junc xo et chon̈ab', junc yel xo wach' 'a eb'an̈.