Nehemías 5:12 - Chuj San Sebastian Bible

¹² 'Ix ta'w eb', xyaln eb' 'ixtic: 'Oj cac' meltzjoc smasnil jun tzo'n̈ chi 'a eb', man̈x 'a tas 'oj cal yuj jun tzo'n̈ cha. 'Oj qui b'o smasnil 'icha tzotj aln cha, xchi eb'. Xlajw cha, xwawtn eb' ya'mal 'och sti eb' 'anma 'a Dios. 'A sat eb', xwa'n yac' eb' sti yuj tas xyal cha.

Chuj San Mateo Bible

¹² Ix tac'vi eb' smasanil icha tic: Ol cac'xi meltzaj masanil juntzan̈ chi' d'a eb'. Man̈xalaj tas ol cal yuj juntzan̈ chi'. Ol co c'anab'ajej masanil tas ix al chi', xchi eb'. Yuj chi' ix vavtan eb' sacerdote. A val d'a yichan̈ eb' ix in chec yac' sti' eb' yuj tas ix yal chi'.

Nehemías 5:12 ပူးပေါင်းရင်းမြစ်များ

Esdras 10:12

'Ix ta'w eb' 'anma chi smasnil, xyaln eb' 'ixtc 'a caw 'ip: —'Oj qui b'o 'icha tzal cha.

Esdras 10:5

Xlajw cha, xq'ue wan Esdras, xya'n pural eb' syajlil eb' ya'mal 'och sti eb' 'anma 'a Dios ya'n sti' to tzyiclj eb' 'icha tas xyal Secanías, yet' jun tzo'n̈ xo eb' levita, yet' eb' yit israelal.

Nehemías 10:29

'Ix syam sb'a eb' yet' eb' syajlil eb' to yicanto sb'a yet'oc. 'Ix yac' eb' sti', to 'oj sb'eylb'oc eb' sley Dios alb'il can yuj Moisés, win schecb' Dios, ax syiclni pax eb' smasnil schecnb'il, scuynb'il Jehová Dios, ax eb' ma'oj yiclnoc jun trato cha, 'oj jawc catb' 'a yib'n̈ eb'.

Nehemías 10:30

Yuj cha, xyaln can eb' 'ixtic: Man̈x 'oj ca'c nupnc eb' 'ix quisl yet' eb' chuc chon̈b'al; an̈jtona', man̈x 'oj qui cha nupnc yisl eb' yet' eb' cunnalec.

Nehemías 10:31

Toto tzjaw eb' chuc chon̈b'al chon̈wjoc 'a sc'ul 'iljelal, ma'oj qui manwjec 'a eb', yet' 'a sc'ul jun tzo'n̈ xo q'uin̈. Ax 'a yucl ab'il ax cactnec can lum lum 'iljoc, ax ca'nec pax tup sb'oc eb' 'ay sb'oc 'ayn̈ec.

Nehemías 13:25

A yuj jun cha, xin tej in b'a yet' eb', xin catb'tzej can eb'. 'Ay eb' xin mac'a, xin to'n 'el xil sjolm eb', xwa'n pax pural eb' ya'n sti 'a Dios, to man̈xtzac yij sb'a yunnal eb', yisl eb' yet' eb' chuc chon̈b'al. An̈jtona', matz tac' pax yoch eb' 'ix chuc chon̈b'al chi yistloc eb'. 'Ix waln pax 'ixtic:

Nehemías 5:11

Yuj cha, tzin tew 'ayex, to tzeyac' meltzjc pax slum eb' chi ticnec, yawb'ente eb', yolivo eb', yet' yatut eb'. Tzeya'n tup sb'oc eb' 'aych 'a yib'an̈. Tzeya'n pax meltzjc yune q'uen tumin, yet' yuc'm 'ixm trigo, yal uva, yet' aceite, xin chi 'a eb'.

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Lc 19:8

Ax win Zaqueo cha, 'ix q'ue lin̈an, 'ix yaln 'ixtc 'a Cajlil: —Al ticnec Mamin, jantcn̈ej tas 'ay 'ayin, spacl 'oj wutoc. 'Icha wic 'oj canoc, 'ixta 'oj wac' a eb' meb'a'. Toto 'ay eb' xlaj wixtoc, xlaj welc' stumin, chan̈ 'ejm 'oj in jel 'a eb', xchi winac.