Nehemías 5:11 - Chuj San Sebastian Bible

¹¹ Yuj cha, tzin tew 'ayex, to tzeyac' meltzjc pax slum eb' chi ticnec, yawb'ente eb', yolivo eb', yet' yatut eb'. Tzeya'n tup sb'oc eb' 'aych 'a yib'an̈. Tzeya'n pax meltzjc yune q'uen tumin, yet' yuc'm 'ixm trigo, yal uva, yet' aceite, xin chi 'a eb'.

Chuj San Mateo Bible

¹¹ Yuj chi' sval d'ayex to tzeyac' meltzaj slum eb' chi' ticnaic yed' yavb'en eb', te' yolivo eb' yed' spat eb', tzeyac'an lajvoc sb'oc eb' chi' d'ayex. Tzeyac'an meltzaj yune' q'uen tumin ix yac' eb' chi' d'ayex, ma trigo, ma vino, ma aceite, tas ix e c'an d'a eb', xin chi d'a eb'.

Nehemías 5:11 ပူးပေါင်းရင်းမြစ်များ

A Ch'an̈ Schab'l Libro Samuel 12:6

Chan̈wn̈ xo tzyutj stojn no yune calnelu cha, yujto tu tas sb'o'o, matz 'o'ch sc'ojl 'a junc yit 'anma'il, xchi.

Nehemías 5:10

An̈jtona 'in, yet' eb' 'ayt wuj in b'a yet'oc, yet' pax eb' in checab', 'ix cac' q'uen tumn smajnc eb' on̈, xca'n 'ixm trigo sjel eb' on̈. A ticnec ca'c tup jun tzo'n̈ sb'oc eb' cha.

Nehemías 5:12

'Ix ta'w eb', xyaln eb' 'ixtic: 'Oj cac' meltzjoc smasnil jun tzo'n̈ chi 'a eb', man̈x 'a tas 'oj cal yuj jun tzo'n̈ cha. 'Oj qui b'o smasnil 'icha tzotj aln cha, xchi eb'. Xlajw cha, xwawtn eb' ya'mal 'och sti eb' 'anma 'a Dios. 'A sat eb', xwa'n yac' eb' sti yuj tas xyal cha.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Lc 3:8

Toto tze na e b'a yuj e mul, yowlal wach' tzeyutj e b'eyb'al, sec tzcheclj 'eli chajtlto caw yel. Man̈ laj eyal 'ixtic: May pena, an̈ tic yin̈tl on̈ can Abraham, man̈ xe chioc, yujto an tzwal 'ayex, toto tzyal sc'ojl Dios, tztac' tz'och jun tzo'n̈ q'uen q'uen tic yin̈tloc Abraham chi e jeloc.

Dt 6:11

A eb' te n̈a 'ay ta', b'ut'n yet' tas wach' 'ay 'a yojol, palta man̈oc ex b'ut'jnac. 'Ay a 'uc'b'il a joyb'il, palta man̈oc ex joyjnac. 'Ay te uva yet' te olivo 'awb'il ta', palta man̈oc ex 'awjnac. Toxn̈ej 'oj e c'ux tas 'ay 'a jun lugar cha, ax e b'ut'j wal si'mb'il.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.