Nehemías 4:20 - Chuj San Sebastian Bible

²⁰ Yuj cha, a yic 'oj eyab'n yoc' no cacha 'a 'aj 'ayx 'ec' cha, tzex jaw 'a qui tz'ey on̈, ax qui Diosalec a 'oj colwjoc quet'ec 'a owal, xin chi 'a eb'.

Chuj San Mateo Bible

²⁰ Yuj chi' ayic tzeyab'an yoc' noc' ch'aac, tzex cot d'a co tz'ey, axo co Diosal ol colvaj qued' d'a oval chi', xin chi.

Nehemías 4:20 ပူးပေါင်းရင်းမြစ်များ

1 Cr 19:12

'Ix yaln 'a 'ixtic: Toto tzela a eb' sirio yel xo jeln eb' 'a wib'an̈, to 'ixta', tzach 'at colwjoc wet'oc. Palta 'oj wila', toto a eb' amonita yel xo jeln 'a eb'an̈, to 'ixta', an xo 'oj in 'at colwjoc et'oc.

Nehemías 4:19

'Ix waln 'ixtc 'a eb' niwc winac, 'a eb' yajl yaji, yet' 'a eb' chon̈ab': A jun munljel tic yel xo niwquil, may slajb' yalxi, palta an̈ec xo tic, on̈ pojxec 'ec' 'a jun muro tic, chucchc 'aj 'ayn̈ec can 'at junjn on̈ec.

Nehemías 4:21

Yuj cha, a spacloc on̈ tzon̈ munlji, tzon̈ 'och 'a munljel yic tzsacb'i masnto tzq'uic'b'i, ax spacl xo eb' yamb'il slanza eb' yu'uj.

Ex 14:14

Man̈ ex 'och 'il, a Jehová a 'oj yac' owl eyu'uj, xchi Moisés 'a eb' 'anma cha.

Ex 14:25

'Ix laj 'el setetal scaruaje eb', man̈xtzac stac' sb'ey eb', 'ix laj yal-lanc eb' 'a 'ixtic: —'El coyc 'a eb' israel tic. Yuj eb' tzya'n Jehová owl quet'ec, xchi ewinac.

Zacarías 14:3

Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Dt 1:30

A Jehová qui Diosalec, a 'oj b'ab'ljoc cujec, a 'oj 'a'noc owl cujec, 'icha wal cutjnaquec quiln tas 'ix sb'o 'a Egipto,

Dt 20:4

yujto a Jehová qui Diosalec a 'aych quet'ec. A 'oj 'a'nc owl yet' eb' 'ajc'ojl cha, a 'oj 'a'nc ca'c ganar, xchi cab' winac.

Dt 3:22

Man̈ ach xiwoc, yujto a Jehová qui Diosalec, a 'oj 'a'noc owl cujec, xin chi 'a 'a.

Josué 23:10

A junc on̈ec tic, tztac' s'at 'elc junc mil eb' cu'uj, yujto a Jehová a tz'a'n owl cujec, 'icha wal yaj ya'n can sti'.