Nehemías 4:15 - Chuj San Sebastian Bible

¹⁵ Ax yic 'ix yab'n eb' 'ajc'ojl yajch 'ayn̈ chi 'on̈, chajtlto lista caj qui macn sjaw eb', 'ix nachj 'el yuj eb' to a Dios 'ix jun 'el smasnil tas 'ix smol alj eb' cha, 'ixtnta x'aj cochx 'a qui munljel junjn on̈.

Chuj San Mateo Bible

¹⁵ Ayic ix yab'an eb' ajc'ol chi' to lista caji, ix nachajel yuj eb' to a Dios ix juanb'at tas ix smol alej eb' chi'. Icha chi' ix aj co munlajxi junjun on̈.

Nehemías 4:15 ပူးပေါင်းရင်းမြစ်များ

A Ch'an̈ Schab'l Libro Samuel 15:31

'Ix yaln eb' 'anma chi 'a David, to a win Ahitofel 'ajc'ojl xo yajch win 'a 'a, yujto yitb'eym xo sb'a win yet' Absalón. Yuj cha, 'ix sc'ann David chi 'a Jehová, to tzyac' juwc tas nab'il yuj win Ahitofel cha.

A Ch'an̈ Schab'l Libro Samuel 17:14

Yuj cha, 'ix yaln Absalón 'ixtc yet' eb' yichm wincal chon̈b' Israel: A jun nab'en tzyac' Husai tic, yel xo wach' 'a yib'n̈ yic win Ahitofel, xchi eb'. (Yujto a Jehová, a 'ix 'a'n juwc jun snab'en win Ahitofel cha, sec tzjaw maysch'olnil chi 'a yib'n̈ win Absalón.)

Nehemías 4:16

Atxo 'a yic jun c'ul cha, spacln̈ej eb' in munlwjum tzmunlji, ax spacl xo eb' lista yaj eb' yet' syamc'ab' yic owal, atn lanza, jul-lab', smacl sat jul-lab', yet' q'uen pichl tzya'ch eb' soldado 'a sn̈i sc'ojol. Ax eb' yajl yaj 'a scal eb' wit chon̈ab', 'ayc' eb' ya'n ste'nal eb' tzmunlj cha.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

Mr 13:34

Q'uinloc 'ay junc winac, tz'at 'a junc xo lugar 'a najat, tzcan yatut. Tzya'n can win yopiso junjn eb' smoso, tzyaln can winac tastc smunljel junjn eb', tzyaln can pax win 'a win stan̈mal n̈a, chajtlto tzmacwj winac.

Ro 12:11

Caw c'asn tzcutjec qui b'a 'a Cajlil. Man̈ 'isjoc tzcutjec qui b'a 'a 'a. Yet' smasnil qui c'ojol, tzca'nec servil Cajlil.

1 Ts 4:11

Caw tzeyac' eyip, sec tzex can 'a junc'ojlal. Man̈ eyactc can e b'on e munljel junjn ex. Sayc munljoc e b'a 'icha yaj caln can 'ayx on̈,