Nehemías 3:4 - Chuj San Sebastian Bible

⁴ 'Ix b'eyn̈j jun muro cha, ax Meremot yunnal Urías yixchicn Cos, sb'o pax yico'. A Mesulam, yunnal Berequías yixchicn Mesezabel sb'o yico', sb'on pax Sadoc, yunnal Baana yico'.

Chuj San Mateo Bible

⁴ Ix b'on̈ejb'at jun muro chi', a vin̈aj Meremot yuninal vin̈aj Urías yixchiquin vin̈aj Cos ix b'oanxiq'ue junxo macan̈. Axo vin̈aj Mesulam yuninal vin̈aj Berequías, yixchiquin vin̈aj Mesezabeel ix b'oanxiq'ue junxo macan̈. Axo vin̈aj Sadoc yuninal vin̈aj Baana ix b'oanxi junxo macan̈.

Nehemías 3:4 ပူးပေါင်းရင်းမြစ်များ

Esdras 2:61

A eb' yin̈tl Habaía, eb' yin̈tl Cos yet' eb' yin̈tl Barzilai, 'ix yal eb' to ya'mal 'och sti eb' 'anma yaj eb' 'a Dios. 'Ix sayx 'ilxoc sb'i eb', palta ma'ix 'ilchj junc un̈ 'aj chequel, toto yel 'ixta yaj eb', yuj cha, ma'ix 'ajx yopiso eb' 'a yatut Dios. A win Barzilai cha, ayic 'ix nupn yet' jun 'ix yisl jun win 'aj Galaad, ata scuchcn win Barzilai yujto 'ixta sb'i win sn̈i win cha.

Esdras 8:33

Ax 'a schan̈l c'ual on̈ 'at 'a yatut qui Diosalec. Yajn̈ej 'ix quechtan q'uen plata, q'uen oro yet' jun tzo'n̈ xo yamc'ab'. 'Ix ca'n 'a yol sc'ab' eb' wit ya'mal-l 'och sti eb' 'anma 'a Dios, atn win Meremot, yunnal Urías. 'Ayc' pax Eleazar yet'oc, atn yunnal Finees, yet' jun tzo'n̈ xo eb' levita, atn Jozabad, yunnal Jesúa yet' Noadías yunnal Binuy.

Nehemías 3:21

A Meromot, yunnal Urías yixchicn Cos, 'ix sb'on muro 'a stojlal spuertail yatut Eliasib masnto tzc'och 'a 'aj tzlajw c'och cha.

Nehemías 3:3

Ax eb' yin̈tl Senaa, a eb' xb'on sjel 'aj tz'och spuertail yic no chay. Xya'ch eb' sjolm puerta, xya'n 'och eb' spuertail, ax q'uen hierro x'och yipnub'oc.

Nehemías 3:30

'Ix sb'on Hananías yunnal Selemías nan̈l xo, yet' Hanún, atn swacl 'unnal Salaf. 'Ix sb'on Mesulam yunnal Berequías nan̈l xo yic 'a stojlal yatut.

Nehemías 3:5

Ax eb' 'aj Tecoa sb'on pax eb' yic cha, palta a eb' niwc winc 'a scal eb', ma'ix yal sc'ojl eb' xcolwj yet' eb' tzjucb'tzan jun munljel cha.

Nehemías 6:18

Til wal eb' 'aj Judá caw wach' ya'n yet' win Tobías cha, yujto n̈ilab'il yajch win 'a Secanías yunnal Arah. Ax Johanán, yunnal Tobías cha, 'ix nupn yet' 'ix yisl Mesulam, yunnal Berequías.

Nehemías 7:63

A eb' yin̈tl Habaía, eb' yin̈tl Cos yet' eb' yin̈tl Barzilai, 'ix yal eb' to ya'mal 'och sti eb' 'anma yaj eb' 'a Dios. 'Ix sayx 'ilxoc sb'i eb', palta ma'ix 'ilchj junc un̈ 'aj chequel toto yel 'ixta yaj eb', yuj cha, ma'ix 'ajx yopiso eb' 'a yatut Dios. A win Barzilai cha, a yic 'ix nupn yet' jun 'ix yisl jun win 'aj Galaad, ata scuchcn win Barzilai yujto 'ixta sb'i win sn̈i win cha.