Nehemías 3:25 - Chuj San Sebastian Bible

²⁵ A Palal yunnal Uzai, a 'ix b'on jun muro 'a 'isquinyo, yet' jun torre niwquil ste'il 'ay 'a sdespacho win rey, atn 'a yamq'uil yatut eb' soldado 'aj tzmacwji. Ax Pedaías yunnal Faros sb'on yico',

Chuj San Mateo Bible

²⁵ Axo vin̈aj Palal yuninal vin̈aj Uzai, a vin̈ ix b'oanxiq'ue b'aj scumlaj chi' yed' jun torre ayel d'a spatic muro chi' d'a spalacio vin̈ rey, aton d'a yamaq'uil spat eb' soldado stan̈van vin̈ rey chi'. Axo junxo macan̈, a vin̈aj Pedaías yuninal vin̈aj Faros ix b'oanxiq'uei,

Nehemías 3:25 ပူးပေါင်းရင်းမြစ်များ

Esdras 2:3

A eb' yin̈tl Paros, 'ay 2,172. Eb' yic Sefatías, 'ay 372. Eb' yic Ara, 'ay 775. Eb' yic Pahat-moab, mto eb' yic Jesúa yet' Joab, 'ay 2,812. Eb' yic Elam, 'ay 1,254. Eb' yic Zatu, 'ay 945. Eb' yic Zacai, 'ay 760. Eb' yic Bani, 'ay 642. Eb' yic Bebai, 'ay 623. Eb' yic Azgad, 'ay 1,222. Eb' yic Adonicam, 'ay 666. Eb' yic Bigvai, 'ay 2,056. Eb' yic Adín, 'ay 454. Eb' yic Ater, mto Ezequías, 'ay 98. Eb' yic Bezai, 'ay 323. Eb' yic Jora, 'ay 112. Eb' yic Hasum, 'ay 223. Eb' yic Gibar, 'ay 95.

Nehemías 12:39

On̈ 'ec' 'a jun puerta yic Efraín, 'a jun puerta tzcuch Jesaná, 'a spuertail yic no chay, 'a jun torre tzcuch Hananel yet' 'a jun torre tzcuch Hamea, masnto 'a spuertail yic no calnelu; on̈ 'och wan 'a spuertail yic no calnelu, on̈ 'och pax wan 'a spuertail yic eb' tztan̈wni puerta cha. Ata xqui chaj qui b'a qui chac'ajil.

Nehemías 7:8

A eb' yin̈tl Paros, 'ay 2,172; eb' yic Sefatías, 'ay 372; eb' yic Ara, 'ay 652; eb' yic Pahat-moab, a eb' cha yin̈tl Josué eb' yet' yin̈tl Joab, 'ay 2,818 sb'isl eb'; eb' yic Elam, 'ay 1,254; eb' yic Zatu 'ay 845; eb' yic Zacai, 'ay 760; eb' yic Binuy, 'ay 648; eb' yic Bebai, 'ay 628; eb' yic Azgad, 'ay 2,322; eb' yic Adonicam, 'ay 667; eb' yic Bigvai, 'ay 2,067; eb' yic Adín, 'ay 655; eb' yic Ater, atn eb' yin̈tl Ezequías, 'ay 98; eb' yic Hasum, 'ay 328; eb' yic Bezai, 'ay 324; eb' yic Harif, 'ay 112.

Nehemías 8:4

A Esdras cha, lin̈n q'ue 'a yib'n̈ jun b'achnub' nab'a te', yujn̈ej jun cha xb'o cha'an̈. Ax 'a swach' c'ab', ata lin̈n 'ec' pax Matatías, Sema, Anías, Urías, Hilcías yet' Maasías. Ax 'a surito lin̈n 'ec' Pedaías, Misael, Malquías, Hasum, Hasbadana, Zacarías, yet' Mesulam.

Jeremías 22:14

Tzaln 'ixtic: 'Oj in b'o junc in niwquil despacho, ax 'a yib'an̈, ata 'oj in b'o q'ue junc n̈a lewn 'oj 'aj yojol. 'Oj jacwc can sventnual, a te c'ute 'oj wa'ch yichoc, ax wa'n 'och chac pintura yan̈loc, xa chi.

Jeremías 32:2

A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Jeremías 33:1

A yic 'aynto 'och presoal 'a 'amc' 'a 'aj 'ayc' eb' stan̈mal despacho, 'ix paxtin pax Jehová 'ayn jun 'ejm xo 'ixtic:

Jeremías 37:21

Yuj cha, xyaln win rey Sedequías to ata tzin can 'a 'amac', 'a 'aj 'ayc' eb' tztan̈wni jun despacho cha, ax 'a junjn c'u tz'ajx junjn pan 'ayin, ata tzmanx 'ixm 'a eb' b'om pan. 'Ichn̈jta x'aji, ya' sb'a 'ayt 'ixm pan chi 'a yol chon̈ab'. 'Ixtnta in 'aj in cancn 'a 'amc' cha.

Jeremías 38:13

Xlajw cha, xya'n 'ejm ewin ch'an̈ lasu cha, yamb'il can sn̈i ch'an̈ yuj ewinac, in sto'n q'uet ewin yet' ch'an̈. Xlajw cha, axta in cancn 'a 'amac', 'a 'aj 'ayc' eb' tztan̈wni despacho.

Jeremías 39:8

Ax eb' 'aj Babilonia cha, 'ix sn̈usn can eb' despacho, yet' smasnil n̈a 'ay 'a Jerusalén. 'Ix sma'n lan̈chjoc eb' smuroal chon̈ab'.

Miqueas 4:8

A lum tzaln Sión yic Jerusalén yaji, ata 'oj in tan̈wc eb' in chon̈b' 'icha junc 'ilm calnelu. A Jerusalén 'oj ya'x yajlil pax jun 'ejm xo 'a yib'n̈ smacb'en 'aj ya'jnac yajlil 'a pecti', xchi Dios.