Nehemías 3:1 - Chuj San Sebastian Bible

¹ A junjn c'aj eb' 'anma', schaj eb' yic chi 'oj sb'o 'a jun muro cha. Atn eb' tic xjucb'tzan jun munljel cha: A Eliasib sat ya'mal 'och sti eb' 'anma 'a Dios, yet' eb' yitb'eym ajun yet' cha, a eb' xb'on sjel spuertail chon̈b' 'aj tz'och no calnelu. 'Ix b'o yuj eb', 'ix ya'n 'och eb' spuertail, 'ix sb'on pax eb' jun muro tzchaj 'at 'a jun torre tzcuch Hamea, masnto xc'och 'a junx torre tzcuch Hananel.

Chuj San Mateo Bible

¹ A vin̈aj sat sacerdote Eliasib yed' eb' yetsacerdoteal, a eb' ix b'oanxi b'aj tz'och noc' calnel, ix yac'anoch spuertail eb'. Ix sb'oanxiq'ue muro eb', ix b'atn̈ej d'a torre scuch Hamea masanto d'a torre scuch Hananeel, ix yac'ancanoch eb' d'a yol sc'ab' Dios.

Nehemías 3:1 ပူးပေါင်းရင်းမြစ်များ

Nehemías 12:10

A eb' yin̈tl Josué, atn Joiacim, Eliasib, Joiada,

Nehemías 12:30

Xlajw cha, 'ix sacb'tzan sb'a eb' ya'mal 'och sti eb' 'anma 'a Dios yet' eb' levita. 'Ix sacb'tzan pax sb'a eb' chon̈ab', 'ixta to b'i'an 'ix sacb'tzan eb' spuertail chon̈ab' yet' smuroal.

Nehemías 12:39

On̈ 'ec' 'a jun puerta yic Efraín, 'a jun puerta tzcuch Jesaná, 'a spuertail yic no chay, 'a jun torre tzcuch Hananel yet' 'a jun torre tzcuch Hamea, masnto 'a spuertail yic no calnelu; on̈ 'och wan 'a spuertail yic no calnelu, on̈ 'och pax wan 'a spuertail yic eb' tztan̈wni puerta cha. Ata xqui chaj qui b'a qui chac'ajil.

Nehemías 13:28

A junc eb' yunnal Joiadá, yixchicn Eliasib, sat ya'mal 'och sti eb' 'anma 'a Dios, n̈ilab'il yaj 'a Sanbalat, atn win horonita, a jun win n̈ilab'il cha, xin pechl 'a in tz'ey.

Nehemías 13:4

A yic mantzac uj jun cha, a Eliasib ya'mal 'och sti eb' 'anma 'a Dios, a 'aych yajlil yiln jun tzo'n̈ cuarto 'a yatut qui Diosalec. A Eliasib cha, to 'ay yaln yic 'a eb' yin̈tl Tobías;

Nehemías 3:20

A Baruc yunnal Zabai, 'a smasnil sc'ojol, 'ix sb'on nan̈l xo muro 'a jun 'isquinyo cha, masnto tzc'och 'a spuertail yatut Eliasib sat ya'mal 'och sti eb' 'anma 'a Dios.

Nehemías 3:21

A Meromot, yunnal Urías yixchicn Cos, 'ix sb'on muro 'a stojlal spuertail yatut Eliasib masnto tzc'och 'a 'aj tzlajw c'och cha.

Nehemías 3:32

Ax eb' tzb'on jun tzo'n̈ q'uen wach' yilxi yet' eb' chon̈wjum, a eb' xb'on yic 'a 'aj 'ayc' eb' tztan̈wni 'isquinyo cha, masnto xc'och a 'aj 'ay spuertail yic no calnelu.

Nehemías 6:1

Ax xyab'n Sanbalat, Tobías, Gesem yet' jun tzo'n̈ xo eb' 'ajc'ojl yajch 'ayn̈ on̈, chajtlto tox 'ix b'o jun muro cha, man̈x 'a 'aj jacn 'eli, (wach'xam mantzac 'och spuertail 'a yet'ul).

Nehemías 7:1

A yic xlajw sb'o jun muro cha, 'ix wa'n 'ajxoc 'och spuertail, 'ixta to b'i'an xwa'n 'och eb' tztan̈wni spuertail yatut Dios, eb' tzb'itni, yet' jun tzo'n̈ xo eb' levita.

Salmos 30:1

Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.

Salmos 48:12

'E'n̈ec oyyoc 'a spatquil Sión, tze b'isni jaye storreal 'ay;

Pr 3:6

Na cot Jehová yet' smasnil tas tzlaj a b'o', sec a 'oj e'n 'at 'a jun wach' b'eyb'al.

Pr 3:9

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li.

Jeremías 31:38

'Ay jun c'ul 'oj jawoc, 'oj b'ox chan̈ chon̈b' Jerusalén jun 'ejm xo wico'oc. 'Oj 'atn̈j 'a jun torre tzcuch Hananeel, masnto 'oj c'och 'a jun puerta 'ay 'a jun schiquin.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Zacarías 14:10

Smasnil jun c'aj lum lum cha, pan̈n 'oj 'ajcni, tzchaj 'at 'a Geba masnto 'a Rimón, 'a stojlal sur yic Jerusalén. Ax Jerusalén cha, caw chan̈ 'oj 'ajcn chan̈ 'icha junc tzalan. A 'aj 'oj 'aj cajn eb' 'anma 'a 'a, 'oj schaj 'at 'a jun puerta yic Benjamín, masnto 'a jun puerta yic yisquinyoal 'a 'aj 'ay jun b'ab'l puerta 'a yic pecti'. 'Oj 'atn̈j 'a jun torre yic Hananel, masnto tzc'och 'a 'aj tzpitz'x 'el yal yuva win rey.

Jn 5:2

A 'a yol jun chon̈b' cha, ata 'ay jun tanque Betesda sb'i 'a hebreo, atn sti eb' israel. A 'a sti jun tanque cha, ata 'ay o'e n̈a may yich. 'Ayc' jun tanque chi 'a sla'nil jun puerta 'aj tzb'ey no calnelu.

Dt 20:5

Ax eb' syajlil eb' soldado cha, 'oj yal eb' 'ixtic: Toto 'ay junc ex 'a qui calc tic tot xe b'o junc eyatut, mantzac e caj xon jab'oc, tztac' e pax 'a eyatut cha. Toto ma'ay, ch'olb'j tzex cham 'a owal, ax 'oj 'ajoc chucx mach 'oj cajnc eyatut cha.