Nehemías 2:8 - Chuj San Sebastian Bible

⁸ Tza'n pax junc xo carta 'a win Asaf, atn win yilmal te niwc te 'ay 'a yol a macb'en, sec wach' tzyac' win te 'ayin. 'Oj c'anxoc te 'a spuertail yatut eb' 'ayc' stan̈wc yatut Dios, yet' spuertail smuroal chon̈ab', yet' pax stel watut 'aj 'oj waji, xin chi 'a 'a. Yuj swach'c'ojlal in Diosal 'a wib'an̈, 'ix ya'n win rey smasnil jun tzo'n̈ tic 'ayin.

Chuj San Mateo Bible

⁸ Sb'at junocxo carta chi' d'a vin̈aj Asaf yilumal te' nivac te' ay ta', yic syac' te' vin̈ d'ayin, yic tz'och te' d'a spuertail b'aj ay eb' stan̈van templo, d'a smuroal chon̈ab' chi' yed' d'a te' pat b'aj ol in ajoc, xin chi d'a vin̈. Yuj svach'c'olal in Diosal, ix yac' masanil juntzan̈ tic vin̈ rey chi' d'ayin.

Nehemías 2:8 ပူးပေါင်းရင်းမြစ်များ

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Esdras 5:5

Palta caw 'aych Dios yet' eb' tzjucb'tzan jun munljel cha, ma'ix tenx 'och wan eb' yuj eb' 'ajc'ojl cha. Ax win gobernador cha, ton̈j 'ix yac' win tz'ib'xoc 'at jun ch'an̈ carta 'a win rey Darío, stan̈wni win spac yuj tas 'oj yutc win rey chi yaln yu'uj.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.

Esdras 6:8

An rey Darío in, an tzwal 'ayex, to tzex colwj yet' eb' israel tzjucb'tzan eb' tzb'on sjel yatut Dios. A 'a q'uen tumn tz'ajx yac' eb' 'ay 'a sc'axpil 'e't a Éufrates 'a win rey, a 'a q'uen tz'elt stojl eb' tzmunlj cha, matz 'ec' tiempo yajxi, sec wach' matz 'och wan jun munljel cha.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Nehemías 7:2

Xwa'n 'och wu'tac Hananí yet' Hananías syajlilc cuartel 'a Jerusalén, yujto a jun winc cha, caw tojl snab'en, caw 'ay xiwc'ojlal 'a Dios 'a yib'n̈ jun tzo'n̈ xo eb'.

Pr 21:1

A snab'en eb' rey, a 'a yol sc'ab' Jehová 'ayq'ui, a tz'i'n b'ey snab'en eb' 'icha tzyac' junc a a tzjelx sb'e 'aj tzb'eyi.

Ec 2:5

'Ix laj wawc eb' te c'ultc 'ay snich, 'ix laj in b'o scol-lal 'aj xwawj eb' te te tzyac' sat.

Ec 2:6

Xlaj in b'onc pax yet'l wal 'aj tzyam sb'a yic tzwa'n 'och yalil wawb'en te cha.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Dn 1:9

Ax Dios 'ix 'a'n 'och Daniel wach'l 'a sat win Aspenaz cha.

A Tas Sc'ulejnac Eb' Schecab' Jesús Hechos 26:22

Palta a Dios colwjnac 'ayin. Yuj cha, caw te'n wutjnac in b'a. An̈jtona pax ticnec, te'nn̈ej tzwutj in b'a waln 'el spaxti Dios 'a smasnil 'anma'. Tzwaln̈j 'a eb' niwn yel'chi. Tzwaln̈j pax 'a eb' may yel'chi. A eb' schecb' Dios pecti', yet' Moisés, 'aycto, stz'ib'n can eb' tastc tzjawi. An̈j tz'ec' wal-li.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

2 Co 8:16

Tzwac' yuj diosal 'a Dios, yujto a tz'a'n jawc 'a sc'ojl Tito, yic tzex sya'ilni, 'icha tzwutj ex wiln an tic.