Nehemías 2:5 - Chuj San Sebastian Bible

⁵ 'Ix waln 'a win rey 'ixtic: —Toto wach' tzab' mamin rey, toto wach'n an a checb' in tic 'a a sat, tzin c'an 'ayach to tzin a chaj 'at 'a Judá, atn 'a jun chon̈b' 'aj mucn eb' in mam wicham, to tz'at in b'ox can chan̈ sjel, xin chi 'a winac.

Chuj San Mateo Bible

⁵ Ix valan d'a vin̈ rey chi' icha tic: —Tato scha a c'ol mamin rey, tato vach' in d'a yol a sat, tzin c'an d'ayach to tzin a chab'at d'a Judá chi', b'aj mucan eb' in mam vicham, yic sb'at in b'oanxiq'uei, xin chi d'a vin̈.

Nehemías 2:5 ပူးပေါင်းရင်းမြစ်များ

A Ch'an̈ Schab'l Libro Samuel 14:22

Ax Joab, 'ix 'em n̈ojn 'a sat lum 'a yojltac win rey cha, yic tzch'oxn 'el syiclumal, 'ix yaln swach' paxti 'ixtc 'a winac: —A ticnec mamin rey, 'ix wojquej 'eli to 'ay wel'ch 'ayach, yujto 'ix a chaj ab' tas tzin nib'j wal 'ayach, xchi winac.

Esdras 5:17

A ticnec mamin rey, toto wach' jun tic tzab'i, tzqui c'an 'ayach, to tzsayx 'ilxc 'a eb' ch'an̈ un̈ molb'il 'a sdespacho win rey 'a Babilonia cha, toto yel a rey Ciro tz'a'n b'o sjel yatut Dios 'a Jerusalén, tzal cot cab'i', tas tzotj a cuyn 'a yib'n̈ jun tic, xchi eb' 'a scarta cha.

Nehemías 2:4

—¿Tas tzwutj colwjoc in b'a 'aych ticnec jun? xchi win rey. Xlajw cha, in leslwi 'a Dios 'ay yic satcha'an̈.

Nehemías 2:6

Wocn 'ejm 'ix reina 'a stz'ey win rey, xyaln win 'ayin 'ixtic: —¿Jantc tiempo tzach 'ati? ¿B'a'n̈ wal tzach japxi? xchi win 'ayin. 'Ix walni jantc tiempo tzin 'ati, 'ix schan sc'ojl win in ya'n 'ati.

Ester 1:19

Yuj cha, toto wach' tzab' mamin rey, 'ac' b'o junc ley, tz'ib'x can 'a yol yun̈al qui leyl an̈ 'aj Persia yet' an̈ 'aj Media on̈ tic, sec man̈x 'a b'a'n̈ 'oj jelxoc: Man̈x 'a cab' b'a'n̈ 'oj jawc 'ix reina Vasti 'a yojltac win rey, xchi cab' jun ley cha. Ax junc 'ix 'ix yel xo wal wach' 'a yib'n̈ 'ix, a 'ix tz'ochx can reinail sjelc 'ix cha.

Ester 5:8

Toto yel 'ay a chamc'ojlal 'ayn mamin rey, tzyaln̈j a c'ojl a'n tas tzin c'ana, scha cab' a c'ojl a cotx q'ui'n jun 'ejm xo yet' win Amán yic tzex wa wet'oc, yujto caw niwn el'ch 'a in sat. At q'ui'n chi 'oj wal 'ayach tas tzin nib'j in c'an 'aych mamin rey, xchi 'ix.

Ester 7:3

—Toto 'ay wal a chamc'ojlal 'ayn mamin rey, toto wach'n 'a a sat, a tas tzin nib'j tzin c'ana, to tzac' niwnc'ojlal 'ayn yet' eb' wit chon̈ab', comnoc matz in cham yet' eb'.

Ester 8:5

Xyaln pax 'ix 'ixtic: —Toto wach'n 'a a sat mamin rey, toto tojl tas tzwal 'aych tic tzab'i, toto caw 'ay a chamc'ojlal 'ayin, 'ac' tz'ib'xoc junc a carta 'aj tzyala to tzsatx 'el tas tz'ib'b'il 'a ch'an̈ carta ya'jnac 'at win Amán, win yunnal Amedata 'a junjn chon̈b' 'ay 'a yol a macb'en, 'a 'aj tzyala to tzmilx cham smasnil eb' wit israelal.

Pr 3:4

Toto 'ixta', caw tzalj Dios et'oc, ax ach sb'inan pax eb' 'anma'.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Mt 23:27

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Lajn ex 'icha junc yet'l xi'lb'a 'ay 'a campusan, caw sac spatquil, caw wach' cob' yilxi, palta ax wal yojol, b'ut'n yet' sb'ac'l jun tzo'n̈ xi'lb'a cha, caw tu tas 'ay 'a yojl cha.

Rt 2:13

Xlajw cha, 'ix ta'w 'ix 'a winac: —Caw wach' a nab'en 'ayin. A jun tzo'n̈ a paxti tzal 'ayn tic, caw tzjaw in tzaljc'ojlal yu'uj. Caw wach' a paxtin 'ayin, wach'xam man̈ in lajnoc yet' junc eb' 'ix a'mal servil tic, xchi 'ix Rut cha.