Nehemías 2:3 - Chuj San Sebastian Bible

³ xwaln 'a win 'ixtic: —'Aychn̈ej cab' 'ec' 'a smasnil tiempo mamin rey. Cusltac yilx in sat, yujto tzin cus yuj in chon̈b' 'aj mucn eb' in mam wicham, caw juwnac, tz'anc pax spuertail? xin chi.

Chuj San Mateo Bible

³ ix valan d'a vin̈ icha tic: —Mamin rey, ayocab' achn̈ej eq'ui. ¿Tas yuj man̈ cuseltacoc yilji in sat a naani, ina to a in chon̈ab' b'aj mucan eb' in mam vicham, emnac lan̈najoc, tz'anacpaxb'at spuertail? xin chi d'a vin̈.

Nehemías 2:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 1:31

'Ix yab'nn̈ej 'ix Betsabé to 'ixta', 'ix 'em n̈ojn 'ix 'a yojltac win rey, masnto squil 'ejm 'ix snan̈l sat 'a sat lu'um, xyaln 'ix 'ixtic: —¡Mamin wajlil rey David, comnoc 'aych 'ec' 'a smasnil tiempo! xchi 'ix.

A Ch'an̈ Schab'il Libro Yic Yab'ixal Eb' Rey 25:8

Uque xo c'u yoch yol 'uj 'a yic sb'aln̈lajn̈il xo ab'il yoch Nabucodonosor reyl 'a Babilonia, 'ix jaw Nabuzaradán yet' eb' soldado 'a Jerusalén, sat yajl yaj yuj win rey cha, comandante pax yaj 'a eb' soldado tztan̈wni winac.

2 Cr 21:20

A yic 'ix chan 'el yich ya'n reyal, 32 ab'il sq'uinal, wajxque ab'il xyac' reyl 'a Jerusalén. A yic 'ix chami, may junc mach x'oc' yu'uj. Ata smuc eb' 'a Schon̈b' David, palta man̈oc 'a 'aj tzmucx eb' rey.

2 Cr 28:27

'Ix cham Acaz, 'ix mucx 'a chon̈b' Jerusalén, palta man̈oc 'a yet'l eb' rey. Xlajw cha, ax jun yunnal tzcuch Ezequías, a x'ochcn reyl sjeloc.

2 Cr 32:33

A yic xcham Ezequías, ata 'ix mucx 'a jun panteón 'ay q'ue 'a yib'n̈ jun tzo'n̈ xo panteón 'a 'aj mucn eb' yin̈tl David. Smasnil eb' 'aj Judá yet' eb' 'ay 'a Jerusalén, caw wach' 'ix yutj eb' smucni, ax jun yunnal tzcuch Manasés, a x'ochcn reyl sjeloc.

2 Cr 36:19

'Ix sn̈usn eb' yatut Dios, sma'n can lan̈chjoc eb' smuroal Jerusalén, sn̈usn eb' smasnil despacho, sma'n can juwc eb' smasnil tas to chan̈ stojol.

Nehemías 1:3

Xyaln eb' 'ayn 'ixtic: A eb' quit chon̈b' cha, 'ayc' eb' ticnec 'a Judá, caw cusltac yaj eb', q'uixweltac yilx 'och eb'. Ax pax yuj Jerusalén, mac'b'il 'ejm lan̈chjoc smuroal, tz'anc pax spuertail, xchi eb' 'ayin.

Nehemías 2:13

On̈ 'elt 'a spuertail pan̈n 'a'lic, on̈ 'ec' 'a stojlal a pac'b'a tzcuch Dragón, on̈ 'ec' pax 'a spuertail 'aj tz'at can c'alem. X'ec' in maclnoc wil smuroal Jerusalén mac'b'il 'ejm lan̈chjoc, yet' spuertail tz'anac.

Ester 8:6

Yujto caw ma'oj techjoc wu'uj, yic 'oj wilnc tas 'oj jawc 'a yib'n̈ eb' wit chon̈ab', yet' 'a yib'n̈ eb' wican, yuj tas tzon̈ satn 'el qui masnil on̈, xchi 'ix.

Salmos 102:14

A eb' a checb' tic, caw 'ay schamc'ojlal eb' 'a eb' q'uen q'uen yic Sión; yuj cha, caw ya tzyab' eb' yujto tz'ixtx 'eli.

Salmos 102:15

Smasnil lum nacion̈ yet' eb' rey 'ay 'a sat lum lum tic, 'oj xiw chan̈ eb', ax yi'n chan̈ eb' a b'i Mamin Jehová.

Salmos 137:6

Can cab' tzayn wac' 'a yol in jom, toto man̈x nanoc Jerusalén wu'uj, man̈x cab' tztac' in b'itni, toto 'ay junc xo yel xo nib'bi'l wuj 'a yib'n̈ Jerusalén.

Salmos 38:7

Til wal schiwj yich in patc yuj c'a'l yab'il, yaxn̈ej yoch 'a smasnil in niwnal.

Jeremías 52:12

A 'a yic slajn̈il c'u yoch yol 'uj yic sb'aln̈lajn̈il ab'il yoch Nabucodonosor reyl 'a Babilonia, 'ix c'och Nabuzaradán 'a Jerusalén, sat yajl yaj yuj win Nabucodonosor, comandante pax yaj 'a eb' soldado tztan̈wni win rey cha.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Dn 2:4

Xlajw cha, 'ix paxtin eb' tzyal jelnal sb'a chi 'a win rey 'a sti eb' arameo, atn sti eb' cha, 'ix yaln eb' 'ixtic: —¡Mamin rey, 'ayc'n̈ej cab' opiso tic 'a jun 'ejmn̈ej! Al 'ayn̈ an̈ a checb' on̈ tic, tas 'ix el 'a a waych cha, an̈ xo 'oj cal 'aych on̈ tas tzyal 'el'chi, xchi eb'.

Dn 3:9

'Ix yaln eb' 'a win rey chi 'ixtic: Mamin rey, 'ayc'n̈ej cab' opiso tic 'a jun 'ejmn̈ej.

Dn 5:10

A yic xyab'n 'ix reina yel yaw win rey chi yet' eb' yit yajlil 'ayc' yet'oc, 'ix 'och 'ix 'a yojl jun n̈a chi 'aj 'aych q'uin̈ cha, 'ix yaln 'ix 'a win 'ixtic: —Mamin rey, 'ayc'n̈ej cab' opiso tic 'a smasnil tiempo, man̈ ach xiwoc, man̈ sacb'oc 'el 'a sat yuj xiwlal.

Dn 6:21

Xlajw cha, xta'w Daniel 'ixtc 'a winac. —¡Mamin rey, 'ayc'n̈ej cab' opiso 'a jun 'ejmn̈ej!

Dn 6:6

Xlajw cha, 'ix smol aln jun tzo'n̈ eb' gobernador cha, to tz'at eb' paxtinc yet' win rey Darío. A yic xc'och eb' 'a yojltac winac, 'ix yaln eb' 'a win 'ixtic: —¡Mamin rey Darío, 'ayc'n̈ej cab' opiso tic 'a smasnil tiempo!

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.