Nehemías 2:10 - Chuj San Sebastian Bible

¹⁰ Palta 'ay chawn̈ eb' yajal, atn Sanbalat 'aj Horón yet' Tobías yajl yaj 'a eb' 'aj Amón, a yic 'ix yab'n eb' to in c'och colwjoc 'a eb' wit israelal cha, ma'ix schaj sc'ojl eb'.

Chuj San Mateo Bible

¹⁰ Palta axo ix yab'an vin̈aj Sanbalat aj Horón yed' vin̈aj Tobías yajal yaj d'a Amón to ix in javi yic tzin colvaj yed' eb' vetisraelal, ix cot yoval eb' vin̈.

Nehemías 2:10 ပူးပေါင်းရင်းမြစ်များ

Nehemías 13:1

A 'a yic jun tiempoal cha, 'ix 'awtx ch'an̈ libro yic Moisés yab' eb' chon̈ab'. X'ilchj 'a ch'an̈ chajtlto a eb' amonita yet' eb' moabita, may b'a'n̈ tztac' yoch eb' 'a scal eb' schon̈b' Dios

Nehemías 13:28

A junc eb' yunnal Joiadá, yixchicn Eliasib, sat ya'mal 'och sti eb' 'anma 'a Dios, n̈ilab'il yaj 'a Sanbalat, atn win horonita, a jun win n̈ilab'il cha, xin pechl 'a in tz'ey.

Nehemías 13:4

A yic mantzac uj jun cha, a Eliasib ya'mal 'och sti eb' 'anma 'a Dios, a 'aych yajlil yiln jun tzo'n̈ cuarto 'a yatut qui Diosalec. A Eliasib cha, to 'ay yaln yic 'a eb' yin̈tl Tobías;

Nehemías 2:19

Palta ax yic xyab'n Sanbalat yet' Tobías cha, yet' pax Gesem win árabe, caw 'ix b'uchjw eb' 'ayn̈ on̈, man̈x 'a quel'ch 'a eb' on̈, xyaln eb' 'ixtic: —¿Tas 'oj e b'o'? ¿Tom tze nib'j tzeyac' tu nab'enal 'a win rey? xchi eb'.

Nehemías 4:7

Palta ax yic xyab'n Sanbalat yet' Tobías cha, yet' pax eb' árabe, eb' amonita, yet' eb' 'aj Asdod, to yelc'ojlal tzon̈ munlj qui b'on smuroal Jerusalén, tox xlaj macchj 'aj niwc yaj sjacwi, yuj cha, caw 'ix cot yowl eb'.

Nehemías 6:1

Ax xyab'n Sanbalat, Tobías, Gesem yet' jun tzo'n̈ xo eb' 'ajc'ojl yajch 'ayn̈ on̈, chajtlto tox 'ix b'o jun muro cha, man̈x 'a 'aj jacn 'eli, (wach'xam mantzac 'och spuertail 'a yet'ul).

Nehemías 6:16

A yic 'ix yab'n smasnil eb' 'ajc'ojl yajch 'ayn̈ on̈, yet' jun tzo'n̈ xo nacion̈ 'ay 'a qui la'nil, caw 'ix xiw eb'. 'Ix can eb' 'a yalan̈, yujto sb'an̈jnac sb'a eb', 'ix yojquej 'el eb' to yuj scolwal Dios 'ix b'o jun munljel cha.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

Salmos 112:10

Ax yic 'oj yilnc sb'a eb' maysch'olnil snab'en 'a eb', 'oj cot yowl eb', caw 'oj juch'ch'oc ye eb' scot yowal, palta jab'jnal 'oj sat 'ejm eb'. A snib'b'en eb', 'oj lajwc can 'ejmi.

Pr 27:4

A c'a'lc'ojlal yel xo wal tu', niwn tas tzjuw 'el yu'uj. Ax pax chichnc'ojlal, toc 'ay mach tztac' scoln sb'a 'a 'a.

Pr 30:22

Atn junc moso tz'och reyal; win may snab'en to til wal tas tzc'uxu;

Ec 10:7

'Ix wiln paxi, to a eb' 'aych mosoal, yib'n̈ chej tzlaj 'ec' eb', ax eb' niwc winac, yoc eb' tz'eq'ui, 'icha to 'aych eb' mosoal.

Is 15:5

Caw wal tzcus in c'ojl yuj eb' 'aj Moab; a eb' 'anma 'a jun chon̈b' cha, 'oj 'at eb' 'eloc. Atta 'oj c'och eb' scol sb'a 'a Zoar, masnto 'oj c'och eb' 'a Eglat-Selisiya. 'Oj q'ue'choc eb' 'o'c 'a lum tzaln Luhit; yet' 'aj tz'ec' sb'el Horonaim. Caw wal ji'jmtac yoc' eb' yab'n syal tas tzjaw 'a yib'n̈ cha.

Jeremías 41:10

'Ix yi'n 'at Ismael chi eb' 'ix yisl win rey 'icha presoal, yet' eb' 'anma 'ayc' 'a Mizpa cha, atn eb' x'ajx stan̈wc Gedalías yuj win comandante Nabuzaradán. X'ijx 'at eb' yuj Ismael 'a yol yic Amón.

Jeremías 48:34

A eb' 'anma 'aj Hesbón, caw tz'el yaw eb' yuj yailal. Tzc'och yel yaw eb' 'a Eleale yet' 'a Jahaza. Tzc'och pax yel yaw eb' 'a Zoar masnto 'a Horonaim, yet' pax 'a Eglat-selisiya, an̈jtona eb' a spac'b'a 'a Nimrim 'ix tup chan̈ eb' a'.

Jeremías 48:5

Til wal yoc' eb', caw tz'el yal sat eb' sq'ue 'a lum switzl Luhit. Ax eb' tz'ejm 'a Horonaim, caw tz'el yaw eb' yuj syal tas tzlaj uji.

A Tas Sc'ulejnac Eb' Schecab' Jesús Hechos 4:2

'Ix cot yowl ewinac, yujto wan scuywj Pedro yet' Juan 'a eb' 'anma'. Wan yaln eb', chajtlto 'oj pitzwc pax eb' chamnac, yujto 'ixta x'aj Jesús spitzw paxi.

A Tas Sc'ulejnac Eb' Schecab' Jesús Hechos 5:24

Ax win sat ya'mal 'och sti eb' israel 'a Dios, yet' ewin yitb'eyum, yet' win sat stan̈mal yatut Dios, yic 'ix yab'n ewin jun tzo'n̈ cha, caw 'ix sat sc'ojl ewin si'mb'il. Ma'ix nachj 'el yuj ewinac, tas wal yaji.