Nehemías 2:1 - Chuj San Sebastian Bible

¹ A 'a yic jun c'ual 'a yol 'uj Nisán, 'a yic sjunc'lil ab'il yoch Artajerjes reyal, yic wan wa'n 'ejm yal uva 'a yojltac win rey, xyilni to cusltac in sat, palta may 'aj 'ixta wilxi.

Chuj San Mateo Bible

¹ Ay jun c'u d'a yol uj Nisán, ayic 20 ab'ilxo yoch vin̈aj Artajerjes reyal, ayic van vac'an svino vin̈ rey chi', ix yilan vin̈ to cuseltac yilji in sat. Malaj b'aj icha chi' viljitaxoni.

Nehemías 2:1 ပူးပေါင်းရင်းမြစ်များ

Gn 40:11

Ax xwilni to yamb'il chan̈ svaso win rey wu'uj, xwi'n cot te uva cha, xin pitz'n 'ejm yalil te 'a yol svaso winac. An pax xwac' jun vaso chi 'a yol sc'ab' win rey cha, xchi winac.

Gn 40:21

Win tzb'achn b'ey yal uva tzyu'j win rey cha, x'ajx 'och win 'a smunljel jun 'ejm xo, yic tzya'n pax win yal uva 'a win rey 'icha xon 'a yic yalan̈.

Esdras 4:7

Ax 'a yol stiempoal Artajerjes, sreyl Persia, ata 'ix tz'ib'x 'at jun ch'an̈ carta yuj Bislam, Mitrídates, Tabeel, yet' jun tzo'n̈ xo eb' yitb'eym eb'. A ch'an̈ carta cha, tz'ib'b'il ch'an̈ 'a sti eb' arameo.

Esdras 7:1

A yic 'aych win Artajerjes reyl 'a Persia, a yic cha, ata 'ayc' jun win ya'mal 'och sti' eb' israel 'a Dios 'a Babilonia, tzcuch Esdras. Ax eb' smam yichm 'aj cotnc yin̈til, atn eb' tic: Seraía, Azarías, Hilcías, Salum, Sadoc, Ahitob, Amarías, Azarías, Meraiot, Zeraías, Uzi, Buqui, Abisúa, Finees, Eleazar, yet' Aarón, win b'ab'l ya'mal 'och sti eb' 'anma 'a Dios.

Esdras 7:7

A 'a yic yucl ab'il xo yoch Artajerjes reyal, 'ix jaw Esdras 'a Jerusalén yet' nan̈l eb' yit israelal, yet' eb' yit ya'mal 'och sti eb' 'anma 'a Dios, yet' jun tzo'n̈ xo eb' levita, eb' tzb'itni, eb' tan̈m puerta, yet' eb' tz'a'n cuenta yatut Dios.

Nehemías 1:1

Atn wab'xil an Nehemías in tic, yunnaln Hacalías. A 'a yic sjunc'lil ab'il yoch Artajerjes reyal, 'a yol 'uj tzcuch Quisleu, an Nehemías in tic, ata 'ayn 'a chon̈b' Susa, sat yaj 'a eb' chon̈b' 'ay 'a yol yic Persia.

Nehemías 1:11

Tzin tew 'aych ticnec ach Cajlil on̈, to tza chaj ab' in lesl an a checb' in tic, yet' slesl jun tzo'n̈ xo eb' a checab', to tzqui nib'j tzach quij cha'an̈. Tzin c'an 'aych ticnec, to tzac' a wach'c'ojlal 'ayin, sec chab'iln an a checb' in tic yuj win rey, xin chi 'a in lesal. 'Ixta xwutj walni yujto an tic, 'ayn 'och sb'achmalc svaso win rey.

Ester 3:7

A yic b'ab'l 'uj 'a jun ab'il cha, atn 'a jun 'uj Nisán sb'i 'a yic slajchwil xo ab'il yoch win Asuero reyal, 'ix 'och suerte 'a yojltac Amán yic tzyojcan 'eli tas c'ual yet' tas tiempoal tz'el'ch tas tzna cha. Ax x'aji, 'ix 'el'ch jun suerte chi 'a yic 'oxlajn̈e yoch slajchwil 'uj, atn 'a jun 'uj Adar sb'i.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.