Nehemías 13:5 - Chuj San Sebastian Bible

⁵ yuj cha, 'ix ya'n jun niwquil cuarto 'a 'a, atn jun 'aj tzlaj molx q'uen ofrenda 'a yaln̈taxi, 'aj tzmolx incienso, jun tzo'n̈ yamc'ab', sdiesmoal 'ixm trigo, yal uva yet' aceite. A jun tzo'n̈ chi 'ix alxi to tz'ajx 'a eb' levita, 'a eb' tzb'itni, 'a eb' tan̈m puerta, yet' 'a eb' ya'mal 'och sti eb' 'anma 'a Dios.

Chuj San Mateo Bible

⁵ A jun cuarto chi', aton b'aj smolchajtaxon ofrenda, incienso, yamc'ab', sdiezmoal ixim trigo, vino yed' aceite, aton juntzan̈ chi' ix alchaji to tz'ac'ji d'a eb' levita, d'a eb' sb'itani yed' d'a eb' tan̈vum puerta yed' pax juntzan̈ colval tz'ac'ji d'a eb' sacerdote.

Nehemías 13:5 ပူးပေါင်းရင်းမြစ်များ

2 Cr 31:11

Yuj cha, xya'n Ezequías b'o yet'l 'aj tzmolx jun tzo'n̈ chi 'a yatut Jehová. A yic xlajw sb'o'i,

2 Cr 34:11

Xya'n pax eb' q'uen tumn chi 'a eb' josmte', yet' 'a eb' cuywjum yaj 'a jun munljel cha, yic tzmann eb' q'uen q'uen to tzeyb'ilxo, yet' smasnil te te tz'och syamnub'loc, yic tz'och pax te spatzb'iloc jun tzo'n̈ n̈a juwncan yuj eb' sreyl Judá.

Nehemías 10:36

An̈jtona', 'oj qui'c 'at eb' qui b'ab'l 'unnal, no sb'ab'l 'une qui wacax, no sb'ab'l 'une qui calnelu yet' sb'ab'l 'une qui chiwo 'a yatut qui Diosalec, 'a yojltac eb' ya'mal 'och qui ti 'a Dios, atn eb' tzmunlj 'a yatut qui Diosalec cha, 'icha yaj stz'ib'x can 'a ch'an̈ ley.

Nehemías 10:37

An̈jtona', 'oj qui'c 'at 'ixm qui b'ab'l harina, sb'ab'l sat smasnil cawb'ente', qui b'ab'l yal uva yet' qui aceite 'a eb' ya'mal 'och qui ti 'a Dios. Ax ca'nec sdiesmoal smasnil tas tzcawjec, ax eb' levita 'oj chanoc, yujto a eb' 'ay yaln yic schan sdiesmoal sb'al sat qui lum 'a junjn chon̈b' 'aj tzon̈ munljec.

Nehemías 10:38

A yic tz'at eb' levita 'at scha jun diesmo cha, yowlal tz'at junc eb' ya'mal 'och sti eb' 'anma 'a Dios yet' eb', atn junc yin̈tl Aarón. Tzyi'n 'at eb' levita sdiesmoal jun diesmo tzchaj chi 'a 'aj tzmolx 'a yatut qui Diosalec.

Nehemías 12:44

A 'a yic jun c'ul cha, 'ay jun tzo'n̈ eb' x'ajx 'och yopiso stan̈wni yet'l 'aj tzmolx ofrenda, atn sb'ab'l sat 'awb'en, yet' diesmo, a tzyal jantc tas tzcot 'a junjn lugar 'a yol yic junjn chon̈ab'. A jun tzo'n̈ cha, yic eb' ya'mal 'och sti eb' 'anma 'a Dios, yet' jun tzo'n̈ xo eb' levita, yujto a eb' chon̈ab' caw wal tzalj eb' yet' eb', yujto tz'a'w servil eb' 'a yatut Dios.

Nehemías 13:7

in meltzj pax cot 'a Jerusalén. Xlajw cha, xwab'n yuj jun maysch'olnil x'el sb'on Eliasib, yujto 'ix can 'a sc'ojl ya'n 'a Tobías jun niwquil cuarto 'ay 'a yatut Dios.

Ez 40:38

A 'a yojl 'och sti junjn puerta cha, ata 'ay junjn cuarto 'a sti corredor, ata tzb'icx 'el no noc' tz'ajx xajmb'alil.