Nehemías 13:15 - Chuj San Sebastian Bible

¹⁵ A 'a yic jun tiempoal cha, xwila to 'ay eb' 'a yol yic Judá tic, ste'l eb' yalil yuva 'a sc'ul 'iljelal. 'Ay pax eb' tz'ec' cuchj trigo, tz'ec' e no b'uro cuchj yal uva, cuchj uva 'a sc'ojlab'il, cuchj higo yet' tzann̈j 'ictzal. An̈jtona', tzyi'n pax cot eb' jun tzo'n̈ chi schon̈ 'a sc'ul 'iljelal 'a Jerusalén. Yuj cha, in owx 'a eb', yujto tz'ec' eb' 'a yib'an̈.

Chuj San Mateo Bible

¹⁵ A d'a juntzan̈ c'ual chi', ix vila' to ay eb' d'a yol yic Judá tic stec'anel yal uva d'a sc'ual ic'oj ip. Tz'ec'pax eb' cuchoj trigo, tz'ec'pax noc' sb'uru eb' cuchoj vino yed' cuchoj sat uva ayto och d'a sc'ojlab'il, cuchoj higo yed' yaln̈ej tas icatzil. Syic'ancot juntzan̈ chi' eb' d'a Jerusalén tic d'a sc'ual ic'oj ip. Yuj chi' ix in cach eb' to maxtzac schon̈ juntzan̈ chi' eb' d'a sc'ual ic'oj ip.

Nehemías 13:15 ပူးပေါင်းရင်းမြစ်များ

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

Nehemías 10:31

Toto tzjaw eb' chuc chon̈b'al chon̈wjoc 'a sc'ul 'iljelal, ma'oj qui manwjec 'a eb', yet' 'a sc'ul jun tzo'n̈ xo q'uin̈. Ax 'a yucl ab'il ax cactnec can lum lum 'iljoc, ax ca'nec pax tup sb'oc eb' 'ay sb'oc 'ayn̈ec.

Nehemías 10:32

An̈jtona', tox 'ix qui b'oc jun qui ley to yowlal 'oj ca'c chan̈e gramo q'uen tumn plata 'a junjn ab'il, yic tzc'anlb'ax 'a yatut qui Diosalec.

Nehemías 13:16

An̈jtona', 'ay eb' 'aj chon̈b' Tiro cajn 'a Jerusalén, yet' eb' no chay yet' smasnil tzann̈j chon̈al, yic tzchon̈n eb' 'a eb' wit israelal.

Nehemías 13:21

Yuj cha, xin ten in b'a yet' eb', xin tenn 'och wan eb' yujto tz'ec' chab' 'oxe 'ac'wl yuj eb' 'a spatquil muro tic. Yuj cha, xwaln 'a eb' 'ixtic: Toto tze b'o jun 'ejm xo 'ixtic, 'oj ex wa'ch 'a preso, xin chi 'a eb'. 'Ixtnta x'aj eb' yoch wan sjawi.

Nehemías 9:29

'Ix 'ac' snab'enoc eb', sec tzmeltzj eb' 'a a ley; palta an̈ja pit 'ix yutj sb'a eb'. Ma'ix schaj eb' yab' a checnb'il, palta 'ix 'ochx smul eb' 'a a ley, jun tz'a'n sq'uinl eb' toto tzyiclj eb'. Caw tenmtac xyutj sb'a eb', pit xyutj sb'a eb', ma'ix chaj eb' yab'i'.

Job 39:12

¿Am tza na'a to 'oj stac' a c'ann no', yic 'oj a molnc chan̈ tas tzyac' a munljel, mto 'oj a c'an no te'j trigo 'a a te'lab'?

Salmos 50:7

Tzyaln pax 'ixtic: Ex israel in chon̈b' eyaji, macljec eyab' tas 'oj wala', tojln̈ej 'oj wutc waln 'och 'a e sat. An ton tic Dios in, caw e Diosal in.

Ex 31:12

'Ix yaln pax Jehová 'a Moisés 'ixtic:

Ex 31:16

E masnil, yowlal tzeyiclj sc'ul 'iljelal, yujto a jun tic, sch'oxnb'il in trato eyet' 'a jun 'ejmn̈ej.

Ex 34:21

Waque c'u tzex munlji, ax 'a yucl c'u tzex 'ilji, wach'xam to stiempoal 'awnub', mto stiempoal jach'oj, yowlal tzex 'ilji.

Ex 35:2

Waque c'u tzex munlji, ax 'a yucl c'ual tzex 'ilji, yujto a jun c'u cha, yicn̈ej Jehová yaji, atn ta wach' eyi'n chan̈ sb'i. Tzann̈j mach tzmunlj 'a jun c'u cha, tojln̈ej schami.

Pr 28:4

A eb' may yel'ch ley 'a sat, caw wal tzalj eb' yet' eb' tzb'on maysch'olnil, ax eb' yiclum 'a ley cha, tz'och eb' 'ajc'ojlal 'a eb' tzb'on maysch'olnil cha.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Jeremías 17:24

An Jehová in, an tzwala: Yicljec wal tas tzwala, man̈ eyi' cot eyictz 'a spuertail chon̈b' tic 'a sc'ul 'iljelal. May junc munljel tze b'o'o, yuj e ch'oxn 'eli to wic yaj jun sc'ul 'iljelal cha.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Jeremías 42:19

Ax xo pax to tzex cancn 'a Judá, a Jehová wan yaln 'ayex, to matz ex 'at 'a Egipto. 'Ojquejec 'el si'mb'il, chajtlto an wan waln 'ayx ticnec.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Am 8:5

Ax tic tzeyal 'ixtic: Comnoc tzjapx q'uin̈ yic tzpa'x 'uj sec 'oj sta'x qui chon̈n qui trigo. Comnoc tzjapx sc'ul 'iljelal muc'uc sec 'oj stac' qui chon̈n sat cawb'en 'a chan̈ stojol, ax qui c'anlb'an quechtab' to man̈ tz'acnoc.

Miqueas 6:3

Ex israel tzcham wal eyab'n tas tzwala. Ta'wan̈c 'ayn ex in chon̈ab'. ¿Tom ex wixtej, mto 'ay wal tas tu xin b'o 'ayex?

A Tas Sc'ulejnac Eb' Schecab' Jesús Hechos 2:40

Til to wal tastc 'ix yal 'a eb'. 'Ix ya'n snab'enoc eb'. 'Ix yaln 'ixtic: —Colc 'elt e b'a 'a jun yailal 'oj jawc 'a yib'n̈ eb' 'anma maysch'olnil tic, xchi Pedro chi 'a eb'.

A Tas Sc'ulejnac Eb' Schecab' Jesús Hechos 20:21

'Ix waln 'el 'a eb' israel, 'ix waln pax 'a eb' man̈ israeloc, chajtlto yowlal tzna sb'a eb' 'a sat Dios, tzya'n 'och eb' sc'ojl 'a Cajlil Jesucristo.

Gl 5:3

Tzwaln 'at junx tic 'ayex. Tzann̈j mach tzya'ch jun circuncisión chi yipc sc'ojol, yowlal tzyiclj jantcn̈ej tas tzyal ley yic Moisés.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Dt 8:19

Palta toto tzeyac' sat e c'ojl 'a Jehová qui Diosalec, tzex 'och tza'n yuj jun tzo'n̈ tzalx 'och diosal, tzeya'n 'e'jm e b'a 'a 'a, toto 'ixta 'oj eyutc e b'a, 'a jun rato tic tzwaln cani, to 'oj ex satl Jehová e masnil.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.