Nehemías 13:13 - Chuj San Sebastian Bible

¹³ Xlajw cha, xwa'n 'och Selemías ya'mal 'och sti eb' 'anma 'a Dios yilmalc 'aj tzmolx jun tzo'n̈ cha, yet' Sadoc 'ajtzib' yet' pax jun levita Pedaías sb'i. An̈jtona', xwa'n pax 'och Hanán, yunnal Zacur, yixchicn Matanías colwjoc yet' eb', yujto a eb' cha, caw wach' snab'en eb'. Atn eb' chi xcan 'a yol sc'ab' spojn 'ec' tas tzc'uxx eb' yican eb' cha.

Chuj San Mateo Bible

¹³ Ix lajvi chi' ix vac'anoch vin̈aj sacerdote Selemías yilumaloc b'aj smolchaj chi' yed' pax vin̈aj Sadoc vin̈ tz'ib'um yed' pax jun vin̈ levita scuchan Pedaías yed' vin̈aj Hanán yuninal vin̈aj Zacur yixchiquin vin̈aj Matanías yic scolvaj vin̈ yed' eb' vin̈, yujto te vach' spensar eb' vin̈. Aton eb' vin̈ ix ochcan d'a yib'an̈ spojanec' vael d'a masanil eb' yetb'eyum chi'.

Nehemías 13:13 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 12:15

Palta ma'ix c'anx 'ilxoc scuenta eb' 'aj 'ix 'ajx q'uen tumn yic tztojx eb' munljum cha, yujto caw wach' snab'en jun tzo'n̈ eb' molm tumn cha.

A Ch'an̈ Schab'il Libro Yic Yab'ixal Eb' Rey 12:16

Ax pax q'uen tumn yuj stojx lajwc mul, yet' q'uen yic tz'ajx lajwc mul, ma'ix 'ijx'at q'uen 'a yatut Jehová, yujto yic eb' ya'mal 'och sti eb' 'anma 'a Dios yaj q'ue'en.

A Ch'an̈ Schab'il Libro Yic Yab'ixal Eb' Rey 22:7

An̈jtona', tzaln pax 'a 'a, matz a c'an yun̈al q'uen tumn chi 'a eb', yujto caw wal wach' snab'en eb', xchi rey Josías.

Nehemías 10:38

A yic tz'at eb' levita 'at scha jun diesmo cha, yowlal tz'at junc eb' ya'mal 'och sti eb' 'anma 'a Dios yet' eb', atn junc yin̈tl Aarón. Tzyi'n 'at eb' levita sdiesmoal jun diesmo tzchaj chi 'a 'aj tzmolx 'a yatut qui Diosalec.

Nehemías 11:22

A jun mach yajl yaj 'a yib'n̈ eb' levita 'a Jerusalén, atn Uzi win yunnal Bani, yixchicn Hasabías; eb' smam yicham atn Matanías yet' Micaía. Atn eb' tic 'ix 'elt 'a scal eb' yin̈tl Asaf cha, eb' tzjucb'tzan eb' 'a b'it 'a yatut Dios,

Nehemías 12:44

A 'a yic jun c'ul cha, 'ay jun tzo'n̈ eb' x'ajx 'och yopiso stan̈wni yet'l 'aj tzmolx ofrenda, atn sb'ab'l sat 'awb'en, yet' diesmo, a tzyal jantc tas tzcot 'a junjn lugar 'a yol yic junjn chon̈ab'. A jun tzo'n̈ cha, yic eb' ya'mal 'och sti eb' 'anma 'a Dios, yet' jun tzo'n̈ xo eb' levita, yujto a eb' chon̈ab' caw wal tzalj eb' yet' eb', yujto tz'a'w servil eb' 'a yatut Dios.

Nehemías 3:30

'Ix sb'on Hananías yunnal Selemías nan̈l xo, yet' Hanún, atn swacl 'unnal Salaf. 'Ix sb'on Mesulam yunnal Berequías nan̈l xo yic 'a stojlal yatut.

Nehemías 7:2

Xwa'n 'och wu'tac Hananí yet' Hananías syajlilc cuartel 'a Jerusalén, yujto a jun winc cha, caw tojl snab'en, caw 'ay xiwc'ojlal 'a Dios 'a yib'n̈ jun tzo'n̈ xo eb'.

Nehemías 8:4

A Esdras cha, lin̈n q'ue 'a yib'n̈ jun b'achnub' nab'a te', yujn̈ej jun cha xb'o cha'an̈. Ax 'a swach' c'ab', ata lin̈n 'ec' pax Matatías, Sema, Anías, Urías, Hilcías yet' Maasías. Ax 'a surito lin̈n 'ec' Pedaías, Misael, Malquías, Hasum, Hasbadana, Zacarías, yet' Mesulam.

Lc 12:42

Yuj cha, xyaln pax Cajlil 'a eb' 'ixtic: Q'uinloc 'ay junc patron̈ ticnec. A junc smoso yiclum, 'ay pax sjelnal, a 'oj ya'ch yopiso smayltomaoc, sec a 'oj 'ilnc eb' smoso chi smasnil, ax ya'n wa eb' 'a junjn 'ejem.

A Tas Sc'ulejnac Eb' Schecab' Jesús Hechos 4:35

xya'n eb' 'a yol sc'ab' eb' schecb' Jesús. Ax eb' xpojn 'ec' 'a eb' creyente cha, a tzyala jantc 'ay tz'och yuj junjn eb'.

A Tas Sc'ulejnac Eb' Schecab' Jesús Hechos 6:1

A 'a jun tiempoal cha, 'ix niwtj sb'isl eb' creyente. Palta a eb' creyente griego sti', 'ix cot yowl eb' 'a eb' creyente hebreo sti', yujto yic 'ix 'ajx wa eb' meb'a 'a junjn c'u, man̈ tz'acnoc x'ajx yic eb' 'ix chamnc yichmil griego sti'.

A Tas Sc'ulejnac Eb' Schecab' Jesús Hechos 6:3

Yuj cha, ex wu'tac, tze say ucwn̈oc winc 'a qui calc tic, tzeya'n 'och yopiso eb' sb'on jun munljel tic. Yowlal caw wach' sb'eyb'al eb', tznachj 'el yic Dios yuj eb', yowlal caw 'aych Yespíritu Dios 'a eb'.

1 Co 4:2

A mach tz'ajx yopiso, yowlal caw tzyiclj wal smunlj 'a jun tz'a'n yopiso cha.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

1 Ti 3:10

A yic mantzac 'och yopiso eb' diácono cha, yowlal tzb'ab'l b'eyc'ojlax can eb'. Toto may spaltail eb' tz'ilchji, tztac' yajx yopiso eb'.