Nehemías 13:10 - Chuj San Sebastian Bible

¹⁰ An̈jtona', xwab'n paxi to man̈xtzac 'ajx jun tzo'n̈ tas tzc'uxx 'a eb' levita, yet' eb' tzb'itni, eb' 'aych 'a yib'n̈ ya'n 'emmquilal, yuj cha, tolab' 'atnc eb' 'eloc, 'ix pax junjn eb' 'a slu'um.

Chuj San Mateo Bible

¹⁰ Ix vab'anpaxi to maxtzac ac'chaj svael eb' levita yed' eb' sb'itani, aton eb' ayoch d'a yib'an̈ yoch ejmelal, yuj chi' ix yactejcan yopisio eb', ix pax eb' d'a schon̈ab' junjun.

Nehemías 13:10 ပူးပေါင်းရင်းမြစ်များ

2 Cr 31:4

An̈jtona', xyaln pax 'a smasnil eb' 'anma cajn 'a Jerusalén, to tzyac' eb' scolwal toxn tzyac' eb' 'a eb' ya'mal 'och sti eb' 'anma 'a Dios yet' 'a eb' levita, sec wach' yelc'ojlal tzyac' servil eb' Jehová, 'icha yaln ley.

Nehemías 10:37

An̈jtona', 'oj qui'c 'at 'ixm qui b'ab'l harina, sb'ab'l sat smasnil cawb'ente', qui b'ab'l yal uva yet' qui aceite 'a eb' ya'mal 'och qui ti 'a Dios. Ax ca'nec sdiesmoal smasnil tas tzcawjec, ax eb' levita 'oj chanoc, yujto a eb' 'ay yaln yic schan sdiesmoal sb'al sat qui lum 'a junjn chon̈b' 'aj tzon̈ munljec.

Nehemías 10:39

An̈ israel on̈c tic yet' eb' levita, 'oj qui'c 'at 'ixm trigo, yal uva yet' aceite 'a 'aj tzmolxi, atn 'a 'aj 'ayc' smasnil yamc'ab' tzc'an eb' 'anma 'ay yopiso, atn eb' ya'mal 'och qui ti 'a Dios, eb' tan̈m puerta yet' eb' tzb'itni. 'Ix ca'nec can qui ti', to ma'oj cactquec can yatut qui Diosalec, xchi eb'.

Nehemías 12:47

Yuj cha, a 'a yol stiempoal Zorobabel wet' an Nehemías in tic, smasnil eb' quit israelal tzyac' eb' tas tzc'ux eb' tzb'itni, eb' tan̈m puerta yet' pax eb' levita to 'ay yaln yic schan yico'. Ax eb' levita chi tz'a'n pax yic eb' yin̈tl Aarón.

Is 43:23

Man̈x 'ic eyac' no calnelu xajmb'al-l 'ayin, man̈x 'a wel'ch jac 'a e sat yet' e xajmb'al cha. Ma'ix in c'ann̈j ofrenda 'ayex, ma'ex wac' pural eya'n incienso 'ayin.

Malaquías 3:8

An xo tic tzin c'anb'n 'ayex: ¿Tom smoj tz'elc'w eb' 'anma 'a sDiosal? Ax tic caw tzin eyelq'uej. Tze c'anb'n to pax 'ixtic: ¿Tas 'aj tzach quelq'uej? xe chi. A tas 'aj in eyelq'uej, atn 'a e diesmo yet' 'a eyofrenda.

Nm 35:2

Al 'a eb' et israelal tic: A 'a lum slum eb' chi tzchaj cha, ata tzcan yet'l schon̈b' eb' yin̈tl Leví 'aj 'oj can cajan, tzcan pax swalab' scajb'en noc' eb' 'a stz'ey schon̈b' cha.

Dt 12:19

Ya' sb'a yic pitzn ex 'a jun lugar cha, man̈ eyac' sat e c'ojl 'a eb' levita 'ayc' eyet'oc.