Nehemías 12:39 - Chuj San Sebastian Bible

³⁹ On̈ 'ec' 'a jun puerta yic Efraín, 'a jun puerta tzcuch Jesaná, 'a spuertail yic no chay, 'a jun torre tzcuch Hananel yet' 'a jun torre tzcuch Hamea, masnto 'a spuertail yic no calnelu; on̈ 'och wan 'a spuertail yic no calnelu, on̈ 'och pax wan 'a spuertail yic eb' tztan̈wni puerta cha. Ata xqui chaj qui b'a qui chac'ajil.

Chuj San Mateo Bible

³⁹ On̈ ec' d'a puerta scuch Efraín, d'a puerta scuch Jesana, d'a puerta yic noc' chay, d'a torre scuch Hananeel yed' torre scuch Hamea, masanto d'a puerta yic noc' calnel. Ix on̈ och vaan d'a puerta b'aj ay eb' stan̈vani.

Nehemías 12:39 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 14:13

'Ix yamchj Amasías yuj Joás 'a scal owl 'a Bet-semes. Xlajw cha, 'ix cot Joás yet' eb' soldado 'a Jerusalén, 'ix wul sma'noc can 'ejm lan̈chjoc eb' 180 metro smuroal chon̈b' Jerusalén, 'ix schaj 'at 'a spuertail yic Efraín masnto 'a spuerta'il yisquinyoal.

Nehemías 12:40

Yajn̈ej 'ix c'och eb' chamacn̈ tzb'itn chi 'a yatut Dios; in c'och pax yet' nan̈l xo eb' yajl ajun wet'oc.

Nehemías 3:1

A junjn c'aj eb' 'anma', schaj eb' yic chi 'oj sb'o 'a jun muro cha. Atn eb' tic xjucb'tzan jun munljel cha: A Eliasib sat ya'mal 'och sti eb' 'anma 'a Dios, yet' eb' yitb'eym ajun yet' cha, a eb' xb'on sjel spuertail chon̈b' 'aj tz'och no calnelu. 'Ix b'o yuj eb', 'ix ya'n 'och eb' spuertail, 'ix sb'on pax eb' jun muro tzchaj 'at 'a jun torre tzcuch Hamea, masnto xc'och 'a junx torre tzcuch Hananel.

Nehemías 3:25

A Palal yunnal Uzai, a 'ix b'on jun muro 'a 'isquinyo, yet' jun torre niwquil ste'il 'ay 'a sdespacho win rey, atn 'a yamq'uil yatut eb' soldado 'aj tzmacwji. Ax Pedaías yunnal Faros sb'on yico',

Nehemías 3:3

Ax eb' yin̈tl Senaa, a eb' xb'on sjel 'aj tz'och spuertail yic no chay. Xya'ch eb' sjolm puerta, xya'n 'och eb' spuertail, ax q'uen hierro x'och yipnub'oc.

Nehemías 3:6

A Joiada, yunnal Pasea, yet' Mesulam, yunnal Besodías, a eb' 'ix b'on sjel 'aj tz'och jun puerta tzcuch Jesana. Xya'ch eb' sjolm puerta, xya'n 'och eb' spuertail cha, a q'uen hierro x'och yipnub'oc.

Nehemías 8:16

Yuj cha, x'at eb' chon̈ab' xyi'n cot eb' te sc'ab'te cha, junjn eb' 'ix sb'o eb' schinama 'a span̈nil yib'n̈ yatut, 'a yamq'uil yatut, 'a yamq'uil yatut Dios, 'a plas 'ay 'a stz'ey sti puerta 'aj tz'elt eb' 'ix 'ix cuchj a', yet' 'a plas 'ay 'a stz'ey spuertail yic Efraín.

Jeremías 31:38

'Ay jun c'ul 'oj jawoc, 'oj b'ox chan̈ chon̈b' Jerusalén jun 'ejm xo wico'oc. 'Oj 'atn̈j 'a jun torre tzcuch Hananeel, masnto 'oj c'och 'a jun puerta 'ay 'a jun schiquin.

Jeremías 32:2

A 'a yic jun tiempoal cha, oyb'ilx chon̈b' Jerusalén yuj eb' soldado win Nabucodonosor. An xo, 'ayn 'ec' presoal 'a jun 'amc' 'a 'aj 'ayc' eb' stan̈mal sdespacho win sreyl Judá.

Sofonías 1:10

An Jehová in an tzwala: A 'a yic jun c'ul cha, til wal 'oj 'ab'xoc yoch 'aw 'a spuertail yic no chay, yet' pax 'a junx stz'acb' chon̈b' tot b'ob'il. 'Oj 'ab'xoc pax yel yaw eb' 'anma yuj c'acp 'oj laj cot lan̈njoc 'a lum tzalctac.

Jn 5:2

A 'a yol jun chon̈b' cha, ata 'ay jun tanque Betesda sb'i 'a hebreo, atn sti eb' israel. A 'a sti jun tanque cha, ata 'ay o'e n̈a may yich. 'Ayc' jun tanque chi 'a sla'nil jun puerta 'aj tzb'ey no calnelu.