Nehemías 12:26 - Chuj San Sebastian Bible

²⁶ A jun tzo'n̈ eb' tic, 'ayc' eb' 'a yol stiempoal Joiacim, yunnal Josué, yixchicn Josadac; atn 'a yol stiempoal win gobernador Nehemías, yet' Esdras ya'mal 'och sti eb' 'anma 'a Dios.

Chuj San Mateo Bible

²⁶ Aton eb' vin̈ ayoch d'a yopisio chi' d'a stiempoal vin̈aj Joiacim yuninal vin̈aj Jesúa yixchiquin vin̈aj Josadac, aton d'a stiempoal ayic ayin och a in Nehemías in tic yajalil, ayic ayec' vin̈aj sacerdote Esdras c'ayb'um paxi.

Nehemías 12:26 ပူးပေါင်းရင်းမြစ်များ

2 Cr 9:26

A rey Salomón cha, yajl yaj 'a yib'n̈ smasnil eb' rey, tzchajto cot 'a a Éufrates, masnto tzc'och 'a slum eb' filisteo, tzc'och to pax 'a smon̈jon Egipto.

Esdras 7:11

Atn scopiail ch'an̈ carta tic xyac' rey Artajerjes 'a Esdras, win ya'mal 'och sti eb' 'anma 'a Dios, to cuywnac 'a schecnb'il jun Dios 'ay yic satcha'an̈, atn cuynb'il 'ac'b'il 'a chon̈b' Israel:

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Nehemías 8:1

'Ix syamn sb'a smasnil eb' chon̈b' 'a plas; junn̈j xyutj sb'a eb' 'a sti puerta 'aj tz'elt eb' 'ix 'ix cuchj a'. 'Ix alx 'a win cuywjum Esdras, to tzyij cot win ch'an̈ libro yic ley Moisés, atn jun ley ya'jnac Jehová 'a chon̈b' Israel.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.