Nehemías 11:4 - Chuj San Sebastian Bible

^4-6 A 'a scal eb' yin̈tl Judá, ata x'elt can chawn̈ eb' yajl tic: Jun win tzcuch Ataías, yunnal Uzías, yixchicn Zacarías. Ax jun tzo'n̈ xo eb' smam yicham atn eb' tic: Amarías, Sefatías, Mahalalel, yin̈tl Fares eb'. A sb'isl eb' yin̈tl Fares xcan cajn 'a Jerusalén, 'ay 468 eb' 'a smasnil, caw wal jeln eb' 'a owal. Ax junx winac tzcuch Maasías yunnal Baruc yixchicn Colhoze. A jun tzo'n̈ xo eb' smam yicham atn eb' tic: Hazaías, Adaías, Joiarib, Zacarías, yin̈tl Siloni eb'.

Chuj San Mateo Bible

^4-6 Aton eb' yin̈tilal Judá tic yed' eb' yin̈tilal Benjamín ix can cajan d'a Jerusalén: Ay chavan̈ eb' vin̈ yajal yaji. A jun vin̈ scuchan Ataías yuninal vin̈aj Uzías. Axo eb' smam yicham vin̈, aton vin̈aj Zacarías, vin̈aj Amarías, vin̈aj Sefatías, vin̈aj Mahalaleel. A masanil eb' tic yin̈tilal eb' vin̈aj Fares yuninal vin̈aj Judá. A sb'isul eb', 468 d'a smasanil, te tec'an eb'. Axo junxo vin̈ yajal chi', Maasías sb'i vin̈, yuninal vin̈ vin̈aj Baruc. Axo eb' smam yicham vin̈, aton vin̈aj Colhoze, vin̈aj Hazaías, vin̈aj Adías, vin̈aj Joiarib, vin̈aj Zacarías, yin̈tilal eb' vin̈aj Siloni yuninal vin̈aj Judá.

Nehemías 11:4 ပူးပေါင်းရင်းမြစ်များ

Gn 38:29

Wanto cha, xyi'n pax 'och jun 'unn chi sc'ab', ax junx yu'tac chi xb'ab'l 'alj pax 'a 'a, yuj cha, xya'n eb' sb'ic Fares. Xyaln 'ix 'a win 'unn chi 'ixtic: ¡Tas wal 'ix otj ecn 'ec' a b'a 'a yojltac ni o'tac cha! xchi 'ix.

Nehemías 11:3

Palta ax eb' 'anma chi smasnil, junjn eb' x'atx can eb' 'a smacl lum 'a schon̈b' 'a yol yic Judá, yet' eb' ya'mal 'och sti eb' 'anma 'a Dios, eb' levita, eb' ya'mal servil yatut Dios yet' eb' yin̈tl eb' ya'mal servil Salomón. A 'a scal eb' cha, ata x'elt can jaywn̈ eb' yajl yaj 'a scal eb', 'ix can cajn eb' 'a Jerusalén.

Mt 1:3

A Judá a 'ay yunnal Fares yet' Zara, Tamar sb'i snun eb' chawn̈ tic. A Fares a 'ay yunnal Hesrón, atn smam Aram.

Rt 4:18

Atn stzol-l eb' yin̈tl Fares tic: Fares atn smam Hezrón.