Nehemías 11:25 - Chuj San Sebastian Bible

^25-30 'Ay eb' yin̈tl Judá xcan cajn 'a Quiriat-arba, 'a Dibón, 'a Jecabseel, 'a Josué, 'a Molada, 'a Bet-pelet, 'a Hazar-sual, 'a Beerseba, 'a Siclag, 'a Mecona, 'a En-rimón, 'a Sora, 'a Jarmut, 'a Zanoa, 'a Adulam, 'a Laquis, 'a Azeca yet' 'a yaldeail eb', yet' a 'aj tzlaj 'och munljel, tzchaj 'at 'a Beerseba masnto 'a lum pan̈n 'a'lic yic Hinom.

Chuj San Mateo Bible

^25-30 A juntzan̈xo eb' yin̈tilal Judá, ix cajnaj eb' d'a juntzan̈ chon̈ab' tic yed' d'a masanil yaldeail: Aton d'a Quiriat-arba, d'a Dibón, d'a Jecabseel, d'a Jesúa, d'a Molada, d'a Bet-pelet, d'a Hazar-sual, d'a Beerseba, d'a Siclag, d'a Mecona, d'a En-rimón, d'a Zora, d'a Jarmut, d'a Zanoa, d'a Adulam, d'a Laquis yed' d'a Azeca. Ix cajnajpax eb' b'aj sb'o munlajel. Ix aj eb' d'a Beerseba masanto ix q'uec'och eb' d'a sch'olanil yic Hinom.

Nehemías 11:25 ပူးပေါင်းရင်းမြစ်များ

Gn 23:2

yic 'ix cham 'ix 'a lum Quiriat-arba, atn 'a Hebrón 'a yol yic Canaán. Caw 'ix 'oc' win Abraham yuj schamlil 'ix Sara cha, 'ix 'ochcn win 'a cusc'ojlal yuj 'ix.

Josué 13:9

'Ix yique'ej eb' lum tz'atn̈j 'a chon̈b' Aroer, lum 'ay 'a sti a a tzcuch Arnón, yet' jun chon̈b' 'ayc' 'a spacl lum span̈nil sti a cha, yet' pax smasnil ya'lical Medeba, masnto 'a Dibón,

Josué 14:13

Yuj cha, xyaln Josué wach' paxti 'a yib'n̈ Caleb, 'ix ya'n can lum Hebrón smacl lumoc, yet' 'a smasnil eb' yin̈til.

Josué 14:15

A chon̈b' Hebrón cha, Quiriat-arba sb'i 'a yic pecti', yujto Arba sb'i jun win niwc winc b'inab'il 'a scal eb' yin̈tl can win Anac. A yic xlajw ye'cn jun tzo'n̈ tic, 'ix 'och junc'ojlal 'a jun lugar cha.