Nehemías 11:22 - Chuj San Sebastian Bible

²² A jun mach yajl yaj 'a yib'n̈ eb' levita 'a Jerusalén, atn Uzi win yunnal Bani, yixchicn Hasabías; eb' smam yicham atn Matanías yet' Micaía. Atn eb' tic 'ix 'elt 'a scal eb' yin̈tl Asaf cha, eb' tzjucb'tzan eb' 'a b'it 'a yatut Dios,

Chuj San Mateo Bible

²² A vin̈aj Uzi yajal d'a scal eb' levita yin̈tilal vin̈aj Asaf d'a Jerusalén chi', aton eb' vin̈ scuchb'an b'it d'a scajnub' Dios. A eb' smam yicham vin̈aj Uzi chi', aton vin̈aj Bani, vin̈aj Hasabías, vin̈aj Matanías yed' vin̈aj Micaía.

Nehemías 11:22 ပူးပေါင်းရင်းမြစ်များ

A Ch'an̈ Schab'l Libro Samuel 9:12

'Ay jun yunnal Mefi-boset yune to, Micaía sb'i. Ax smasnil eb' cajn 'a yatut win Siba, 'ix 'a'w servil eb' 'a win Mefi-boset cha.

Esdras 8:19

An̈jtona', xchecx cot pax Hasabías yet' Jesaías. A eb' cha, yin̈tl Merari eb', xcot eb' yet' yunnal yet' eb' yu'tac, junc'l sb'ey eb' 'a smasnil.

Nehemías 11:11

win schab'il tzcuch Seraías yunnal Hilcías, yixchicn Mesulam; eb' smam yicham atn Sadoc, Meraiot, Ahitob. A Ahitob cha, a yajl yaj 'a yatut Dios 'a pecti'.

Nehemías 11:14

A eb' yican Amasai cha, caw jeln eb' ya'n owal, 128 eb' 'a smasnil. A Zabdiel yunnal Gedolim, a yajl yaj 'a yib'n̈ eb'.

Nehemías 11:9

A Joel yunnal Zicri, a sat yaj sjucb'tzan eb'; ax Judá yunnal Senúa, a schab'l yaj sjucb'tzan eb' chon̈b' cha.

Nehemías 12:46

Yujto a 'a yol stiempoal David yet' Asaf, a eb' tzb'itni 'ay syajlil eb', atn eb' tzb'itnan wach' paxti yet' alj yuj diosal 'a Dios.

Nehemías 13:13

Xlajw cha, xwa'n 'och Selemías ya'mal 'och sti eb' 'anma 'a Dios yilmalc 'aj tzmolx jun tzo'n̈ cha, yet' Sadoc 'ajtzib' yet' pax jun levita Pedaías sb'i. An̈jtona', xwa'n pax 'och Hanán, yunnal Zacur, yixchicn Matanías colwjoc yet' eb', yujto a eb' cha, caw wach' snab'en eb'. Atn eb' chi xcan 'a yol sc'ab' spojn 'ec' tas tzc'uxx eb' yican eb' cha.

Nehemías 3:17

Ax eb' levita tzjucb'tzej Rehum, win yunnal Bani, 'ix sb'on eb' nan̈l xo muro; ata schaj 'el Hasabías yich sb'on nan̈l xo muro sjelc eb' yit chon̈b' 'aj Keila, a jun winc cha, a gobernador yaj 'a spacloc lugar 'a yol smacb'en jun chon̈b' cha.

Nehemías 8:7

Ax eb' levita, atn Josué, Bani, Serebías, Jamin, Acub, Sabtai, Hodías, Maasías, Kelitá, Azarías, Jozabad, Hanán yet' Pelaía, 'ix cham wal yaln 'elt eb' 'a eb' chon̈b' lin̈n 'ec' 'a yet'ul.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.