Nehemías 11:17 - Chuj San Sebastian Bible

¹⁷ Junx winac tzcuch Matanías yunnal Micaía, yixchicn Zabdi; a smam yicham atn Asaf; a Asaf cha, a xjucb'tzan eb' xb'itn 'a pecti', atn eb' xb'itnan wach' paxti yet' alj yuj diosal 'a yorail lesal. A Bacbuquías a schab'l yajl yaj 'a scal eb' yican. Junx win tzcuch Abda yunnal Samúa, yixchicn Galal; a smam yicham atn Jedutún.

Chuj San Mateo Bible

¹⁷ Axo junxo vin̈, aton vin̈aj Matanías yuninal vin̈aj Micaía. Axo eb' smam yicham vin̈, aton vin̈aj Zabdi yed' vin̈aj Asaf. A vin̈aj Matanías chi' scuchb'an eb' sb'itan vach' lolonel yed' ac'oj yuj diosal d'a stiempoal lesal. Axo vin̈aj Bacbuquías schab'il cuchb'um yaj vin̈. Axo junxo vin̈, aton vin̈aj Abda yuninal vin̈aj Samúa. Axo eb' smam yicham vin̈, aton vin̈aj Galal yed' vin̈aj Jedutún.

Nehemías 11:17 ပူးပေါင်းရင်းမြစ်များ

A Ch'an̈ Schab'l Libro Samuel 9:12

'Ay jun yunnal Mefi-boset yune to, Micaía sb'i. Ax smasnil eb' cajn 'a yatut win Siba, 'ix 'a'w servil eb' 'a win Mefi-boset cha.

1 Cr 16:4

'Ix ya'n can 'och David yopiso eb' levita, atn eb' tz'a'w servil 'a yojltac te caxa cha, sec wach' to a eb' tz'a'n yuj diosal yet' yaln eb' wach' paxti 'a Jehová sDiosal chon̈b' Israel.

1 Cr 16:41

A yet' eb' cha, 'ix can win Hemán, win Jedutún yet' jaywn̈ eb' si'x 'eli. X'ajx can 'och 'a yib'n̈ eb' sb'itn 'ixtic: Alx cab' wach' paxti 'a Jehová, yujto 'ay schamc'ojlal 'a smasnil tiempo, xchi eb' 'a sb'it cha.

1 Cr 9:15

Bacbacar, Heres, Galal yet' Matanías, yunnal Micaía yixchicn Zicri, schab'l 'ichicn Asaf;

Nehemías 11:16

junx winac tzcuch Sabtai yet' junx win tzcuch Jozabad, a eb' 'aych pax yiln munljel 'a spatquil yatut Dios.

Nehemías 11:18

A sb'isl eb' levita xcan cajn 'a schon̈b' Dios, 'ay 284 eb' 'a smasnil.

Nehemías 12:24

A eb' yajl yaj 'a scal eb' levita tzb'itni: atn Hasabías, Serebías, Josué, Binuy yet' Cadmiel. Ax jun tzo'n̈ xo eb' yican eb' cha, lin̈n 'ec' eb' 'a yojltac eb' yic tzb'itn eb'. Tzyaln eb' yuj diosal 'a Jehová, yic 'aych eb' 'a yopiso 'a stzolil, 'icha yutjnac win schecb' Dios yaln 'a pecti, atn David.

Nehemías 12:25

A Matanías, Bacbuquías, Obadías, Mesulam, Talmón yet' Acub, tan̈m puerta eb', atn eb' 'aych stan̈malc jun tzo'n̈ cuarto 'aj tzmolx tas 'ay yopiso.

Nehemías 12:31

Xlajw cha, an Nehemías in tic xin checn q'ue eb' yajl yic Judá 'a yib'n̈ muro, xwa'n 'och cha macn̈ eb' tzb'itni. A jun b'ab'l macan̈ tzb'ey 'a yib'n̈ muro 'a qui wach' c'ab' masnto tzc'och 'a stojlal puerta 'aj tz'at can c'alem.

Nehemías 12:46

Yujto a 'a yol stiempoal David yet' Asaf, a eb' tzb'itni 'ay syajlil eb', atn eb' tzb'itnan wach' paxti yet' alj yuj diosal 'a Dios.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.