Nehemías 10:34 - Chuj San Sebastian Bible

³⁴ An̈jtona', 'ix ca'ch suerte 'ayn̈ junjn 'in̈tal on̈ec, sec wach' tzquilec 'aja tiempoal 'a junjn ab'il, 'oj ca'c te c'atztz yic yatut qui Diosalec, te tz'a 'a yet'l xajmb'al yic Jehová qui Diosalec, 'icha yaj stz'ib'x 'a ch'an̈ ley. Wach'xam to ya'maln̈ 'och sti eb' 'anma 'a Dios, mto levita on̈, mto comn 'anma 'on̈, 'oj qui yicljn̈ej jun tzo'n̈ cha.

Chuj San Mateo Bible

³⁴ An̈ejtona' yuj te' c'atzitz sc'anchaj d'a stemplo Jehová, yic stz'a te' d'a yaltar Jehová co Diosal, toxo ix co b'o d'a junjun macan̈ quin̈tilal tas tiempoal d'a junjun ab'il ol cac' te' c'atzitz chi', icha yajcan d'a ch'an̈ ley chi'. Vach'chom sacerdote, ma levita, ma comon anima, ol co c'anab'ajej co masanil.

Nehemías 10:34 ပူးပေါင်းရင်းမြစ်များ

1 Cr 24:5

Suerteal x'aj spojx 'ec' yopiso eb' cha, stzol-l yiln eb', yujto a 'a scal eb' yin̈tl Eleazar yet' 'a scal eb' yin̈tl Itamar, 'ay eb' niwc yajl sic'b'il 'och 'a yopiso 'a yatut Dios cha.

1 Cr 24:7

Atn slistail junjn macn̈ eb' tic, a tzyal x'aj yel-l stzol-l yiln eb' yopiso 'a suerteal, 'a win b'ab'el, masnto 'a win slajub', 24 macn̈ eb' 'a smasnil: atn Joiarib, Jedaías, Harim, Seorim, Malquías, Mijamín, Cos, Abías, Jesúa, Secanías, Eliasib, Jaquim, Hupa, Jesebeab, Bilga, Imer, Hezir, Pisés, Petaías, Hezequiel, Jaquín, Gamul, Delaía, Maazías.

2 Cr 2:3

Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

Esdras 3:5

'A junjn c'u tzya'n eb' smasnil xajmb'al 'icha stzolil, tzya'n pax eb' xajmb'al yic tznan eb' q'uin̈ yic tzpac' 'uj yet' jun tzo'n̈ xo xajmb'al yic smasnil q'uin̈ to niwn yel'ch 'a Jehová. Tzya'n pax eb' smasnil xajmb'al to tz'el 'a sc'ojl eb' 'anma ya'ni.

Nehemías 11:1

A eb' yajl 'a jun nacion̈ tic, 'ix can cajn eb' 'a Jerusalén; ax jaywn̈ xo eb' chon̈ab', xya'ch eb' suerte, sec wach' a junc n̈al 'a junjn lajn̈e n̈ail, tz'at cajn 'a Jerusalén, atn jun chon̈b' yic Dios yaji. Ax junx b'aln̈e n̈ail, tzcancn 'a jun tzo'n̈ xo chon̈b' 'a b'esan.

Nehemías 13:31

'Ix waln yuj te c'atzitz, tas c'ul tz'ijx cot te', xwaln pax yuj sb'ab'l sat yawb'en eb' quit chon̈ab', to yowlal tzyij cot eb' 'a yatut Dios. Yuj cha, xwaln 'a in lesl 'ixtic: Ach in Diosal, nan coti, 'o'ch cab' 'a c'ojl 'ayin, xin chi 'a Dios.

Pr 18:18

A yic tzch'oxn 'el Dios snab'en 'a suerteal, tztup 'ejm owal, tzpojn snan̈l eb' 'ay yowl cha.

Is 40:16

A smasnil no noc' 'ay 'a Líbano, matz yab' no yajx xajmb'al-l 'a Jehová, a smasnil te te 'ay ta', matz yab' te yoch sc'atztzilc te c'ac' yic xajmb'al cha.

Lv 24:5

'Ijx cab' cot 'ixm harina caw wach', sec a 'a jun harina cha, ata tzb'o lajchwe'oc 'ixm niwc pan, chan̈e libra 'ixm harina tz'och 'a jun jun.

Lv 24:6

Tzlajw cha, tz'ajx 'ejm 'ixm 'a sat jun mexa 'aych oro 'a 'a, atn jun 'aych 'a wojltac an Jehová in. Chalatz'n̈ tz'aj cha'an̈, waque pan chi 'a junjn latz'an̈.

Nm 28:2

Al jun tic 'a eb' et israelal to matz yactj eb' ya'n yofrenda 'ayin. Checl stiempoal 'aj wach' ya'n eb' 'ixm pan yet' jun tzo'n̈ xajmb'al to tz'a'i. A jun tzo'n̈ cha, to wach' sjab' tzwab'i.

A Tas Sc'ulejnac Eb' Schecab' Jesús Hechos 1:26

Xlajw cha, x'och suerte 'a yib'n̈ eb' schawn̈il. Yuj cha, 'ix checlj yuj jun suerte cha, to a 'a yib'n̈ Matías xcan jun 'opiso cha. A x'ochx can stz'acb'oc eb' uxlchwan̈ schecb' Jesucristo.

Josué 9:27

Xya'cn 'och eb' tzu'j c'atzitz yet' cuchj cot a 'a scal eb' israel cha, yet' pax yic yet'l xajmb'al yic Jehová, atn jun lugar sic'b'il 'el yu'uj. 'Ixta 'ix 'ajcn eb' yoch 'a jun smunljel cha.