Nehemías 1:6 - Chuj San Sebastian Bible

⁶ Tzin tew 'aych ticnec, to tza maclj ab' in lesl an a checb' in tic. 'A junjn c'u, yet' 'a junjn 'ac'wal, tzin tew 'aych cuj an̈ a chon̈b' on̈ tic on̈, to caw a checb' caj on̈. Tzwal yuj in mul yet' eb' wit israelal tic. Yel toni, an̈ tic yet' eb' qui mam quichm on̈, x'och qui mul 'aych on̈.

Chuj San Mateo Bible

⁶ Tzin c'an d'ayach to tza cha ab' in lesal a in a checab' in tic. D'a junjun c'u yed' d'a junjun ac'val tzin tevi d'ayach cuuj a on̈ a chon̈ab' on̈ tic, a checab' caji. Svalq'ueta co mul d'ayach. A on̈ tic yed' eb' co mam quicham, ix och co mul d'ayach.

Nehemías 1:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:30

Maclj wal ab' in lesl tic 'an, yet' yic eb' wit israelal tic yic tzleslwi eb' 'aych 'a jun lugar tic. 'Aych wal 'ec' 'a satcha'an̈, a yic tzab'ni, tza'n lajwc qui mul pax 'a quib'n̈ on̈.

A Ch'an̈ B'ab'el Libro Yic Yab'ixal Eb' Rey 8:47

Toto a yic 'ayn̈ 'ec' 'a junc chuc chon̈b'al cha, tznan sb'a qui c'ojl on̈, tzqui c'ann niwnc'ojlal 'aych yuj qui mul tz'och on̈,

2 Cr 28:10

Ax ticnec, tox xe nalb'ej to tzeya'ch eb' 'aj Jerusalén yet' jun tzo'n̈ xo eb' 'aj Judá chi e mosooc mto eya'malc servil. Palta ¿tom may pax e mul ax tic tz'och 'a Jehová qui Diosalec?

2 Cr 29:6

Yujto a eb' qui mam quichmec, tenmtac yutjnac sb'a eb' 'a Jehová qui Diosalec, caw maysch'olnil sb'ojnac eb' 'a sat, yujto yactjnac can eb'. Yijnac 'el eb' snab'en 'a yatut, man̈x nanoc Jehová yuj eb'.

2 Cr 6:40

A ticnec ach in Diosal, tzin tew wal 'ayach, to tzach cot q'uelan, tza chan wal 'ab' lesl tz'och 'aych 'a jun lugar tic.

Esdras 10:1

Ya' sb'a wan sleslwi Esdras, caw wal tz'oq'ui tzyaln smasnil jun tzo'n̈ tic, cumn 'ejm 'a sti yatut Dios, caw niwn eb' yit israelal 'ix 'och 'oyn 'a stz'ey, eb' winac, eb' 'ix 'ix, yet' eb' 'unin. Caw wal ji'jmtac yoc' eb' 'anma chi yet'oc.

Esdras 10:11

A ticnec 'ojquejec 'eli to x'och e mul 'a Jehová qui Diosalec yet' eb' qui mam quichmec, yicljec 'icha wal tznib'ej. Pojc 'el e b'a 'a scal eb' 'anma chuc chon̈b'al, tzeyactn can eb' 'ix 'ix cha, xchi Esdras 'a eb'.

Nehemías 1:11

Tzin tew 'aych ticnec ach Cajlil on̈, to tza chaj ab' in lesl an a checb' in tic, yet' slesl jun tzo'n̈ xo eb' a checab', to tzqui nib'j tzach quij cha'an̈. Tzin c'an 'aych ticnec, to tzac' a wach'c'ojlal 'ayin, sec chab'iln an a checb' in tic yuj win rey, xin chi 'a in lesal. 'Ixta xwutj walni yujto an tic, 'ayn 'och sb'achmalc svaso win rey.

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

Salmos 106:6

Lajn wal x'aj yoch qui mul 'icha ya'jnac eb' qui mam quichm 'a pecti 'on̈; on̈ 'ec' wal 'a yib'n̈ on̈, xqui b'on maysch'olnil.

Salmos 130:2

Mamin, 'ab' wal yel waw 'ayach, maclj wal ab' tas tzwala yic tzin c'ann tas tzin nib'ej.

Salmos 32:5

Mamin Jehová, 'ix wojquej 'eli to x'och in mul 'ayach. 'Ix yaln in c'ojl waln q'uet in mul cha, may tas xin c'ub'j can 'eli. Ach xo, 'ix ac' lajwc in mul chi 'a wib'an̈.

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

Salmos 55:17

'A sq'uin̈b'ial, 'a chimc'ual, yet' 'a yemc'ual, 'oj wal in b'a 'a 'a, ax yab'n tas 'oj wala'.

Salmos 88:1

Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Lm 5:7

A eb' qui mam quichm on̈, a eb' 'ochnc smul, palta chamnc xo eb'. Ax ticnec, a 'a quib'n̈ tzjaw yailal yuj smul eb' cha.

Dn 9:15

Ach qui Diosal, Cajlil ach. 'Ix a ch'ox wal a poder yic 'ix e'n 'elt eb' qui mam quichm 'a lum Egipto on̈. Caw ach b'inax 'a yic jun tiempoal cha, masnto ticnec. Palta an̈ xo tic on̈, 'ix 'ochx qui mul on̈, cojn maysch'olnil tzqui b'o on̈.

Dn 9:20

'Ix in yamnn̈ej 'och in leslwi, 'ix waln q'uet in mul yet' smul eb' wit israelal. Caw wal in tew 'a Jehová in Diosal, yuj lum tzaln Sión to yicn̈ej yaji.

Dn 9:4

In leslwi wal 'a Jehová in Diosal, xwaln in b'a 'a 'ixtic: Ach Wajlil, in Diosal ach, caw niwn el'chi, 'ay 'a poder. Tzac' 'el'choc tas aljnac cani, caw tza chamc'ojlej eb' tzach chamc'ojlani, atn eb' tzyiclni a checnb'il.

Dn 9:5

Caw x'och qui mul on̈ yet' qui tenmtacl 'ayach. Cojxn̈ej maysch'olnil xqui b'o on̈, man̈x ach nanoc cuj on̈. 'Ix qui patquiln can 'el a checnb'il on̈ yet' pax a ley.

Dn 9:8

An̈ tic on̈ Mamin Jehová, caw lajn on̈n̈ej 'icha eb' qui reyl on̈, eb' yajl yaj 'a qui cal on̈, yet' pax eb' qui mam quichm on̈. Caw wal q'uixweltac quec' tzcab' on̈, yujto x'och qui mul 'aych on̈.

Lc 18:7

An̈jtona Dios, caw 'oj sb'oyaj pax eb' sic'b'il 'el yu'uj, eb' to tz'awj 'a sc'ual yac'wlil 'a 'a. ¿Tom 'oj 'ec' tiempo sb'onyaj eb'?

Lc 2:37

Ax ticnec, 84 ab'il xo scan 'ix sch'ocoj. Caw matz yactj can 'ix yatut Dios, sc'ual yac'wlil ya'n servil 'ix Cajlil. Tzya'n 'och sb'a 'a c'ajb'c'ojlal, tzleslwi paxi.

Ef 2:3

'Ixta cutjnaquec qui b'a qui masnil 'a yic yalan̈. Qui b'ojnaquec 'icha tzqui nib'ej. Cojn 'a jun tzo'n̈ maysch'olnil tznib'j 'och qui niwnalec tic, ata ca'jnaquec 'och qui nab'en. Yujto mun a qui nab'enec 'a'jnacn̈ec mandar. Yuj cha, smoj tz'ajx jun niwn yailal 'a quib'n̈ec, 'icha 'oj 'aj sjaw 'a yib'n̈ jun tzo'n̈ xo 'anma'.

1 Ti 5:5

'Ay eb' 'ix chamnc xo yichmil, caw yel tzcan eb' sch'ocoj. Cojxn Dios tzya'ch eb' yipc sc'ojol. Sc'ual yac'wlil sleslwi eb' 'a 'a, tzc'ann eb' jantcn̈ej tas 'ay tz'och yu'uj.

2 Ti 1:3

Sc'ual yac'wlil in leslwi o'oj. A yic tzin leslwi 'a junjn 'ejem, tzwa'n pax yuj diosal 'a Dios o'oj. Caw tojl tzwutj in nab'en wa'n servil, 'icha ya'jnac eb' in mam wicham.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.