Nehemías 1:3 - Chuj San Sebastian Bible

³ Xyaln eb' 'ayn 'ixtic: A eb' quit chon̈b' cha, 'ayc' eb' ticnec 'a Judá, caw cusltac yaj eb', q'uixweltac yilx 'och eb'. Ax pax yuj Jerusalén, mac'b'il 'ejm lan̈chjoc smuroal, tz'anc pax spuertail, xchi eb' 'ayin.

Chuj San Mateo Bible

³ Ix yalan eb' d'ayin: A eb' quetchon̈ab' chi' ayec' eb' d'a Judá, te cusc'olal yajec' eb', te q'uixveltac yajec' eb'. Axo Jerusalén chi' mac'b'ilem smuroal, tz'anacpaxb'at spuertail, xchi eb'.

Nehemías 1:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

A Ch'an̈ Schab'il Libro Yic Yab'ixal Eb' Rey 25:10

Ax smasnil eb' soldado caldeo ajun yet' win comandante cha, 'ix sma'cn 'ejm lan̈chjoc eb' smasnil smuroal Jerusalén chi oyn 'och 'a 'a.

2 Cr 36:19

'Ix sn̈usn eb' yatut Dios, sma'n can lan̈chjoc eb' smuroal Jerusalén, sn̈usn eb' smasnil despacho, sma'n can juwc eb' smasnil tas to chan̈ stojol.

Esdras 2:1

Atn sb'isl eb' 'aj Judá 'ijxnac 'at 'icha presoal 'a Babilonia yuj rey Nabucodonosor. A yic 'ix lajw stiempoal yajc' eb' 'a jun lugar cha, 'ix meltzj eb' 'a Jerusalén, yet' 'a jun tzo'n̈ xo lugar 'a yol yic Judá. Junjn eb', xlaj c'ochx can eb' 'a 'aj 'aycn schon̈ab'. Ax eb' xjucb'tzan eb': Atn Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum yet' Baana.

Nehemías 11:3

Palta ax eb' 'anma chi smasnil, junjn eb' x'atx can eb' 'a smacl lum 'a schon̈b' 'a yol yic Judá, yet' eb' ya'mal 'och sti eb' 'anma 'a Dios, eb' levita, eb' ya'mal servil yatut Dios yet' eb' yin̈tl eb' ya'mal servil Salomón. A 'a scal eb' cha, ata x'elt can jaywn̈ eb' yajl yaj 'a scal eb', 'ix can cajn eb' 'a Jerusalén.

Nehemías 2:13

On̈ 'elt 'a spuertail pan̈n 'a'lic, on̈ 'ec' 'a stojlal a pac'b'a tzcuch Dragón, on̈ 'ec' pax 'a spuertail 'aj tz'at can c'alem. X'ec' in maclnoc wil smuroal Jerusalén mac'b'il 'ejm lan̈chjoc, yet' spuertail tz'anac.

Nehemías 2:17

Xlajw cha, xwaln 'a eb' 'ixtic: —Ax tic, 'in caw eyojc si'mb'il, a jun tiempoal 'aj 'ayn̈ec 'ec' tic caw maysch'olnil, yujto mac'b'il 'ejm lan̈chjoc Jerusalén tic, ax spuertail tz'anac. Cotn̈ec, junn̈j tzcutjec qui b'a, qui b'oc pax chan̈ smuroal qui chon̈b' jun 'ejm xo, sec wach' man̈xtzac on̈ tzetzxec, xin chi.

Nehemías 2:3

xwaln 'a win 'ixtic: —'Aychn̈ej cab' 'ec' 'a smasnil tiempo mamin rey. Cusltac yilx in sat, yujto tzin cus yuj in chon̈b' 'aj mucn eb' in mam wicham, caw juwnac, tz'anc pax spuertail? xin chi.

Nehemías 7:6

Atn slistail eb' israel yin̈tl eb' 'ijxnac 'at 'a 'icha presoal 'a Babilonia yuj rey Nabucodonosor, atn eb' xjapx can 'a Jerusalén, yet' 'a jun tzo'n̈ xo lugar 'a yol yic Judá. Junjn mach 'ix c'ochx can 'a schon̈ab'. A eb' xjucb'tzan eb', atn Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum yet' Baana.

Ester 1:1

'Ix uj jun tic yic 'aych win Asuero reyl 'a yol smacb'en Persia. 'Ay 127 niwc chon̈b' 'a yol smacb'en, tz'el yich 'a India masnto tzc'och 'a Etiopía.

Salmos 79:4

Til wal qui b'uchx yuj eb' 'anma oyn 'och 'a qui la'nil on̈, tzetzjub'tac quilx 'a sat eb' on̈.

Pr 25:28

Toto matz uj qui yamnec 'och wan qui b'a yet' qui nab'en, lajn on̈c 'icha junc chon̈b' lan̈chjnacx 'ejm smuroal, to 'ay xo smay yilxi.

Is 43:28

Yuj cha, ma'ix yal in c'ojl to tzin ya' servil eb' ya'mal 'och e ti ax israel ex tic. Ex yin̈tl can Jacob, 'oj ex wac' satxoc 'eli, caw wal 'oj eyixtxi, xchi Dios.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Jeremías 24:9

Caw 'oj wa' cot junc niwquil yailal 'a yib'n̈ eb'. Caw 'oj xiw jun tzo'n̈ xo nacion̈ yuj eb'. 'Oj 'ijxoc wal 'ejm eb' si'mb'il. A eb' 'anma 'a jun tzo'n̈ nacion̈ 'aj 'oj wac' sactzic can 'at eb', caw 'oj b'uchxoc eb' yuj eb', 'oj b'ajxoc eb' yuj eb'. 'Oj jawc catb' 'a yib'n̈ eb' 'oj b'uchxoc cha.

Jeremías 29:18

'Oj in pech b'eyc'oc eb' yet' owal, yet' wejel, yet' pax yab'il. Ax wa'n yajxoc eb' yuj jun tzo'n̈ nacion̈. 'Oj jawc catb' 'a yib'n̈ eb', caw 'oj xiw eb' 'anma yiln 'och eb'. 'Oj b'uchwjoc eb' 'anma chi 'a eb', ax sb'ajx eb' yuj eb' 'a jun tzo'n̈ nacion̈ 'aj 'oj sactzic can 'at eb' wuj cha,

Jeremías 39:8

Ax eb' 'aj Babilonia cha, 'ix sn̈usn can eb' despacho, yet' smasnil n̈a 'ay 'a Jerusalén. 'Ix sma'n lan̈chjoc eb' smuroal chon̈ab'.

Jeremías 42:18

A Jehová tztac' yuj smasnil, atn qui Diosalec, a tzaln pax 'ixtic: 'Icha wal x'aj sjaw yowl in c'ojl 'a yib'n̈ eb' cajn 'a Jerusalén, 'ixta wal 'oj 'aj sjaw pax 'a eyib'n̈ ax tic, toto 'oj e 'at 'a Egipto cha. 'Oj jawc catb' 'a eyib'an̈. A yic 'oj ex yilnc 'och jun tzo'n̈ xo nacion̈, 'oj xiw eb' eyu'uj, ax ex sb'uchn pax eb'. Man̈x 'a b'a'n̈ 'oj e japx wul eyil jun e lum tic jun 'ejm xo, xchi Dios.

Jeremías 5:10

¡'Och cab' eb' 'ajc'ojl satl te uva, palta man̈ smasnilc te tzsatl eb'! ¡Sb'ijl cab' eb' sc'ab' te' cha, yujto man̈x wico'oc te'!

Jeremías 52:14

Ax smasnil eb' soldado ajun yet'oc, 'ix ma'n can 'ejm lan̈chjoc smuroal.

Lm 1:7

A eb' 'aj Jerusalén, a wal yic 'aych eb' 'a sc'ul yab'n syal yuj tas tz'aj yixtxi, a yic cha, tznan cot eb' smasnil sricoal 'ay 'a yaln̈taxi. A yic x'ejm eb' yuj eb' 'ajc'ojol, toc 'ay mach xcoln eb'. A wal yic tz'ilx 'och eb' yuj eb' 'ajc'ojl cha, tzlaj b'uchx eb' yuj eb', yujto 'ix 'ejm eb'.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Lm 3:61

Mamin Jehová, ojc wali jantc wal tas tzyal eb' 'a in patic, yet' tas tu nab'il yuj eb'.

Lm 5:1

Mamin Jehová, na coti jantc wal tas x'ec' 'a quib'n̈ on̈, 'ilt wal tzon̈ 'aj quixtx on̈.

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.