Nehemías 1:11 - Chuj San Sebastian Bible

¹¹ Tzin tew 'aych ticnec ach Cajlil on̈, to tza chaj ab' in lesl an a checb' in tic, yet' slesl jun tzo'n̈ xo eb' a checab', to tzqui nib'j tzach quij cha'an̈. Tzin c'an 'aych ticnec, to tzac' a wach'c'ojlal 'ayin, sec chab'iln an a checb' in tic yuj win rey, xin chi 'a in lesal. 'Ixta xwutj walni yujto an tic, 'ayn 'och sb'achmalc svaso win rey.

Chuj San Mateo Bible

¹¹ Mamin, tzin c'an d'ayach to tza cha ab' in lesal a in a checab' in tic yed' tas sc'an juntzan̈xo eb' a checab' to sco nib'ej tzach quic'chaan̈. Tzin c'an d'ayach to tzac' a vach'c'olal d'ayin, yic vach' scha yab' vin̈ rey tas ol vala', xin chi. A d'a jun tiempoal chi' ayin och sb'achumaloc svino vin̈aj rey Artajerjes chi'.

Nehemías 1:11 ပူးပေါင်းရင်းမြစ်များ

Gn 24:42

'Ixta in 'aj in jaw 'a sti a 'uc'b'il a chi ticnec, 'ix waln 'a in lesl 'ixtic: Ach Jehová, sDiosal ach in patron̈ Abraham, toto yel 'aych 'och wet'oc, wach' 'oj 'aj 'el'ch jun in checnb'il tic.

Gn 32:11

Tzin tew 'ayach, coln 'el 'a yol sc'ab' ni wu'tac Esaú. Caw wal tzin xiwi, toq'ue tzjaw ni wul smil cham eb' 'ix 'ix yet' eb' yune tic.

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Gn 40:1

X'ec' jun tiempoal, 'ay chawn̈ winc 'ix 'och 'a preso, jun win syajlil eb' tzb'achn b'ey te yal uva tzyu'j win rey, yet' junx win tzb'on 'ixm pan tzwaj winac. A eb' chawn̈ tic, 'ix 'och smul eb' 'a win sreyl Egipto cha.

Gn 40:2

Caw 'ix cot yowl win rey chi 'a ewin schawn̈il.

Gn 40:21

Win tzb'achn b'ey yal uva tzyu'j win rey cha, x'ajx 'och win 'a smunljel jun 'ejm xo, yic tzya'n pax win yal uva 'a win rey 'icha xon 'a yic yalan̈.

Gn 40:23

Palta man̈xtoc 'ix nax cot José yuj win tzb'achn b'ey yal uva 'a win rey cha, 'ix sat sc'ojl win 'a 'a.

Gn 41:9

Yuj cha, ax win syajlil sb'achmal b'ey yal uva yic win rey, xyaln 'a win rey chi 'ixtic: —A ticnec tzcot 'a in c'ojol, 'ay wal jun in paltail x'ochi.

Gn 43:14

A Dios tztac' yuj smasnil, a 'oj 'och 'a snab'en jun winc cha, ax ya'n 'elt ni eyu'tac Simeón, sec wach' 'oj 'aj pax smeltzj ni eyu'tac Benjamín tic eyet'oc. An xo pax an tic, wach'xam tzin can 'a man̈x 'a wunnal, xchi win Israel cha.

2 Cr 6:40

A ticnec ach in Diosal, tzin tew wal 'ayach, to tzach cot q'uelan, tza chan wal 'ab' lesl tz'och 'aych 'a jun lugar tic.

Esdras 1:1

A 'a yic b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic xya'n tz'ib'xoc jun ley, xya'n alxoc 'el 'ixtc 'a smasnil yol snacion̈:

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Nehemías 1:6

Tzin tew 'aych ticnec, to tza maclj ab' in lesl an a checb' in tic. 'A junjn c'u, yet' 'a junjn 'ac'wal, tzin tew 'aych cuj an̈ a chon̈b' on̈ tic on̈, to caw a checb' caj on̈. Tzwal yuj in mul yet' eb' wit israelal tic. Yel toni, an̈ tic yet' eb' qui mam quichm on̈, x'och qui mul 'aych on̈.

Nehemías 2:1

A 'a yic jun c'ual 'a yol 'uj Nisán, 'a yic sjunc'lil ab'il yoch Artajerjes reyal, yic wan wa'n 'ejm yal uva 'a yojltac win rey, xyilni to cusltac in sat, palta may 'aj 'ixta wilxi.

Nehemías 2:8

Tza'n pax junc xo carta 'a win Asaf, atn win yilmal te niwc te 'ay 'a yol a macb'en, sec wach' tzyac' win te 'ayin. 'Oj c'anxoc te 'a spuertail yatut eb' 'ayc' stan̈wc yatut Dios, yet' spuertail smuroal chon̈ab', yet' pax stel watut 'aj 'oj waji, xin chi 'a 'a. Yuj swach'c'ojlal in Diosal 'a wib'an̈, 'ix ya'n win rey smasnil jun tzo'n̈ tic 'ayin.

Salmos 106:46

Xa'n nachjoc 'el yuj eb' 'ajc'ojl cha, to wach' tzyutj eb' snab'en 'a yib'n̈ eb'.

Salmos 130:2

Mamin, 'ab' wal yel waw 'ayach, maclj wal ab' tas tzwala yic tzin c'ann tas tzin nib'ej.

Salmos 61:5

'Ix ab' tas 'ajtil 'ix wac' in ti 'ayach, 'ix ac' in macl 'a scal eb' to 'ay el'ch 'a sat.

Salmos 86:6

Mamin Jehová, chaj wal in lesl tic, b'oyaj tas tzin c'an 'ayach.

Pr 1:29

yujto tze patquilj can 'el jelnal, matz e nib'j to 'ay wel'ch an Jehová in 'a e sat.

Pr 21:1

A snab'en eb' rey, a 'a yol sc'ab' Jehová 'ayq'ui, a tz'i'n b'ey snab'en eb' 'icha tzyac' junc a a tzjelx sb'e 'aj tzb'eyi.

Jeremías 42:12

Caw tz'o'ch in c'ojl 'ayex. An 'oj wac' 'o'ch pax sc'ojl win rey chi 'ayex, ax ex ya'n meltzjoc pax win 'a e lu'um, xchi Dios.

Malaquías 3:16

Palta a eb' 'ay yel'ch Jehová 'a sat, tzlaj yal-lac junjn eb' 'a 'a yuj swach'l Dios. Ax Dios 'ix yab'i tas wan yaln eb' cha, yuj cha, 'ix ya'n tz'ib'xoc can sb'i eb' 'a jun slibro, yic tzb'inax cot eb' 'ay yel'ch Jehová chi 'a sat.

A Ch'an̈ Carta D'a Eb' Hebreo 13:18

Leslwan̈c cuj on̈, yujto tzqui na'a, to wach' tzcutj qui nab'en on̈. Tzqui nib'j on̈, caw wach' tzcutj qui b'eyb'al 'a smasnil tiempo on̈.