Nahúm 2:5 - Chuj San Sebastian Bible

⁵ A eb' soldado caw jelan, x'awtx 'at eb' 'a owl cha, ax yic x'at eb', t'oclji laj s'at eb' stenlan sb'a s'at 'a smuroal chon̈b' cha, atn 'a 'aj tzb'o 'aj tzcol sb'a eb'.

Chuj San Mateo Bible

⁵ Syavtej eb' soldado te tec'an vin̈ sreyal Nínive, toxon̈ej vanpichan scot eb'. Sb'at lemnaj eb' d'a smuroal schon̈ab' van sb'o b'aj scol sb'a eb'.

Nahúm 2:5 ပူးပေါင်းရင်းမြစ်များ

Is 21:5

Tox sb'o' 'ejm eb' te mexa, lista xo yaj 'aj tz'em wocn eb' 'anma swa'i, tzyu'n eb' tas tzyuq'uej, wanto wal cha, 'ix 'och jun 'aw 'ixtic: Q'uen̈ec wan ex syajlil eb' soldado, 'a'c lista e b'a yet' tas tzmacn sat jul-lab', xchi xwab'i.

Is 5:27

A 'a scal eb' soldado, may junc eb' tz'el yip mto c'unb'nac sb'eyi, may eb' 'ay swayan̈, may eb' 'oj telwoc sb'eyi, may eb' choyn yajch sjalul, may pax eb' to 'oj t'ucchjoc can 'el sc'ab' xan̈ab'.

Jeremías 46:12

Yojc xo smasnil nacion̈ to wan yel e q'uixwel, checl yel eyaw 'a smasnil yolyib'n̈q'uinal. Toxn̈ej tztenlaj sb'a eb' 'a'm owl yeq'ui, tzlaj b'alb'n 'ec' eb' 'a sat lu'um, xchi Dios.

Jeremías 50:29

Tzyaln Dios 'ixtic: 'Awtjec cot smasnil eb' julwjum, 'och cab' eb' julwjoc 'a Babilonia. 'Ochn̈ec oyn 'a spatquil chon̈ab', sec may junc mach tz'at 'eloc. Pactzejc 'a 'icha wal smoj schani. 'Icha wal tas x'el sb'oni, 'ixta pax tzeyutej. Yujto jun 'ejmn̈ej ch'an xyutj sb'a eb' 'ayn an Jehová in, sDiosal in Israel, to Cojxn in.

Nahúm 2:6

'Oj jacwc jun tzo'n̈ puerta 'ay 'a sti eb' a a', 'oj lan̈chjoc 'ejm despacho.

Nahúm 3:18

Ach sreyl Asiria, a wal eb' stan̈mal a chon̈ab', waync xo eb'. A eb' 'aych yajlil et'oc, to tz'ilj eb'. A eb' a soldado, caw sactzicnac s'at eb' 'a lum jolmctac witz, man̈x 'a mach tzmolb'tzan eb'.

Nahúm 3:3

'Ay q'ue eb' soldado 'a yib'n̈ chej tz'ec' eb'. Caw tzcopmj yespada eb' yeq'ui. Tzictzni yilx q'uen lanza. Smil-l xo sb'isl eb' x'ejmi, b'ulctac xoj yaj eb' chamnac. Man̈x yalnb'ilc niwnal t'ocq'uixtac yaji. Tzlaj can locn yoc eb' 'anma 'a eb'.

Habacuc 1:8

Ax schej eb' tzc'ana, yel xo wal jeln sb'ey no 'a yib'n̈ no leopardo. Ax eb' soldado 'ay q'ue 'a yib'n̈ no', yel xo wal ow eb' 'a yib'n̈ no 'ocs tz'ec' 'a 'ac'wal. Caw man̈x yalnb'ilc sb'isl schej eb' cha, najtto 'ay e no', tz'at lemnjoc e no 'a owl cha, 'icha wal s'at lemnjoc no c'uc'um yic tzyamn no schib'ej.