Nahúm 1:15 - Chuj San Sebastian Bible

¹⁵ Ex 'aj Judá, 'iltec, sjaw win alm 'el 'ab'x yic junc'ojlal 'a sjolm eb' lum tzalan. 'A'c 'och e q'uin̈, 'a'c 'el'choc 'aj eya'jnac can e ti'. Man̈x 'a b'a'n̈ 'oj ex yixtc eb' tu snab'en, tox 'ix lajw 'el eb' 'a jun 'ejmn̈ej.

Chuj San Mateo Bible

¹⁵ Ilecnab'i, van sjavi jun mach tz'alanel vach' ab'ix yic junc'olal d'a jolomtac vitz. Ex aj Judá aq'uecoch e q'uin̈, c'anab'ajejec b'aj ix eyac' e ti'. Man̈xalaj b'aq'uin̈ ol ex ixtaj yuj eb' chuc chi', toxo ix satel eb' d'a juneln̈ej.

Nahúm 1:15 ပူးပေါင်းရင်းမြစ်များ

Salmos 107:15

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 107:8

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Is 41:27

A 'a yictax pecti', an waljnac jun 'ab'x tic 'a Sión, an pax tzin checb't jun in checb' 'a Jerusalén, yic tzyaln 'el wach' 'ab'ix to jab'xoj smeltzj eb' 'anma 'a schon̈ab'.

Is 42:11

Tzalj cab' chan̈ eb' chon̈b' 'ay 'a lum cusltac lu'um, yet' eb' yin̈tl can win Cedar cajn 'a jun tzo'n̈ scamplamento. Eb' 'aj chon̈b' Sela, b'itn cab' eb' 'a tzaljc'ojlal, q'ue cab' yaw eb' sb'itn 'a lum jolmctac witz.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Lv 23:2

Al jun tzo'n̈ tic 'a eb' et israelal: Atn jun tzo'n̈ q'uin̈ tic to wic an Jehová in, ata tzeyam e b'a yic tzex 'och 'emmquilal 'ayin.

Lv 23:4

Atn pax jun tzo'n̈ q'uin̈ tic to niwn yel'chi yic tzeyi'n chan̈ in b'i, tze yamn e b'a yuj eyoch 'emmquilal 'ayn an Jehová in, atn jun tzo'n̈ c'u alb'ilx wu'uj:

Nahúm 1:14

A Jehová a tzaln 'ixtc 'a win sreyl Nínive: Man̈x 'a junc en̈tl 'oj b'inanc a b'i. 'Oj in satl jun tzo'n̈ a diosal 'a yol yatutal 'aj 'aychi, checl xo yaj et'l 'aj 'oj a mucxi, yujto caw yajb'entac ach, xchi Dios.

Lc 2:10

Palta xyaln jun ángel chi 'a eb' 'ixtic: —Man̈ ex xiwoc, yujto 'ay jun wach' 'ab'x tzwul wal 'ayex. Yu'uj caw 'oj jawc stzaljc'ojlal smasnil 'anma'.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

Ro 10:15

¿Tas 'oj yutc eb' 'at yalnc 'el wach' 'ab'ix, toto may mach tzchecn 'at eb'? Yuj cha, tzyaln pax 'a Ch'an̈ Un̈ chi 'ixtic: Til wal sja'l yilxi yic tzjaw junc win alm 'ab'ix, junc 'et'jnac wach' 'ab'ix, [atn yab'xil junc'ojlal], xchi.