Mt 9:36 - Chuj San Sebastian Bible

³⁶ A yic x'och q'ueln 'a eb' 'anma cha, 'ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, caw 'aych eb' 'a syailal, caw cusc'ojlal yaj eb'.

Chuj San Mateo Bible

³⁶ Ayic ix och q'uelan d'a eb' anima chi', ix oc' sc'ool d'a eb', yujto ix yila' to lajan eb' icha juntzan̈ noc' calnel malaj stan̈vumal, te ayoch eb' d'a syaelal, te cusnac eb'.

Mt 9:36 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:17

Xlajw cha, xyaln win Micaías chi 'ixtic: 'Ix wila, a smasnil eb' soldado to quit chon̈ab', sactzicnac s'atcn eb' 'a lum jolmctac witz, 'icha no calnelu may yilmal. 'Ix yaln Jehová 'ixtic: A eb' soldado tic may yilmal eb'; junjn eb' pax cab' eb' 'a junc'ojlal 'a yatut, xchi Dios 'ayin, xchi Micaías.

2 Cr 18:16

Xlajw cha, 'ix yaln Micaías 'a win 'ixtic: 'Ix wil smasnil eb' soldado israel, sactzicnac yajcn 'at eb' 'a jolmctac witz 'icha no calnelu may yilmal. Yuj cha, 'ix yaln Jehová 'ixtc 'ayin: A jun tzo'n̈ 'anma tic, man̈x 'a yajl eb', junjn mach meltzj cab' 'a junc'ojlal 'a yatut, xchi 'ayin, xchi Micaías.

Is 13:14

Ax eb' chuc chon̈b'al cajn 'a Babilonia cha, lajn 'oj yutc sb'a eb' 'icha no c'ultquil chej tzpechxi, mto 'icha no calnelu man̈x 'a yilmal, tzpuccn 'at no'. 'Ixta 'oj yutc sb'a eb'. Junjn mach 'oj paxcn 'a schon̈ab', mto 'a slum 'aj 'ay.

Jeremías 50:6

A wal eb' in chon̈b' tic, lajn wal eb' 'icha e no calnelu satnc can 'ati, yujto man̈ wach'c tz'aj stan̈wx yuj yilmal, yuj cha, tzsatcn 'at e no 'a eb' lum jolmctac witz. Axn̈ejta tz'ec' e no 'a eb' lu'um, jun xo tzsat sc'ojl e no 'a scolal.

Zacarías 10:2

Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Zacarías 11:16

Yujto 'oj wa'ch junc yilmal jun nacion̈ tic, junc tu 'oj yutc sb'a 'icha junc 'ilm calnelu, toxn matz 'och 'il yuj no calnelu tzsatcn 'ati, matz 'at sayc' no', matz yan̈tj win no lajwnac, matz yac' wa win pax no tzcham yuj wejel. A yico', a wal no caw b'aq'uech a no tzchi 'ejmi, man̈x xon jac yoc no tzcan yu'uj.

Nm 27:17

sec a 'oj jucb'tzanc eb' 'anma tic, yic 'oj 'atx eb' 'a 'aj 'oj b'eyoc, sec wach' ma'oj satc' eb' 'icha no calnelu may yilmal, xchi.

Mt 10:6

An̈j 'a eb' satnc to 'a scal eb' quit israelal, an̈jta tzex 'eq'ui. Yujto 'icha junc calnelu tzsatq'ui, 'ixta 'eb'.

Mt 14:14

Ax yic 'ix 'elt Jesús 'a yojl te barco cha, 'ix yilni til wal eb' 'anma 'ayx 'ec' pax ta'. Yuj cha, x'o'ch sc'ojl 'a eb', 'ix ya'n b'oxc sc'ojl jun tzo'n̈ eb' ya'ay x'ijx cot 'a 'a.

Mt 15:24

'Ix ta'w Jesús 'a 'ix 'ixtic: —An̈j 'a eb' wit israelal checb'iln cot yuj Dios. Yujto 'icha jun tzo'n̈ calnelu tzsatq'ui, 'ixta eb', xchi.

Mt 15:32

'Ix yawtn cot Jesús eb' scuywum, 'ix yaln 'a eb' 'ixtic: —Caw tz'o'ch in c'ojl 'a eb' 'anma tic, yujto yoxl xo c'u sjaw eb' 'a tic. A ticnec, man̈x 'a tas tzc'ux eb'. Matz in nib'j tzin checx eb' 'a yatut, toto matz wa eb' s'ati. 'Ay smay tzsicb' 'el eb' 'a yol b'e, xchi 'a eb'.

Mr 6:34

Ax yic x'elt Jesús 'a yojl te barco cha, 'ix yilni til wal 'anma 'ayx 'ec' ta'. 'Ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, yuj cha, 'ix syamn 'och scuywj 'a eb'.

Mr 8:2

—Caw tz'o'ch in c'ojl 'a eb' 'anma tic, yujto yoxl xo c'u 'ayc' eb' wet' 'a tic, palta man̈x 'a tas tzc'ux eb'.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.