Mt 9:33 - Chuj San Sebastian Bible

³³ Ax yic x'el jun demonio chi 'a win yuj Jesús, 'ix syamn 'och win spaxtini. Yuj cha, caw sat sc'ojl eb' 'anma chi 'ayc' ta', 'ix laj yalnc eb' 'ixtic: —A 'a qui calc an̈ israel on̈c tic, mant 'a 'aj xquilc junc tas 'icha jun tic, xchi eb'.

Chuj San Mateo Bible

³³ Axo yic ix el jun enemigo chi' d'a vin̈ yuj Jesús, ix och ijan vin̈ sloloni. Yuj chi' ix te sat sc'ool eb' anima ayec' ta', ix yalan eb': —A d'a co cal a on̈ aj Israel on̈ tic, manta b'aj squil junoc icha jun tic, xchi eb'.

Mt 9:33 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:8

A yic 'ix yab'n Eliseo win schecb' Dios, chajtlto stziljat sreyl chon̈b' Israel spichul, 'ix 'at ya'nc alxc 'a win rey chi 'ixtic: ¿Tas yuj xa tziljat 'a pichul? Cot cab' jun winc chi 'ayn muc'uc, ax yojcan 'eli chajtlto 'ay schecb' Dios 'a qui chon̈b' Israel tic, xchi.

Salmos 76:1

'Ojcab'il Dios 'a Judá, caw niwn yel'ch sb'i 'a smasnil yol yic Israel.

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Jeremías 32:20

Ach 'ix a b'o jun tzo'n̈ niwc milagro, yet' jun tzo'n̈ ch'oxnb'il caw niwc yel'ch 'a Egipto. An̈jtona ticnec, til to wal tas tza ch'ox 'a qui cal an̈ israel on̈ tic on̈, yet' pax 'a scal smasnil 'anma'. Yuj cha, caw niwn el'chi.

Mt 8:10

Ax yic xyab'n Jesús jun tzo'n̈ cha, caw sat sc'ojl yab'ni. Yuj cha, xyaln 'ixtc 'a eb' ajun yet'oc: —Wal yel tzwal 'ayex, mant 'a junc quit israelal xwil ya'n 'och sc'ojl 'a Dios 'icha jun win tic.

Mt 9:32

Wanto s'at eb', 'ix 'ijx cot junx winc 'a Jesús. A win cha, matz uj spaxtini, yujto 'aych jun demonio 'a 'a.

Mr 2:12

Yajn̈j wal cha, 'ix q'ue wan winac, 'ix yi'n chan̈ win swaynub' cha, q'ueln 'och eb' smasnil 'ix pax winac. Yuj cha, caw sat sc'ojl eb' smasnil, 'ix laj yalnc eb' wach' paxti 'a Dios. —Toxn mant xon 'aj tzquil jun tic 'ixtic, xchi eb'.

Lc 11:14

A 'a jun 'el, 'ay jun winc 'aych jun demonio 'a 'a, matz tac' xon spaxtin win jac yu'uj. Ax Jesús, a 'ix 'i'n 'el jun demonio chi 'a winac. A yic x'el 'a winac, tzax stac' spaxtin winac. Yuj cha, caw 'ix sat sc'ojl eb' 'anma yu'uj.

Lc 7:9

Ax yic 'ix yab'n jun tzo'n̈ cha, caw sat sc'ojl yab'ni, yuj cha, 'ix 'och q'ueln 'a eb' ajun xon yet' cha, 'ix yaln 'a eb' 'ixtic: —Wal yel tzwal 'ayex, mant 'a junc israel tzwil ya'n 'och sc'ojl 'a Dios 'icha jun winc cha, xchi Jesús.