Mt 9:30 - Chuj San Sebastian Bible

³⁰ 'Ixta to b'i'an, xjacw sat eb'. Tztac' xo yiln eb'. Yuj cha, xcham wal yaln 'ixtc 'a eb': —'Ab'ec, may junc mach 'aj tztac' eyaln jun tic, xchi.

Chuj San Mateo Bible

³⁰ Icha chi' ix aj sjacvi sat eb' vin̈ chi'. Tzaxo uji yilan eb' vin̈. Yuj chi', ix cham val yalan Jesús chi' d'a eb' vin̈: —Ayta b'aj tzeyal jun tic, xchi d'a eb' vin̈.

Mt 9:30 ပူးပေါင်းရင်းမြစ်များ

Salmos 146:8

A Jehová a tz'a'n jacwc sat eb' matz tac' xon yilni. A tzsi'n chan̈ eb' 'icha to telwnac 'ejmi. 'Ay schamc'ojlal 'a eb' 'anma tojl snab'en.

Is 35:5

'Ixta to b'i'an, ax eb' matz uj yilni, 'oj stac' yiln eb'; eb' chacan̈, 'oj yab' eb'.

Is 42:7

Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

Is 52:13

Yuj cha, xyaln Jehová 'ixtic: A jun in checb' tic, 'oj sta'n̈j yu'uj, yel xo wal niwn yel'ch 'oj 'ajoc, 'oj b'inaxc 'a scal 'anma', ax yijx chan̈ sb'i.

Mt 12:16

'Ix yaln 'ixtc 'a eb': —May junc mach 'aj tzeyala mach in, xchi.

Mt 17:9

Yic wan yempaxt eb' 'a jun tzaln cha, 'ix yaln Jesús 'ixtc 'a eb': —'Ayt 'aj xeyal jun xeyil tic. At yic 'oj in pitzw pax An 'Ochnc in 'Anmal tic 'a scal eb' chamnac, atta 'oj eyal-li, xchi 'a eb'.

Mt 8:4

Xlajw cha, xyaln pax 'a winac: —'Ab'i, 'ayt 'aj xal-l jun tic. Palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés. 'Ixta 'oj 'aj scheclj 'eli, chajtlto ach b'ox cani, xchi Jesús 'a winac.

Mr 1:43

Xlajw cha, xchecn pax Jesús winac. Yic 'ix schecn can 'ati, 'ix cham wal yaln 'ixtc 'a winac:

Mr 3:12

Palta xtenx 'och wan ewin yu'uj, sec matz yal-l ewin mach Jesús cha.

Mr 5:43

Palta 'ix cham wal yaln Jesús 'a eb', to may 'aj tzyal-l eb' jun cha, 'ix yaln 'a eb', to tzyac' wa eb' 'ix.

Lc 5:14

Xlajw cha, xyaln Jesús 'a win 'ixtic: —'Ayt 'aj xal-l jun tic, palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés, sec man̈x a paltail 'a sat ley, 'ixta 'oj 'aj scheclj 'eli, chajtlto ach b'ox cani, xchi Jesús 'a winac.

Lc 8:56

Ax smam snun 'ix, caw 'ix sat sc'ojl eb' yilni. Palta 'ix yaln Jesús 'a eb', to may junc mach 'aj tzyal-l eb', tas 'ix 'aj spitzw pax 'ix.