Mt 9:24 - Chuj San Sebastian Bible

²⁴ Yuj cha, xyaln Jesús 'ixtc 'a eb': —'Eln̈ec 'a tic. A 'ix 'unn tic, man̈ chamncoc 'ix, ton̈j waync 'ix, xchi 'a eb'. Palta ton̈j 'ix tzewj eb' yu'uj.

Chuj San Mateo Bible

²⁴ Yuj chi' ix yalan Jesús d'a eb': —Elan̈ec d'a tic. A ix tic, man̈ chamnacoclaj ix. Ton̈ej svay ix, xchi d'a eb'. Palta ton̈ej ix tzetzaj Jesús chi' yuj eb'.

Mt 9:24 ပူးပေါင်းရင်းမြစ်များ

Job 12:4

Ex in wach'c'ojol, wach'xam an tic may in mul, may pax in paltail; wach'xam xyab' pax Dios waln in b'a 'a yic yaln̈ cha, palta ax ticnec, ton̈j tzin e tzetzej.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Mr 5:40

Palta ton̈j 'ix tzetzj eb'. Ax yic xlajw yel eb' 'anma chi yu'uj, 'ix yi'n 'och smam snun 'ix, yet' eb' 'ayc' yet'oc, 'ix 'ochch eb' 'a 'aj 'ayc' 'ix 'unn cha.

Lc 8:53

Palta ton̈j stzetzj eb', yujto yojc xon eb' to chamnc xo 'ix.

Jn 11:4

Xlajw yab'n Jesús tas 'ix yalb't eb', 'ix yaln 'ixtic: —A jun yab'il cha, ma'oj cham win yuj 'a jun 'ejmn̈ej. 'Ix yamchj win yuj jun yab'il cha, sec 'oj sch'ox Dios to caw niwn yel'chi. Ax scheclj pax 'eli, to caw niwn wel'ch pax an Yunnaln Dios tic, xchi Jesús.

A Tas Sc'ulejnac Eb' Schecab' Jesús Hechos 20:10

Ax yic x'eml Pablo, 'ix 'em lachn 'a yib'n̈ winac. 'Ix yaln 'a eb' creyente chi 'ixtic: —Man̈ ex 'och 'il. 'Ix pitzw paxi, xchi.

A Tas Sc'ulejnac Eb' Schecab' Jesús Hechos 9:40

Ax Pedro cha, 'ix checn 'emt eb' smasnil. Xlajw cha, x'em cuman, 'ix leslwi. 'Ix 'och q'ueln 'a 'ix Dorcas cha, 'ix yaln 'a 'ix 'ixtic. —Tabita, tzwal 'ayach, q'uen̈ wa'an, xchi 'a 'ix.