Mt 9:23 - Chuj San Sebastian Bible

²³ Ax yic xc'och Jesús 'a yatut win yajl cha, 'ix yilni 'ay eb' wan yutz'n yamay. Ax eb' 'anma', til wal yoc' eb'.

Chuj San Mateo Bible

²³ Axo yic ix c'och Jesús d'a spat vin̈ yajal chi', ix yilani van spu'an sflauta eb' ay syamc'ab' yic b'it. Axo masanil eb' anima, toxon̈ej vejanchaan̈ eb' oq'uel.

Mt 9:23 ပူးပေါင်းရင်းမြစ်များ

2 Cr 35:25

Ax Jeremías 'ix sb'o jun poesía yuj snax cot schamlil Josías, yic tzb'itnaxi. Smasnil eb' winc tzb'itni yet' eb' 'ix 'ix tzb'itni, tzna cot eb' jun b'it yic schamlil rey Josías, yic tzb'itnan eb' jun tzo'n̈ b'it yic cusc'ojlal yuj eb' tzlaj chami. Ax x'aji, x'och jun tic sb'eyb'alc eb' israel. A jun tzo'n̈ tic ata tz'ib'b'il can 'a ch'an̈ libro yic b'it yic cusc'ojlal.

Jeremías 16:6

'Oj cham eb' 'ichmtac 'anma', yet' eb' cotc 'unn 'a jun nacion̈ tic. May mach 'oj mucn eb', may mach 'oj 'oc' yuj eb'. May mach 'oj 'a'nc lajwc sniwnal, mto sjoxn 'el xil sjolm yuj sch'oxn scusc'ojlal yuj eb'.

Ez 24:17

Tza c'ultac 'ab'j syail, palta man̈ a ch'oxl a cusc'ojlal chi 'icha tzyac' eb' 'anma yuj mach tzcham 'a 'a. Man̈ e'l sc'oxl a jolom, man̈ e'l a xan̈ab', man̈ a mac a sat yic tza ch'oxn 'el a cusc'ojlal, man̈ a c'ux jun tzo'n̈ tas tzc'uxx yuj cusc'ojlal, xchi 'ayin.

Mt 11:17

¡Niwnoc xcob' quixtj qui b'a cutz'n 'amay eyu'uj, palta ma'ix eyac' chan̈al. An̈jtona', niwnoc xcob' qui b'itnoc jun tzo'n̈ b'it caw cusltac yochi, palta ma'ix e tz'ac 'oc' pax e b'a quet' on̈! xchi eb'.

Lc 7:32

Lajn e nab'en 'icha jun tzo'n̈ 'unn tztajn 'a plas. 'Ay eb' tzaln 'a jun tzo'n̈ xo eb' yit 'unnal 'ixtic: Niwnoc xcob' quixtj qui b'a cutz'n 'amay eyu'uj, palta ma'ix eyac' chan̈al. An̈jtona', niwnoc xcob' qui b'itnoc jun tzo'n̈ b'it caw cusltac yochi, palta ma'ix e tz'ac 'oc' pax e b'a quet' on̈, xchi eb'. 'Icha eb' 'unn ma'ix tajn tic, 'ixta 'ex.

A Tas Sc'ulejnac Eb' Schecab' Jesús Hechos 20:10

Ax yic x'eml Pablo, 'ix 'em lachn 'a yib'n̈ winac. 'Ix yaln 'a eb' creyente chi 'ixtic: —Man̈ ex 'och 'il. 'Ix pitzw paxi, xchi.

A Tas Sc'ulejnac Eb' Schecab' Jesús Hechos 9:39

Yuj cha, 'ix 'at Pedro yet' eb'. Yic 'ix c'ochi, xyi'n q'ue eb' 'a jun cuarto chi 'aj 'ay sniwnal 'ix Dorcas cha. Ata yamn yaj eb' 'ix chamnc yichmil. Wan yoc' eb' yuj 'ix. 'Ay jun tzo'n̈ spichl eb', yet' jun tzo'n̈ scamx eb' sb'ojnac 'ix Dorcas cha, yic 'ayc' yet' eb'. 'Ix sch'ox eb' jun tzo'n̈ chi 'a Pedro cha.

Apoc 18:22

Man̈x 'a b'a'n̈ 'oj 'ab'xoc sjaj arpa, flauta, mto trompeta. Man̈x 'a junc mach 'oj munljoc 'a yopiso. Man̈x 'a b'a'n̈ 'oj 'ab'xc sc'an̈ junc samq'uen mulino.