Mt 6:6 - Chuj San Sebastian Bible

⁶ Ax xo tic, a yic tzex leslwi, tze macch e b'a 'a yol eyatut. Tzlajw cha, c'ultac tzex leslwi 'a qui Mam Dios. Wach'xam c'ultac tzex leslwi 'a 'a, 'oj yab'i', ax ya'n spac 'ayex.

Chuj San Mateo Bible

⁶ A exxo tic, ayic tzex lesalvi, tze macchejoch e b'a d'a yol e pat. Slajvi chi', d'a c'ub'eltac tzeyac' e lesal d'a co Mam Dios. Vach'chom d'a c'ub'eltac tzeyac' e lesal d'ay, a' ol ab'anoc, ol yac'an spac d'ayex.

Mt 6:6 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 4:33

Yuj cha, 'ix 'och 'a yojl jun cuarto cha, smacn 'elt spuertail, 'ix leslwi 'a Jehová.

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

Pr 25:22

'Ixta 'oj 'aj schacb' 'el sat eb' sq'uixwi, 'icha wal to tze sec q'ue stza c'ac' caw tzn̈ilchj 'a sjolm eb', ax Jehová a 'oj 'a'noc spac 'ayx yuj e wach'c'ojlal cha.

Is 26:20

Ex wit chon̈ab', 'ochn̈ec 'a yol eyatut, tze macn can 'elt e puerta 'a e patic, c'ub'jec 'el e b'a jab'oc, masnto tz'e'cn yowl sc'ojl Jehová.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Mt 14:23

Xlajw yaln can sb'a 'a eb', 'ix 'at 'a jun tzalan, yic tzleslwi ta sch'ocoj. A 'a jun 'ac'wl cha, sch'ocj 'ayc' ta'.

Mt 6:18

sec wach' may mach tz'ilni, toto 'ayx 'och 'a c'ajb'c'ojlal. Toto 'ixta', cojn 'a sat qui Mam Dios 'ayx 'och 'a c'ajb'c'ojlal, 'oj yila', ax ya'n spac 'ayex.

Mt 6:4

Caw c'ultacn̈ej tzex colwj 'a eb' meb'a cha. Wach'xam c'ultac tzex colwj 'a eb', a qui Mam Dios tzyila. Yuj cha, a 'oj pacnc 'ayex.

Jn 1:48

Yuj cha, 'ix sc'anb'n Natanael chi 'a 'ixtic: —¿Tas 'ix otj in ojcan 'eli? xchi. —A yic mantzac ach yawtj cot Felipe, ach wilni, 'aych 'ec' 'a yich jun te higo, xchi Jesús 'a 'a.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

A Tas Sc'ulejnac Eb' Schecab' Jesús Hechos 10:30

Yuj cha, xyaln win Cornelio 'a 'ixtic: —Yab'n 'icha hora tic 'oxji, 'ayn 'och 'a c'ajb'c'ojlal. Wan in leslwi 'a yol watut tic 'a yic am a las tres yic yemc'ual, 'ay jun xwul sch'ox sb'a 'ayin, caw tzictzni yilx spichul.

A Tas Sc'ulejnac Eb' Schecab' Jesús Hechos 10:9

Ax 'a junx c'u 'a chimc'ual, yic wan sc'och eb' checb' chi 'a sla'nil chon̈b' Jope cha, ax Pedro 'ix q'ue leslwoc 'a span̈nil yib'n̈ yatut win Simón cha.

A Tas Sc'ulejnac Eb' Schecab' Jesús Hechos 9:40

Ax Pedro cha, 'ix checn 'emt eb' smasnil. Xlajw cha, x'em cuman, 'ix leslwi. 'Ix 'och q'ueln 'a 'ix Dorcas cha, 'ix yaln 'a 'ix 'ixtic. —Tabita, tzwal 'ayach, q'uen̈ wa'an, xchi 'a 'ix.

Ro 8:5

Ax eb' tzb'eylb'an 'icha tznib'j stu nab'enal, an̈jta tzya'ch eb' snab'en. Cojxn jun tzo'n̈ maysch'olnil chi 'aj tzya'ch eb' snab'en. Yuj cha, ax s'atcn eb' 'a chaml 'a jun 'ejmn̈ej. An̈ec xo tic, wan qui b'eylb'anec 'icha tznib'j Yespíritu Dios, an̈jta tzca'c 'och qui nab'en. Yuj cha, ax qui chanec qui q'uinl 'a jun 'ejmn̈ej, junc'ojlal xoj tzon̈ 'ajc yet' Dios.

Ef 3:14

Yuj cha, tzin 'em cumn 'a yojltac Dios, [atn 'a Smam Cajlil Jesucristo.]