Mt 6:30 - Chuj San Sebastian Bible

³⁰ A jun tzo'n̈ te c'ultc cha, ton̈j 'ayc' te ticnec, ax q'uic'an tz'a 'a yol jorna. Wach'xam 'ixta yec' te', palta a Dios a tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Chuj San Mateo Bible

³⁰ A juntzan̈ an̈ chi', ton̈ej ayec' an̈ ticnaic, axo q'uic'an tz'och an̈ sc'ac'aloc horno. Vach'chom icha chi' an̈, palta a Dios tz'ac'an svach'il yilji an̈. Yuj chi', ol yac'pax e pichul. Palta inai, teveln̈ej tzeyac'och Dios d'a e c'ool.

Mt 6:30 ပူးပေါင်းရင်းမြစ်များ

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

Mt 14:31

Yajn̈j wal cha, xwul 'och yamnjoc Jesús 'a sc'ab', 'ix yaln 'ixtc 'a 'a: —Ach tic jab' wal tza'ch a c'ojl 'a Dios. ¿Tas yuj xa chab'c'ojlej a b'a? xchi 'a 'a.

Mt 16:8

Ax Jesús, yojtac tas wan yaln eb', yuj cha, xyaln 'ixtc 'a eb': —¿Tas yuj tzeyala to may e pan? Caw jab' wal tzeya'ch e c'ojl 'a Dios.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Mt 8:26

'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Mr 4:40

Xlajw cha, xyaln 'ixtc 'a eb' scuywum cha: —¿Tas yuj tzex caw xiwi? ¿Tas yuj matz eya'ch wal e c'ojl 'a Dios? xchi 'a eb'.

Mr 9:19

Yuj cha, 'ix yaln Jesús 'ixtic: 'A... ax tic, caw matz eya'ch e c'ojl 'a Dios, 'in 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijc cot jun 'unn chi 'ayin, xchi.

Lc 12:28

A jun tzo'n̈ te cha, ton̈j 'ayc' ticnec, ax q'uic'an tz'a 'a yol jorna. Wach'xam 'ixta yec' te', palta a Dios tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Lc 9:41

Yuj cha, 'ix yaln Jesús 'ixtic: —¡Ax tic, caw matz eya'ch e c'ojl 'a Dios, caw pit ex! 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj, xchi. Xlajw cha, 'ix yaln 'a jun winc cha: 'At 'ij cot win onnal chi 'ayin, xchi.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.