Mt 6:26 - Chuj San Sebastian Bible

²⁶ 'Iltec no ch'ic tzlaj jen̈n̈'ec' 'a cha'an̈: May tas tzyawj no', may tas tzjach' no', may pax tas tzmol no', palta a qui Mam Dios 'ayc' 'a satcha'an̈, a tz'a'n jantcn̈ej tas tzc'ux no'. Palta ax xo tic, yel xo wal niwn eyel'ch 'a yib'n̈ no 'a sat Dios.

Chuj San Mateo Bible

²⁶ Tzeyilnab' noc' much tz'ec' jen̈en̈oc d'a satchaan̈. Malaj tas syavej noc'. Max jach'vilaj noc'. Malaj pax tas smol noc'. Palta a co Mam Dios ay d'a satchaan̈ tz'ac'an svael noc'. Inatax tz'ac'ji svael noc', oc exxom a ex tic, más nivan eyelc'och d'a yichan̈ noc'.

Mt 6:26 ပူးပေါင်းရင်းမြစ်များ

Gn 6:21

Tza molb'tzan can 'och smasnil tas tzc'uxxi, yic wach' 'ay tas tza c'uxu, yet' tas tzc'ux e no noc' cha, xchi Dios.

Job 35:11

'Ec'b'al wal yaj on̈ scuynec Dios 'a yib'n̈ no noc' cajn 'a sat lum tic, yel xo wal jeln cajc yuj 'a yib'n̈ smasnil no ch'ic.

Job 38:41

¿Mach tz'a'n tas tzc'ux e no joj tza na'a, yic tz'ec' saync e no tas tzc'ux e no cotac, yic tz'el yaw e no sc'ann tas tzc'ux 'ayin?

Salmos 147:9

A tz'a'n tas tzc'ux no noc', tzya'n pax tas tzc'ux e no cotc joj yic tz'el yaw e no'.

Salmos 50:11

Wic smasnil e no ch'ic 'ay 'a calte', yet' pax tas tzlaj 'ib'x 'a waymtac, wic smasnil.

Mt 6:32

Yujto a eb' man̈ 'ojtnacoc Dios, caw tzya'ch eb' snab'en sayn 'ec' jun tzo'n̈ cha. Palta a qui Mam 'ayc' 'a satcha'an̈, a 'ojtnac, to 'ay tz'och jun tzo'n̈ chi cu'uj.

Mt 7:9

Q'uinloc 'ayex, tzc'an eyunnal junc yoch 'ayex, ¿tom wal a junc q'uen tzeyac' 'a 'a?

Lc 12:18

Xlajw cha, snan pax winac: 'A, 'ixtc 'oj wutoc. 'Oj in poj 'ejm jun tzo'n̈ sc'un̈ail sat wawb'en tic, ax in b'on pax jun tzo'n̈ xo caw niwc 'oj 'ajoc. Ata 'oj in mol smasnil sat wawb'en tic, yet' smasnil jun tzo'n̈ xo tas 'ay 'ayin.