Mt 5:33 - Chuj San Sebastian Bible

³³ 'Ay 'aj xcab'c tas alb'il can 'a eb' qui mam quichmec pecti', 'a 'aj tzyal 'ixtic: Toto tze loc sb'i Cajlil, yic tzeya'n e ti', yowlal tzeyac' 'el'choc jun tzo'n̈ tas tzeyalcn cha, xchi.

Chuj San Mateo Bible

³³ Cab'nac tas alb'ilcan d'a eb' co mam quicham d'a peca', xchi icha tic: Tato tze loc sb'i Dios Cajal, tzeyac'an e ti', yovalil tze c'anab'ajej juntzan̈ tas tzeyalcan chi', xchi.

Mt 5:33 ပူးပေါင်းရင်းမြစ်များ

Salmos 50:14

A 'e xajmb'al tzin nib'ej, atn alj wach' paxti 'ayin. 'A'c 'el'choc e ti tzeyac' 'ayn an Dios in tic, to caw niwn wel'chi.

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Ex 20:7

An Jehová e Diosal in tic, man̈ e comn locc in b'i 'a nab'an̈ej, yujto 'oj wac' syailal eb' tzcomn locn in b'i.

Lv 19:12

An Jehová in an tzwala. Man̈ e loc in b'i 'a scal 'es paxti tzeyala. Toto 'ixta tzeyutej, man̈x 'a wel'ch 'a e sat.

Nahúm 1:15

Ex 'aj Judá, 'iltec, sjaw win alm 'el 'ab'x yic junc'ojlal 'a sjolm eb' lum tzalan. 'A'c 'och e q'uin̈, 'a'c 'el'choc 'aj eya'jnac can e ti'. Man̈x 'a b'a'n̈ 'oj ex yixtc eb' tu snab'en, tox 'ix lajw 'el eb' 'a jun 'ejmn̈ej.

Mt 5:21

'Ay 'aj xcab'c tas alb'il can 'a eb' qui mam quichmec 'a pecti', 'a 'aj tzyal 'ixtic: Man̈ ex milwoc cham 'anma'. Tzann̈j mach tzma'n cham junc yit 'anma'il, yowlal tz'ijx 'at 'a sat ley, axta tzb'eyc'ojlaxi, xchi.

Mt 5:27

'Ay 'aj xcab'c tas alb'il can 'a sley Dios, yic yaln can 'ixtic: Man̈ e b'o 'ajmulal 'a yol sc'ab' eyitb'eym junjn ex, xchi.

Dt 23:21

A yic tzeya'n e ti eya'n junc tas 'a Jehová Dios, matz 'ec' cab' tiempo eya'ni. Toto ma'ay 'oj sc'anb'c 'ayex, ax yoch jun chi e muloc.

Dt 23:23

palta toto tz'el wal 'a e c'ojl eya'n junc tas 'a Jehová Dios, yowlal tzeyac' 'el'choc e ti tzeyac' cha.

Dt 5:11

Man̈ comnoc tze loc in b'i 'a nab'an̈ej an Jehová e Diosal in tic, yujto 'oj wac' syailal eb' tzlocn in b'i 'a nab'an̈ej.

Dt 6:13

Cojn 'a Jehová Dios tzex xiwi, a tzeyac' servil. Cojn sb'i tze b'inej, yic tze ya'n junc e ti'.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.