Mt 5:28 - Chuj San Sebastian Bible

²⁸ Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

Chuj San Mateo Bible

²⁸ Palta a in tic sval d'ayex, yaln̈ej mach syiloch sc'ool d'a junoc ix ix, a jun chi' toxo ix em ajmulal yed' ix d'a spensar.

Mt 5:28 ပူးပေါင်းရင်းမြစ်များ

Gn 34:2

Ax win Hamor win heveo syajlil chon̈b' cha, 'ay jun yunnal tzcuch Siquem. Xyiln 'och win Siquem chi 'ix cob's cha, 'ix ya'n pural win yixtn 'ix.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Job 31:9

Q'uinloc 'ay 'aj xwixtj paxti junc 'ix 'ix, mto 'ay 'aj xin mac yel-l yistzil junc wit wincal 'a sti yatut,

Salmos 119:96

'Ix wila to a smasnil tas, man̈ tz'acnoc 'a swach'il, ax pax jun tzo'n̈ a checnb'il tic, man̈x yalnb'ilc swach'l eb'.

Ex 20:17

Man̈ e nib'c 'och yatut junc eyit 'anma'il, man̈ e nib'c 'och yistzil junc win winac, mto yichmil junc 'ix 'ix. Man̈ e nib'c 'och ewin smoso, eb' 'ix ya'mal servil, swacax, sb'uru, mto junc xo tas 'ay 'a 'a, xchi Dios.

Pr 6:25

Man̈ a nib'c 'och swach'l yilx 'ix. Man̈ ac' somchjoc a nab'en yuj tas tzach yutj 'ix ach yiln 'ochi.

Ez 23:16

A yic xyiln 'och 'ix yechl jun tzo'n̈ eb' winc cha, 'ix snib'n 'och 'ix eb', yuj cha, 'ix ya'n 'at 'ix schecb' 'a ewin 'a Babilonia cha.

Lv 18:20

May cab' mach tzb'on 'ajmulal yet' yistzil junc xo yit wincal, sec wach' matz 'och smul yuj jun cha.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mt 5:39

Palta an tzwal 'ayex, man̈ eyac' owl yet' eb' maysch'olnil tzyutj sb'a 'ayex. Toto 'ay mach tzma'n spac'b'il e ti 'a e wach', tzeyac' jun pac' xo e ti 'a e surito chi smac'a'.

Ro 7:14

Cojquec, a Yespíritu Dios 'a'jnac cot jun ley cha. Palta an tic, an̈ja wet' jun in tu nab'enal tic. 'Icha to chon̈b'iln 'och ya'malc servil maysch'olnil.

Dt 22:22

Toto 'ay junc winc tz'ilchj eyu'uj, to wan smuln yet' junc 'ix 'ix 'ay yichmil, tojln̈ej scham eb' schawn̈il. 'Ixta wal 'oj 'aj satl jun maysch'olnil chi 'a e cal.

A Schab'il Carta San Pedro 2:14

Tzann̈j junc 'ix tzyil eb', caw tznib'jn̈ej 'och eb'. Caw matz tac' stenn 'och wan sb'a eb' sb'on 'ajmulal. Ax eb' mant 'a ste'nal, caw tz'ajx sc'ojloc eb' yuj eb'. C'ayncn̈ej eb' snib'n 'och maysch'olnil. Yuj cha, caw 'ayx cot yowl sc'ojl Dios 'a yib'n̈ eb'.

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.