Mt 5:22 - Chuj San Sebastian Bible

²² Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Chuj San Mateo Bible

²² Palta a in sval d'ayex, yaln̈ej mach junoc schichonoch sc'ool d'a junoc yetanimail, ol ch'olb'itaj tas yaji. Yaln̈ej mach sb'uchvaj d'a junoc yetanimail, ol ch'olb'itaj yuj eb' sat yajal. An̈ejtona' yaln̈ej mach junoc sb'ajan junoc yetanimail, ay smay sb'atcan d'a infierno d'a scal c'ac'.

Mt 5:22 ပူးပေါင်းရင်းမြစ်များ

Gn 37:4

Ax yic tzyiln eb' 'u'tacab'il cha, to caw yel xo wal chamc'ojlb'il win yuj smam, yuj cha, caw xchichn 'och ewin 'a 'a. Man̈xtzac snib'j xon ewin sc'umc 'a tzaljc'ojlal.

Gn 37:8

Yuj cha, xta'w eb' yu'tac chi 'a 'ixtic: —¿Am tzyal 'el'ch jun tzal cha, to 'oj och am qui reyloc, ax on̈ a'n mandar tzyal cha? xchi ewinac. Caw wal xwach' cot yowl eb' 'a José, yujto xyal swaych chi 'a eb'.

A Ch'an̈ Schab'l Libro Samuel 16:7

A yic tzb'ajwj win Simei cha, xyaln win 'ixtic: —'Eln̈ 'a tic ach ma'm cham 'anma', caw may a ch'olnil.

A Ch'an̈ Schab'l Libro Samuel 6:20

An̈jtona pax David, 'ix meltzj can pax 'a yatut, yic tzyaln wach' paxti 'a yib'n̈ eb' 'ayc' 'a yol yatut cha. Ax yic xc'ochi, x'elt 'ix Mical chi wul scha', xyaln 'ix 'a win 'ixtic: —A ticnec ach sreyl chon̈b' Israel, am a nani to wach' xotj a b'a xa ch'oxn 'el wal a b'a 'a sat eb' 'ix schecb' ewin a checab', caw q'uixweltac xotj a b'a 'icha junc comn 'anma', xchi 'ix 'a winac.

A Ch'an̈ B'ab'el Libro Yic Yab'ixal Eb' Rey 21:4

Xlajw cha, 'ix pax win Acab 'a yatut, tzcus winac, caw wal tzowx sc'ojl yuj tas xyal win Nabot cha. Yuj cha, a yic 'ix c'och 'a yatut cha, 'ix 'ec' t'ocn 'a sat sch'at, ax 'a yich n̈a chi 'ix 'och q'uelan, ma'ix yal sc'ojl win xwa'i.

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

2 Cr 19:5

'Ix ya'ch eb' juez 'a smasnil chon̈b' to 'aych smuroal 'a yol yic Judá.

Nehemías 5:8

Xlajw cha, xwaln 'a eb' 'ixtic: An̈ tic on̈, caw 'ix cac' 'ip qui coln 'el eb' quit chon̈b'ec chon̈b'il can 'at 'a jun tzo'n̈ xo nacion̈, ¿tom 'oj e chon̈x 'at eb' quit chon̈b'ec, an̈ xo 'oj qui manl eb' jun 'ejm xo on̈? xin chi 'a eb'. Caw sictac xoj xcan eb', man̈xtoc xnachj 'el yuj eb' tas xyutj eb' sta'wi.

Salmos 109:3

A eb' tzchichn 'och 'ayin, tzyij eb' yip 'a in patquil tzwab'i, tznib'j eb' tas tzin yutej, palta toc 'ay in mul 'a eb'.

Salmos 14:1

A eb' tu sb'eyb'al, may Dios snan eb'. 'Ix juw 'el snab'en eb' smasnil. Til wal tas yajb'entac xlaj sb'o eb', man̈x 'a junc mach tzb'on tas wach'.

Salmos 25:3

Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.

Salmos 35:19

A eb' 'ajc'ojl yajch 'ayin, man̈ cab' comn tzaljc eb', man̈ tz'eynoc cab' tzin yutj eb' in yilni. May in mul 'a eb', palta tzcomn chichn 'och eb' 'ayin.

Salmos 37:8

Cactquec can owal, tzcactnec can chichnc'ojlal. Man̈ on̈ comn owxoc, yujto a jun tzo'n̈ cha, niwn tas tzjuw 'el yu'uj.

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

Salmos 69:4

'Ec'b'al sb'isl eb' tzcomn chichn 'och 'ayn 'icha sb'isl xil in jolom; caw xjelnb'i eb' 'ajc'ojl yajch 'ayin. Wach'xam may in mul, palta tznib'j eb' tzin smil chamoc, tznib'j eb' tzc'an meltzjoc tas 'ayn 'a nab'an̈ej, palta may tas wel'jnac.

Salmos 7:4

Toc wal 'ay 'aj tu xwutj in b'a 'a eb' wach' xyutj sb'a 'ayin. Toc 'ay 'aj 'ix wixtj eb' 'ajc'ojl yajch 'ayin, 'a yic may jac smul eb' tz'och 'ayin.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Pr 18:6

Yuj spaxti eb' 'anma may snab'en, yuj cha, tzq'ue wan owal; yuj spaxti eb' cha, ax sjaw yailal 'a yib'n̈ eb'.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Lm 3:52

A eb' 'ajc'ojol, in spech b'eyc' eb' 'icha tz'aj spechxb'ey junc no ch'ic, palta may in mul 'a eb'.

Dn 3:13

A yic 'ix yab'n win rey jun tic, caw xcot yowl win si'mb'il, 'ix 'at ya'nc win 'ijxoc cot win Sadrac, Mesac yet' Abed-nego. A yic 'ix jaw eb' 'a yojltac win rey cha,

Dn 3:19

A wal yic xyab'n win rey Nabucodonosor jun tzo'n̈ spaxti ewin quelmtac cha, caw wal xjuw yilx sat win scot yowal, xya'n win 'ajxoc 'och sc'a'l jun jorna chi uc 'ejm xo 'a yib'n̈ 'icha xon tz'ajch sc'aq'uil.

Abdías 1:10

Caw q'uixwc'ojlal 'oj eyajcni. 'Oj e lajw can 'el 'a jun 'ejmn̈ej, yujto xeyixtj eb' yin̈tl Jacob, atn yu'tac e mam 'ichm Esaú.

Abdías 1:12

Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.

Mt 10:17

Caw tzeyil wal e b'a, yujto 'ay eb' 'oj eyi'n 'at 'a eb' yajal, 'oj ex smac' eb' 'a yol jun tzo'n̈ scapiya.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mt 12:24

Palta a yic xyab'n ewin fariseo jun tzo'n̈ cha, 'ix yaln ewin 'ixtic: —A jun winc tic, tztac' ton yi'n 'el ewin demonio, yujto a win Beelzebú win syajlil ewin demonio cha, a 'aych yet'oc, xchi ewinac.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 18:21

Ax Pedro xjaw 'a stz'ey, 'ix yaln 'a 'a: —Mamin, toto 'ay junc wu'tac niwn 'ejm tz'och smul 'ayin, ¿jay 'ejm tzwac' niwnc'ojlal 'a 'a? ¿Yowlal am tzwac' niwnc'ojlal uc 'ejmoc 'a 'a? xchi.

Mt 18:35

Yuj cha, ax tic, toto matz eyac' niwnc'ojlal 'a eb' eyit 'anmal 'a smasnil e c'ojol, to 'ixta', 'ixta 'oj ex yutc pax qui Mam Dios 'ayc' 'a satcha'an̈, xchi Jesús 'a eb'.

Mt 23:15

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. C'uxn tzex 'ec' 'a sat lum tic yet' 'a a mar, sec 'ay eb' tze montj 'och eyet'oc. Ax eb' tz'och eyet' cha, ton̈j tzwach' juw 'el snab'en eb' eyu'uj. Yuj cha, smoj wal ec'b'al yailal 'oj 'ajxoc 'och 'a yib'n̈ eb' 'icha eyic 'oj 'ajxoc 'och 'a eyib'an̈.

Mt 23:33

Ax tic, caw 'ixtm 'anma 'ex, lajn ex 'icha no chan, an̈jtona', 'ixta pax eb' e mam eyicham. ¿Tom 'oj stac' e coln 'el e b'a 'a jun niwn yailal 'a infierno?

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Mt 26:59

Ax ewin sat ya'mal 'och sti eb' 'anma cha, yet' ewin 'ichmtac winac, yet' smasnil ewin sat yajal, 'ix say ewin jun tzo'n̈ stestigo tz'a'n 'och junc 'es 'a yib'n̈ Jesús, sec tzya'ch ewin 'a yol sc'ab' chamel.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Mt 5:34

Palta an tzwal 'ayex, may junc tas tztac' e locn sb'i. Matz tac' e locn sb'i satcha'an̈, yujto a jun cha, atn sdespacho Dios.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Mr 14:55

A ewin sat ya'mal 'och sti eb' 'anma 'a Dios, yet' smasnil ewin sat yajal, 'ix say ewinac, mach 'oj 'a'nc 'och junc tas 'a yib'n̈ Jesús, sec tzya'ch ewin 'a yol sc'ab' chamel. Palta may mach x'ilchj yuj ewinac.

Mr 15:1

Ax yic 'ix sacb'i, a eb' sat ya'mal 'och sti eb' israel 'a Dios yet' ewin 'ichmtac winc 'ay yopiso, ewin cuywjum 'a ley yic Moisés, yet' pax smasnil jun tzo'n̈ xo ewin sat yajal, 'ix syam sb'a ewinac. 'Ix laj sc'umc sb'a eb' 'a spatic. Xlajw cha, 'ix sjaln ewin Jesús xyi'n 'at ewinac, xya'n 'och ewin 'a yol sc'ab' win Pilato, atn win yajal.

Lc 12:5

Palta 'oj wal 'ayex, mach 'aj smoj tzex xiwi: Xiwn̈ec 'a Dios, atn jun 'oj lajwc ex smilni, 'ay pax spoder ex ya'n pax 'at 'a infierno. Atn wal jun chi 'aj smoj tzex xiwi.

Lc 22:66

Ax yic wan sacb'i, syamn sb'a eb' 'ichmtac winc 'ay yopiso 'a scal eb' israel, yet' eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés. Xlajw cha, 'ix 'ijx 'at Jesús 'a yojltac ewin sat yajl cha. Ata sc'anb'j eb' 'ixtc 'a 'a:

Jn 11:47

Ax ewin fariseo cha, yet' eb' sat ya'mal 'och sti eb' israel 'a Dios, 'ix sc'umj sb'a ewin yet' eb' sat yajal. 'Ix laj yalnc eb' 'ixtic: —¿Tas tzcutjec tze na'a? Yujto til wal jun tzo'n̈ milagro wan sch'oxn jun winc cha.

Jn 15:25

Palta 'ixtn tic tz'aj yel'ch jun tzo'n̈ tic, sec tz'el'ch tas tz'ib'b'il can 'a ch'an̈ ley 'aj tzcob' ya'ch eb' snab'en. 'A 'aj tzyal 'ixtic: Tzcomn chichn 'och eb' 'ayin, xchi 'a Ch'an̈ U'un̈.

Jn 7:20

Ax eb' 'anma chi 'ayc' ta', 'ix yaln eb' 'ixtc 'a 'a: —Ach tic, tecn 'aych junc demonio 'ayach. ¿Mach wal junc tznib'n tzach miln cham tzela? xchi eb' 'a 'a.

Jn 8:48

'Ix yaln pax ewin 'aj Judea chi 'ixtc 'a Jesús: —'Ilt nab'n jun, yel tzcal on̈. Tecnto 'aj Samaria ach. Tecnto 'aych junc demonio 'ayach, xchi ewin 'a 'a.

A Tas Sc'ulejnac Eb' Schecab' Jesús Hechos 17:18

'Ay jun tzo'n̈ winc caw jelan, yujto tzcuy eb' sjelnal eb' tzcuch epicúreo yet' jun tzo'n̈ eb' tzcuch estoico. 'Ix syamn 'och eb' spaxtin yet' Pablo. Ax nan̈l xo eb', mun xyal eb' 'ixtic: —A win puch yec' paxtinc tic, ¿tas 'oj yal win 'ayn̈ec? xchi eb'. 'Ay jun tzo'n̈ xo eb' xaln 'ixtic: —Al qui nani, to tzwul yal win yab'xil jun tzo'n̈ chuc diosal, xchi eb'. 'Ixta xyutj eb' yalni, yujto x'ec' yal-l Pablo yab'xil Jesucristo. 'Ix yaln paxi, chajtlto 'oj pitzwc pax eb' chamnac.

A Tas Sc'ulejnac Eb' Schecab' Jesús Hechos 22:30

Ax 'a junx c'u, 'ix snib'j win comandante chi yab'i', tas yuj x'ajx queja Pablo yuj eb' israel. Yuj cha, xyi'n 'el win q'uen cadena 'a 'a. Xlajw cha, xya'n win syam sb'a eb' sat ya'mal 'och sti eb' israel 'a Dios, yet' smasnil eb' sat yajal. 'Ix ya'n 'elt win 'a yojltac eb'.

A Tas Sc'ulejnac Eb' Schecab' Jesús Hechos 23:1

Ax Pablo, x'ec' q'uel-loc 'a eb' sat yajal, 'ix yaln 'ixtc 'a eb': —Ex wit chon̈ab', tojln̈ej yaj in nab'en 'a sat Dios, masnto 'a jun c'u tic, xchi 'a eb'.

A Tas Sc'ulejnac Eb' Schecab' Jesús Hechos 24:20

Ax ewin tzin 'a'n queja tic, yal cab' ewinac, toto 'ay in mul x'ilchj yuj eb' sat yajl yaj 'a eb' wit israelal, yic in sb'eyc'ojlan eb'.

A Tas Sc'ulejnac Eb' Schecab' Jesús Hechos 4:15

Yuj cha, xyaln ewinac, to tz'ijx 'el Pedro chi yet' Juan 'a yojltac ewinac, sec tzc'umj can sb'a ewin sch'ocoj.

A Tas Sc'ulejnac Eb' Schecab' Jesús Hechos 5:21

Yuj cha, ax 'a yic wan sacb'i, 'ix c'och eb' 'a yamq'uil yatut Dios. 'Ix syamn 'och eb' scuywj ta'. Ax win sat ya'mal 'och sti eb' israel 'a Dios, yet' ewin yitb'eyum, 'ix yawtn cot ewin eb' sat yajal, atn jantcn̈ej eb' yajl yaj 'a eb' israel. Xlajw cha, xchecn 'at ewin jaywn̈ ewin policía, yic tz'at cob' yi'nc 'elt ewin eb' schecb' Jesús 'a preso snani.

A Tas Sc'ulejnac Eb' Schecab' Jesús Hechos 5:27

'Ix 'at ya'nc ewin eb' schecb' Jesús 'a yojltac eb' sat yajal. Ax win sat ya'mal 'och sti eb' israel 'a Dios, 'ix aln 'a eb' 'ixtic.

A Tas Sc'ulejnac Eb' Schecab' Jesús Hechos 6:12

'Ixta xyutj eb' stzuntzn chan̈ eb' chon̈ab', yet' ewin 'ichmtac winac, yet' ewin cuywjum 'a ley yic Moisés. Yuj cha, 'ix cot jucnjoc eb' 'a Esteban cha, 'ix syamn cot eb'. Xit' ya'nc eb' 'a yojltac ewin sat yajal.

A Tas Sc'ulejnac Eb' Schecab' Jesús Hechos 6:15

Ax ewin yajl cha, yet' eb' wocn 'ejmta smasnil, 'ix 'och q'ueln eb' 'a Esteban cha. 'Ix yiln 'och eb' sat, caw lajn yilx 'icha sat junc ángel.

A Tas Sc'ulejnac Eb' Schecab' Jesús Hechos 7:37

Atn Moisés chi 'ix aln 'ixtc 'a eb' quit israelalec cha: A Dios 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. [Caw tze chaj eyab' 'a 'a,] xchi 'a eb'.

Ro 12:10

Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

1 Co 6:6

'In 'ayx ton̈j tz'at laj eya'lac queja e b'a 'a sat ewin yajal, palta man̈ creyenteoc ewinac.

Dt 15:11

A meb'a'il cha, may xon b'a'n̈ 'oj 'och wan 'a scal eb' 'anma 'a sat lum lum tic. Yuj cha, tzwaln can 'ayex, to wach' tzeyutj e nab'en 'a eb' quit chon̈b'ec tz'ab'n syal meb'a'il 'a yol e chon̈b' cha.

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

Tito 3:2

Man̈ comnoc tzb'uchwj eb' 'a eb' yit 'anma'il. Matz tac' scomn 'a'n pax eb' owl yet' junc xo mach. Yowlal wach' tzyutj eb' snab'en, 'emmquil tzyutj sb'a eb' 'a smasnil 'anma'.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

Santiago 2:20

Palta 'ayex 'icha wal to may e nab'en, nachj cab' 'el jun tzo'n̈ tic eyu'uj. Toto tzcob' cala to 'aych qui c'ojl 'a Dios, palta man̈ wach'c tzcutj qui b'a, toxn may yel'chi, may qui colnb'il yu'uj.

Santiago 3:6

'Icha jun c'ac' cha, 'ixta qui ti'ec. Smasnil jun tzo'n̈ maysch'olnil 'a yolyib'n̈q'uinl tic, tztac' yu'uj. A qui ti'ec, junn̈j yaj yet' qui niwnalec, palta a tz'i'n 'at qui niwnalec 'a maysch'olnil. Caw tzyij cot cusc'ojlal 'a quib'n̈ec 'a smasnil tiempo. Yujto a jun tzo'n̈ maysch'olnil tzyal qui ti'ec, a 'a infierno tzcoti.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

1 Jn 2:9

Toto tzcalec to sacq'uinl xo yaj qui pixnec, palta toto tzon̈ chichnec 'och 'a junc quit creyenteal, to 'ixta', q'uic'q'uinl to yaj qui pixnec.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.

San Judas 1:9

Tzqui nacc cot jun sat ángel Miguel sb'i, ya'jnac owl yet' win diablo 'a jun 'el, yic sten sb'a yet' win yuj sniwnal Moisés. A Miguel cha, wach'xam caw niwn spoder, palta ma'ix ste'wtzej sb'a sb'uchwj 'a win diablo cha. Ma'ix yal smul winac. Cojn 'ixtc xyutj yaln 'a winac: Comnoc a Dios 'oj a tumni, schin̈j 'a winac.

Apoc 20:14

Ax jun chaml cha, yet' jun yet'l spixn eb' chamnac, 'ix julx can 'at 'a scal jun niwquil c'ac' tzn̈ilchji, jun 'icha pama'. A jun c'ac' cha, atn jun schab'l chamel.