Mt 4:4 - Chuj San Sebastian Bible

⁴ —A Ch'an̈ Un̈ tz'ib'b'il cani, ata tzyal 'ixtic: Man̈ cojnoc yuj tas tzc'uxxi pitzn on̈ec, palta pitzn on̈c yuj smasnil tas tzyal Dios. 'Ixta tzyal 'a Ch'an̈, xchi Jesús 'a winac.

Chuj San Mateo Bible

⁴ Palta ix yalan Jesús: —A d'a Slolonel Dios Tz'ib'ab'ilcani, a tz'alan icha tic: Man̈ yujocn̈ej tas svaji ay co q'uinal. Palta yuj jantacn̈ej tas syal Dios ay co q'uinal, xchicani, xchi Jesús.

Mt 4:4 ပူးပေါင်းရင်းမြစ်များ

Ex 16:15

Man̈ yojcoc xon eb' israel jun cha. A yic xyiln eb', 'ix laj yal-lanc eb' 'a 'ixtic: ¿tas laj jun tzo'n̈ tic? xchi eb'. Yuj cha, xyaln Moisés 'ixtc 'a eb': —Atn jun tic tzyac' Jehová e c'uxu'.

Ex 16:35

A eb' israel cha, chawinc ab'il sc'ux eb' maná, masnto 'ix jaw eb' 'a smon̈jonal lum Canaán.

Ex 16:8

'Ix yaln pax Moisés chi 'ixtic: —A 'a yic yemc'ul tic, 'oj yac' Jehová e chi chib'ej, ax 'a sq'uin̈b'il q'uic'an, ax ex ya'n wa'oc. Yujto 'ix yab' eyaln tu paxti 'a 'a, tzcot pax eyowl 'ayn̈ on̈, palta wal yel a 'a Jehová tzcot eyowal, xchi Moisés cha.

Ex 23:15

A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Mt 15:11

A jun tzo'n̈ tas tz'och 'a qui ti', matz on̈ juw yuj 'a sat Dios. Palta a jun tzo'n̈ tas tz'elt 'a qui ti', a tzon̈ 'a'n juwc 'eli, xchi 'a eb'.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Mt 4:7

'Ix ta'w pax Jesús 'ixtic: —Palta tzyal pax 'ixtc 'a Ch'an̈ Un̈ tz'ib'b'il can cha: Man̈ eyac' prowal Cajlil qui Diosalec, xchi 'a Ch'an̈, xchi 'a winac.

Mr 7:20

Palta xyaln pax junx tic 'a eb': —A jun tzo'n̈ tas tzcot 'a qui nab'en, a tzon̈ 'a'n juwc 'el 'a sat Dios.

Lc 4:12

'Ix yaln pax Jesús 'ixtc 'a winac: —Palta tzyaln pax junx tic 'a Ch'an̈ U'un̈: Man̈ eyac' prowal Cajlil qui Diosalec, xchi 'a Ch'an̈, xchi Jesús.

Lc 4:4

Palta xyaln 'a win 'ixtic: —A Ch'an̈ Un̈ tz'ib'b'il cani, ata tzyal 'ixtic: Man̈ cojnoc yuj tas tzc'uxxi, pitzn on̈ec, [palta pitzn on̈c yuj smasnil tas tzyal Dios.] 'Ixta tzyal 'a Ch'an̈, xchi 'a winac.

Lc 4:8

Palta xyaln pax Jesús 'a winac: —[Ach Satanás, 'ij 'el a b'a 'a in tz'ey.] Tzyal 'ixtc 'a Ch'an̈ Un̈ tz'ib'b'il cani: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈ U'un̈, xchi Jesús 'a winac.

Jn 15:26

Palta 'ay jun 'oj cot 'a qui Mam Dios, atn Yespíritu caw yel. 'Oj jawoc, ax scolwj eyet'oc. An 'oj 'at in chec coti. A jun chi 'oj yac' testigoal sb'a wu'uj.

Jn 6:63

A jun Espíritu yic Dios, a tz'a'n qui q'uinlec. Ax qui niwnalec tic, may jac tztac' yu'uj. A jun tzo'n̈ paxti xwal 'ayx tic, caw yel yic Yespíritu Dios. Yuj cha, a tztac' ya'n e q'uinl 'a jun 'ejmn̈ej.

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Ef 6:17

Caw tzeya'ch yipc e c'ojol to colchjnac ex. Toto 'ixta', lajn ex 'icha eb' soldado c'oxb'il jun q'uen xumpiln yu'uj. Axn̈ej spaxti Dios 'ac'b'il 'ayn̈ yuj Yespíritu tze c'anlb'ej, 'icha tzyutj eb' soldado sc'anlb'an yespada.

Dt 8:3

Til wal yailal xquilec, xca'nec pax wejel, ax Jehová 'ix 'a'n qui c'uxc maná. A jun cha, man̈ eyojcoc sc'uxxi. May pax 'aj c'uxb'il yuj eb' qui mam quichmec 'a pecti'. 'Ixta xyutj ya'n cojcoc 'eli to man̈ cojnoc yuj tas tzc'uxxi pitzn on̈ec, palta pitzn on̈c yuj smasnil tas tzyal Dios.