Mt 4:24 - Chuj San Sebastian Bible

²⁴ C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Chuj San Mateo Bible

²⁴ Ix laj pucaxel yab'ixal Jesús d'a scal masanil yol yic Siria. Yuj chi' ix ic'jib'at eb' penaay smasanil d'ay, jantacn̈ej juntzan̈ yab'il yed' juntzan̈ ilya tz'ic'an eb'. An̈ejtona', ay pax eb' tz'ixtaj yuj eb' enemigo, eb' scot d'a sjolom yed' eb' sicb'inaqueli. Ix laj ic'jib'at eb' d'ay. Yuj chi' ix b'oxican eb' smasanil yuuj.

Mt 4:24 ပူးပေါင်းရင်းမြစ်များ

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

A Ch'an̈ B'ab'el Libro Yic Yab'ixal Eb' Rey 10:1

A 'ix reina yic chon̈b' Sabá, xyab' 'ix yel yab'xil Salomón, to caw niwn yel'chi, yujto caw tz'ijx chan̈ Jehová yu'uj. Xjaw 'ix 'a Jerusalén yic tzwul ya'nc prowal 'ix Salomón yet' jun tzo'n̈ tas tzc'anb'ej, jun tzo'n̈ to caw ya snachj 'eli. Caw niwn eb' schecb' 'ix ajun yet'oc. Yet' pax 'ix nan̈l e no cameyo, cuchb'il jun tzo'n̈ perjuma yuj e no', caw niwn pax q'uen oro, yet' pax jun tzo'n̈ q'uen q'uen caw wach' yilxi. A yic xjaw 'ix 'a yojltac Salomón, 'ix sc'anb'n 'ix smasnil jun tzo'n̈ tas nab'il yu'uj.

A Ch'an̈ B'ab'el Libro Yic Yab'ixal Eb' Rey 4:31

Yel xo jeln 'a yib'n̈ smasnil eb' winc b'inab'il yuj sjelnal: Atn Etán yin̈tl Zera, yet' 'a Hemán, Calcol, yet' pax 'a Darda, atn eb' yunnal Mahol. 'Ix 'ojcax 'el yab'xil 'a smasnil nacion̈ 'ay 'a stz'ey cha.

1 Cr 14:17

'Ixta 'ix 'aj yijx chan̈ sb'inab'ilal David yet' sjelnal 'a sat smasnil nacion̈, ax Jehová a 'ix 'a'n xiwc'ojlal 'a jun tzo'n̈ nacion̈ chi yuj David.

1 Cr 29:2

An tic, yet' wal smasnil wip 'ix in yamb'tzan can smasnil tas 'oj c'anxc 'a yatut qui Diosalec: atn q'uen oro, q'uen plata, q'uen bronce, q'uen hierro yet' pax te te', a tzyal tas 'oj c'anxc 'a junjn macn̈ munljel. Yet' pax q'uen ónice, eb' q'uen wach' yilxi, eb' q'uen q'uic' q'ue'en, eb' q'uen chucchc yilxi, yet' smasnil junjn macn̈ q'uen chan̈ stojol, caw niwn pax q'uen mármol.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Mt 12:22

'Ay jun winc x'ijx cot 'a Jesús, matz tac' yilni, matz uj spaxtin paxi, yujto 'aych jun demonio 'a 'a. Ax Jesús a 'ix 'a'n b'oxc sc'ojol, yuj cha, xb'o yilni, 'ix b'o spaxtin paxi.

Mt 14:1

A 'a jun tiempoal cha, xyab' win rey Herodes speclal Jesús.

Mt 15:22

Ata 'ay jun 'ix man̈ israeloc, 'aj Canaán 'ix. Xjaw 'ix 'a Jesús, 'ix 'awj 'ix 'ixtc 'a 'a: —Mamin, ach yin̈tl David, mamtzac 'o'ch a c'ojl 'ayin. 'Ay jun 'unx wune', 'aych jun demonio 'a 'unix, caw tzyab' 'unx syal yu'uj, xchi 'ix 'a 'a.

Mt 17:15

—Mamin, comnoc tz'o'ch a c'ojl 'a jun wunnal, to caw tzcot owya 'a sjolom, caw tzyab' syal yu'uj. Til wal 'ejm tz'at 'a yib'n̈ c'ac' yu'uj, yet' a yol a'.

Mt 17:18

Yic xjaw win 'unn chi 'a 'a, 'ix stumj jun demonio 'aych 'a winac. 'Ix spechn 'eli, yajn̈j wal cha, xb'ox can sc'ojl win yu'uj.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mt 8:28

Xlajw cha, xc'och eb' 'a junx sc'axpil 'ec' a'. A jun lugar cha, Gadara sb'i. Ata 'ix cot chawn̈ winc 'a 'aj mucn eb' chamnac. 'Ix jaw eb' 'a Jesús. A eb' chawn̈ cha, 'aych ewin demonio 'a eb'. Yel xo wal caw 'ay smay eb'. Yuj cha, may mach tzb'ey 'a jun b'e tz'ec' 'a 'aj 'ayc' eb' cha.

Mt 8:33

Ax eb' yilmal e no', caw xiw eb', x'at eb' 'eloc. 'Ix c'och eb' mu'c 'a yol chon̈ab'. Ata xyal-l eb' yuj tas 'ix uji, xyaln pax eb' yuj ewin demonio cha.

Mt 8:6

'ix yaln win 'ixtic: —Mamin, 'ay jun in moso 'aycn 'a watut, t'ocn 'eq'ui, sicb'nac 'eli, caw tzyab' syal schiwj 'a 'a, xchi winac.

Mt 9:26

'Ix puc yab'xil 'a smasnil jun lugar cha, yuj tas 'ix sb'o'o.

Mt 9:35

Ax Jesús c'uxn x'ec' 'a jun tzo'n̈ chon̈ab', yet' 'a jun tzo'n̈ aldea. 'Ix 'ec' cuywjoc 'a eb' 'anma 'a yoltc jun tzo'n̈ scapiya eb'. 'Ix yaln 'el wach' 'ab'ix, chajtl tz'aj eb' 'anma yoch 'a yol sc'ab' Dios. Tzann̈j jun tzo'n̈ yab'il tz'i'n eb' 'anma', c'uxn xlaj ya'cn b'oxc sc'ojl eb'.

Mr 1:28

Yajn̈ej, 'ix puc yab'xil Jesús 'a scal smasnil eb' 'aj Galilea cha.

Mr 1:32

Ax yic tox 'ix 'at c'u, wan xo sq'uic'b'i, 'ix 'ijx cot smasnil eb' ya'ay 'a Jesús, yet' eb' 'aych ewin demonio 'a 'a.

Mr 2:3

'Ay jun win sicb'nac 'eli, 'ix 'ijx cot yuj chan̈wn̈ eb' winac.

Mr 2:4

Palta matz tac' yochch eb' 'a 'aj 'ayq'ui, yujto til wal 'anma'. Yuj cha, xq'ue eb' 'a span̈nil yib'n̈ jun n̈a cha, axta xyol eb' jun oln 'a stojlal 'aj 'ayc' Jesús. Xlajw cha, xya'n 'emt t'un̈n̈oc eb' win sicb'nac 'el chi yet' swaynub', 'ix 'eml 'a sat lu'um.

Mr 2:9

¿'Aja junc man̈ 'ajltacc yel'ch tze na'a? Toto tzcal 'ixtic: Tic 'ix 'ajx can lajwc a mul, xqui chi: Mto q'uen̈ wa'an, b'eyan̈, xqui chi. ¿Tom 'ay junc man̈ 'ajltacoc yel'chi?

Lc 2:2

Sb'ab'l to xq'ue wan sb'isl eb' 'anma 'a jun tiempoal cha. Atn 'a yic 'aych win Cirenio gobernadoral 'a Siria, ata x'ijx q'ue wan sb'isl eb' cha.

Lc 4:14

'Ix paxx Jesús 'a Galilea, caw 'aych Yespíritu Dios yet'oc, c'uxn xpucl yab'xil 'a jun lugar cha.

Lc 4:38

'Ix 'elt Jesús 'a yol capiya cha, 'ix c'och 'a yatut Simón. Ax 'ix sn̈i Simón cha, caw tzcham 'ix yuj c'a'l yab'il. Yuj cha, 'ix tew 'och eb' 'a Jesús sec tzyac' b'oxc 'ix.

Lc 5:15

Palta 'ix wach' pucl yab'xil Jesús 'a scal eb' 'anma'. Yuj cha, til wal eb' xlaj syam sb'a yic tz'ab'xni eb' 'a 'a. Tznib'n pax eb' tzlaj b'ox can sc'ojl yuj syailal.

Lc 5:24

Palta a ticnec 'oj in ch'ox 'ayex, to an 'Ochnc in 'Anmal tic, 'ay in poder wa'n can lajwc smul eb' 'anma 'a yolyib'n̈q'uinl tic, xchi 'a ewinac. Xlajw cha, xyaln 'a win sicb'nac 'el chi 'ixtic: —An tzwal 'ayach, q'uen̈ wa'an, 'ij chan̈ a waynub' tic, paxn̈ 'a atut, xchi 'a winac.

Lc 7:17

A jun sb'o Jesús cha, c'uxn xpucl yab'xil 'a yol slugar eb' israel yet' 'a jun tzon̈ xo lugar 'a sla'nil cha.

Jn 10:21

Palta 'ay nan̈l xo eb' 'ix alni: —Toto 'aych junc demonio 'a 'a, ¿tom tztac' yaln 'ixta'? A junc demonio, ¿tom tztac' sjacn sat junc mach matz uj yilni? xchi eb'.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 15:23

'Ix checx 'at eb' yac' jun ch'an̈ carta. Tzyal ch'an̈ carta chi 'ixtic: An̈ schecb' on̈ Jesús tic on̈, yet' eb' anciano, yet' pax eb' creyente smasnil, tic tzca't stzatzl e c'ojl ax man̈ ex israeloc 'a chon̈b' Antioquía, 'a Siria, yet' 'a Cilicia.

A Tas Sc'ulejnac Eb' Schecab' Jesús Hechos 15:41

'Ix 'ec' eb' 'a yol yic Siria yet' 'a yol yic Cilicia. 'Ix 'ec' eb' yac' ste'nal eb' creyente 'a junjn iglesia.

A Tas Sc'ulejnac Eb' Schecab' Jesús Hechos 28:9

Xlajw sb'ox sc'ojl win cha, ax jun tzo'n̈ xo eb' ya'ay 'a jun lugar cha, c'uxn xc'och eb' 'a Pablo. 'Ix b'ox pax can sc'ojl eb' yu'uj.

A Tas Sc'ulejnac Eb' Schecab' Jesús Hechos 8:7

A 'a jun chon̈b' cha, til wal eb' 'anma 'aych demonio 'a 'a. Ax Felipe chi xlaj 'i'nc 'el 'a eb'. Caw x'el yaw ewin demonio chi yel 'a eb'. Til wal eb' sicb'nac 'eli, yet' pax eb' matz tac' sb'eyi, xlaj b'ox can eb' yuj Felipe cha.

Josué 6:27

A Jehová caw wal xcolwj yet' Josué, yuj cha, 'ix puc yab'xil 'a smasnil jun tzo'n̈ lugar cha.