Mt 27:63 - Chuj San Sebastian Bible

⁶³ 'ix yaln ewin 'ixtic: —Ach cajlil on̈, cojc on̈ yic pitznto win 'a'm 'es cha, yaln can 'ixtic: Schab'jil in chami ax in pitzw paxi, xchi cob' winac.

Chuj San Mateo Bible

⁶³ Ix yalan eb' vin̈: —Ach cajal, sco nacot jun vin̈ esalvum chi', a ix yalani: Schab'jial in chami, ol in pitzvocxi, nivanoc xchi vin̈.

Mt 27:63 ပူးပေါင်းရင်းမြစ်များ

Mt 16:21

Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Mt 17:23

'Oj in smil cham eb'. Ax 'a schab'jial ax in pitzw paxi, xchi 'a eb'. A yic xyab'n eb' jun tzo'n̈ cha, caw xcus eb'.

Mt 20:19

'Oj wajx 'och 'a yol sc'ab' eb' man̈ israeloc. 'Oj in sb'uch eb'. 'Oj in smac' eb'. 'Oj in yac' q'ue eb' 'a spenc culus. Palta ax 'a schab'jial, ax in pitzw paxi, xchi 'a eb'.

Mt 26:61

'ix yaln eb' 'ixtic: —'Ix cab' yaln win 'ixtc on̈: An tic tztac' in satn 'el yatut Dios, ax 'a schab'jial, ax sb'ox sjel wu'uj, xchi winac, xchi eb'.

Mt 27:64

Yuj cha, mamtzac a checb't stan̈mal jun 'aj xit' 'ajxc 'och sniwnal win cha, masnto tz'el 'a schab'jil cha. Toto ma'ay, tecn 'oj 'at yelc' 'elt eb' scuywum sniwnal chi 'a 'ac'wal. 'Oj lajwc cha, ax yaln 'el eb' 'ixtc 'a scal eb' 'anma': 'Ix pitzw pax Jesús 'a scal eb' chamnac, tecn 'oj schic eb'. Toto 'ixta', a jun 'es 'oj yac' eb' 'a slajub', 'ec'b'al stul 'a yib'n̈ jun b'ab'l 'ix yac' eb', xchi ewin 'a win Pilato cha.

Mt 28:6

Man̈x 'ayc' 'och 'a tic, tox 'ix pitzw pax 'icha yaj yaln can 'ayex. Cotn̈ec nab'an, wul 'iltec yet'l 'aj xwul ya'ch eb'.

Mr 10:34

'Oj in sb'uch eb', 'oj in smac' eb', 'oj in stzub'c eb'. 'Oj in smiln eb', palta ax 'a schab'jial, ax in pitzw paxi, xchi 'a eb'.

Mr 8:31

Ax 'a jun tiempoal cha, 'ix syamn 'och scuywj 'a eb' scuywum, yuj tastc 'oj jawc 'a yib'an̈, 'ix yaln 'ixtic: An tic wach'xam 'Ochnc in 'Anma'il, palta yowlal caw 'oj wab' syail. A wal ewin 'ichmtac winc 'ay yopiso, yet' ewin sat ya'mal 'och qui ti 'a Dios, yet' pax ewin cuywjum 'a ley yic Moisés, 'oj in patquilx can 'el yuj ewinac, 'oj in smil cham ewinac, palta ax 'a schab'jial ax in pitzw paxi, xchi 'a eb'.

Mr 9:31

yujto wan scuywj 'a eb' scuywum. 'Ix yaln 'a eb' 'ixtic: —An tic wach'xam 'Ochnc in 'Anma'il, palta 'oj wajx 'och 'a yol sc'ab' jun tzo'n̈ winac, 'oj in smil cham eb', ax 'a schab'jial ax in pitzw paxi, xchi 'a eb'.

Lc 18:31

Ax Jesús, 'ix yawtn cot eb' scuywum slajchwan̈il, 'ix yaln 'a eb' 'ixtic: —A ticnec, wan qui 'atc 'a Jerusalén. Ata 'oj 'el'choc jantcn̈ej tas tz'ib'b'il can yuj eb' schecb' Dios pecti', yic yaln can eb' wab'xil an 'Ochnc in 'Anmal tic.

Lc 18:33

Ax in sma'n pax eb'. 'Oj lajwc cha, ax in smiln cham eb'. Palta ax 'a schab'jial, ax in pitzw paxi, xchi Jesús 'a eb'.

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Lc 9:22

'Ix yaln pax 'ixtc 'a eb': —An tic 'Ochnc in 'Anma'il, palta yowlal 'oj wab' syail. 'Oj in patquilx can 'el yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Jn 2:19

Yuj cha, xyaln 'ixtc 'a ewinac: —Toto tze mac' lan̈chjoc jun yatut Dios tic, ax 'a yoxl c'u, ax sb'ox can wuj jun 'ejm xo, xchi 'a ewinac.

Jn 7:12

Ax 'a scal eb' 'anma', til wal eb' tzlaj aln yu'uj. 'Ay eb' tzaln 'ixtic: Caw wach' winac, xchi eb'. Palta 'ay pax eb' tzcob' alnoc: Ma'ay, to tzlaj yixtc paxti win eb' 'anma', xchi eb'.

Jn 7:47

Yuj cha, xyaln pax ewin fariseo chi 'ixtc 'a eb': —¿Tom ex 'ixtx paxti pax yuj win jun xo?

2 Co 6:8

'Ay 'aj niwn quel'ch on̈, 'ay 'aj may jac quel'ch on̈. 'Ay 'aj tzon̈ alx wach'l on̈, 'ay 'aj ton̈j tzon̈ b'uchx on̈. 'Ay 'aj ton̈j tzcac' 'es snan eb' on̈, palta yel tas tzcal on̈.