Mt 27:43 - Chuj San Sebastian Bible

⁴³ 'Ix cob' ya'ch Dios yipc sc'ojol, yuj cha, colwj cab' Dios chi yet' quila', toto yel 'ay schamc'ojlal Dios 'a 'a. 'In xyala, to yunnal Dios, xchi ewinac.

Chuj San Mateo Bible

⁴³ Nivanoc ix yac'och Dios vin̈ yipoc sc'ool. Yuj chi' colvajocab' Dios chi' yed' vin̈ quil ticnaic tato yel xajan vin̈ yuj Dios. Inato ix yal vin̈ to Yuninal Dios, xchi eb' vin̈.

Mt 27:43 ပူးပေါင်းရင်းမြစ်များ

Salmos 14:6

A eb' may yel'ch Dios 'a 'a, tzju eb' tas nab'il yuj eb' 'emmquilal yeq'ui, palta ax Jehová a tzcolwj yet' eb'.

Salmos 22:8

A jun tic a cob' Jehová a tzya'ch yipc sc'ojol; yuj cha, colx cab' 'el ticnec yu'uj. Toto caw yel nib'b'il yuj Dios, colx cab' yu'uj, xchi eb'.

Salmos 3:2

Til wal eb' tzaln 'ixtc 'a in patic: A Dios ma'oj colwjoc yet'oc, xchi eb'.

Salmos 42:10

Caw wal tzwab' syal si'mb'il, 'icha to tzma'x poj in b'aquil, yujto tzlaj in yixtc eb' 'ajc'ojol. 'A junjn c'u tzlaj sc'anb'noc eb' 'ixtc 'ayin. ¿'Ajtil 'ay jun a Diosal cha? xchi eb'.

Salmos 71:11

Tzyaln eb' 'ixtic: Qui pechc b'eyc'oc, tzqui yamnec coti, man̈x 'ayc 'och Dios yet'oc, man̈x 'a mach tztac' scolni, xchi eb'.

Is 36:15

Tznib'j Ezequías to a Jehová tzeya'ch yipc e c'ojol, tzyaln cob' 'ixtic: Wal yel 'oj on̈ scolc Jehová qui Diosal; ax jun qui chon̈b' tic ma'oj ya'ch 'a yol sc'ab' sreyl chon̈b' Asiria, xchi cob'i'.

Is 36:18

¿Toc wal 'ay junc sdiosal jun tzo'n̈ nacion̈ chi 'ix coln 'el slum eb' 'a yol scab' sreyl chon̈b' Asiria?

Is 37:10

A 'a Diosal tzalni, to ma'oj 'ajxc 'och Jerusalén 'a yol in c'ab'; palta man̈ a'ch yipc 'a c'ojl tas tzyal a Diosal cha, man̈ a cha 'ixtxoc paxti a b'a yu'uj.

Mt 27:40

tzyaln eb' 'ixtic: —Ach ton tic xal a satl yatut Dios, xa b'on sjel 'a schab'jial. Col a b'a ticnec, toto yel yunnal ach Dios, 'emn̈ta 'a spenc te culs cha, xchi eb' 'a 'a.

Mt 27:54

Ax ewin soldado tztan̈wni cha, yet' win syajlil ewinac, 'ix yab' ewin yec' jun quixcab' cha. 'Ix yiln pax ewin jun tzo'n̈ xo tas 'ix uji, yuj cha, caw xiw ewinac, 'ix yaln ewin 'ixtic: A jun win xcham tic, caw yel yunnal Dios, xchi ewinac.

Lc 23:35

A eb' 'anma', xlaj 'och q'ueln eb' 'a jun tzo'n̈ tas xlaj uj cha. Ax ewin yajal, 'ix syamn 'och ewin sb'uchwj 'a Jesús. 'Ix laj yalnc ewin 'ixtic: —'Ix cob' colchjoc ab' jun tzo'n̈ 'anma yu'uj. Ax ticnec, toto yel Cristo, toto sic'b'il 'el yuj Dios, scol cab' 'el sb'a quila', xchi ewinac.

Lc 23:37

'Ix yaln ewin 'a 'ixtic: —Toto yel sreyl ach eb' israel, col a b'a quila', xchi ewin 'a 'a.

Jn 10:30

An tic, caw lajn in yet' qui Mam Dios, yujto junn̈j 'anmal waj yet'oc, xchi Jesús 'a eb' 'aj Judea cha.

Jn 10:36

An xo tic, a Dios si'jnacn 'eli, schecn in cot 'a yolyib'n̈q'uinl tic. Yuj cha, ¿tas yuj tzeyala to tzin b'uchwj 'a Dios, yic tzwalni to Yunnaln Dios cha?

Jn 19:7

—Palta an̈ tic on̈, 'ay jun ley 'aycn 'ayn̈ on̈. Yuj jun ley cha, yowlal 'oj milxc cham jun winc tic, yujto 'ix yalch sb'a Yunnaloc Dios, schi eb' 'a winac.