Mt 27:38 - Chuj San Sebastian Bible

³⁸ An̈jtona', 'ay chawn̈ 'elc'm xt'un̈x q'ue yet'oc, jun 'a swach', jun 'a surito, junjn sculsal junjn eb'.

Chuj San Mateo Bible

³⁸ An̈ejtona' ay chavan̈ eb' elc'um ix culusajq'ue yed'oc, jun d'a svach', jun d'a sq'uexan̈. Junjun sculusal junjun eb'.

Mt 27:38 ပူးပေါင်းရင်းမြစ်များ

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Mt 27:37

Ax 'a yib'n̈ sjolom, ata 'ix yac' q'ue ewin jun tzo'n̈ letra. A tzalni tas yuj tzchami. Atn Jesús tic, Sreyl eb' israel, xchi jun tzo'n̈ letra cha.

Mt 27:39

Ax eb' xlaj 'ec' ta', xb'uchwj eb', xlaj pax ch'umnjoc eb' 'a 'a,

Mt 27:44

Ax eb' 'elc'm chi xt'un̈x q'ue yet' cha, xb'uchwj pax eb' 'a 'a.

Mr 15:27

'Ay pax chawn̈ 'elc'm xt'un̈x q'ue yet'oc, jun 'a swach' c'ab', jun 'a surito, junjn sculsal junjn eb'.

Lc 22:37

Yujto tzwal 'ayex, yowlal 'oj 'el'choc tas tz'ib'b'il can 'a Ch'an̈ U'un̈, yic tzyaln 'ixtic: 'Icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo, xchi 'a Ch'an̈. Jantcn̈ej wab'xil tz'ib'b'il can 'a Ch'an̈, yowlal 'oj 'el'choc, xchi Jesús 'a eb'.

Jn 19:18

Ata 'ix ya'ch eb' Jesús 'a spenc culus. 'Ay chawn̈ xo eb' x'ajx 'och 'a spenc culs chi yet'oc, junjn eb' 'a smo'och. Yuj cha, a 'a snan̈l sculsal eb' chi xcan Jesús yet' sculsal cha.