Mt 27:30 - Chuj San Sebastian Bible

³⁰ Xlajw cha, xlaj stzub'nc ewinac, 'ix yi'n 'ec' ewin te 'aj chi 'a 'a, xlaj sjab'nc 'och ewin te 'a sjolom.

Chuj San Mateo Bible

³⁰ Ix tzub'aj yuj eb' vin̈. Ix toc'jiec' te' aj chi' d'ay. Ix ste pajanoch te' eb' vin̈ d'a sjolom.

Mt 27:30 ပူးပေါင်းရင်းမြစ်များ

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

Is 52:14

Til wal mach 'oj sat sc'ojl yiln 'ochi, 'oj jelmjoc yilx sat, man̈x lajnoc yilx 'icha yilx 'anma', 'oj juwc yilx yuj tas 'oj 'aj cha.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Is 53:7

Til wal 'ix yutj eb' yixtni, toc 'ay tas 'ix yala, ton̈j sictac yaji. Xyi'n 'at eb' 'anma chi 'a 'aj tzmila, 'icha tz'aj yijx 'at junc no calnelu 'aj tzmilxi, 'ixta xyutj sb'a, may xon tas xyala, sictac yaj 'icha no calnelu tzjoxxi.

Miqueas 5:1

Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Mt 26:67

Xlajw cha, 'ix stzub'n 'och eb' stzub' 'a sat Jesús, 'ix smac' pax eb'. 'Ay pax eb' xpawn 'och sc'ab' 'a sti',

Mr 10:34

'Oj in sb'uch eb', 'oj in smac' eb', 'oj in stzub'c eb'. 'Oj in smiln eb', palta ax 'a schab'jial, ax in pitzw paxi, xchi 'a eb'.

Mr 14:65

Xlajw cha, 'ay eb' stzub'n 'och stzub' 'a 'a, 'ix smac eb' sat, tzma'n eb', tzc'anb'n eb' 'ixtc 'a 'a: —Al 'ayn̈ on̈ ¿mach tzach ma'n tzab'i? xchi eb'. —Xlajw cha, ax eb' policía 'ix ma'n wal si'mb'il.

Mr 15:19

Xlajw cha, 'ix laj sjab'nc 'och ewin jun te 'aj 'a sjolom, 'ix laj stzub'nc pax ewinac. 'Ix laj stz'acn ewin yac' 'ejm sb'a 'a 'a.